2 Crónicas 36:1-23
36 --
2 --
3 --
4 --
5 --
6 --
7 --
8 --
9 --
10 --
Yerucharéü̃wa ãẽ̱xgacü nixĩ ga Yedequía
11 Rü nüma ga Yedequía rü nüxü̃́ nayexma ga 21 ga norü taunecü ga yexguma noxri ãẽ̱xgacü yixĩxgu. Rü 11 ga taunecü nixĩ ga ãẽ̱xgacü yixĩxü̃ ga Yerucharéü̃wa.
12 Notürü wüxi ga ãẽ̱xgacü ga tama Tupanaga ĩnücü nixĩ. Yerü tama inarüxĩnüchaü̃ nüxü̃́ ga gumá orearü uruxü̃ ga Yeremía ga Tupana nawa namaxã idexacü.
13 Rü naétü tama nayanguxẽxẽ ga norü uneta ga Tupanape̱xewa Babiróniaanearü ãẽ̱xgacü ga Nabucudonochómaxã nüxü̃ yaxuxü̃ nax norü churaragümaxã tá nüxü̃ nangü̃xẽẽxü̃. Rü nüma ga Yedequía rü poraãcü nügü nataixẽxẽ nax tama Tupanaga naxĩnüxü̃ca̱x.
14 Rü yexgumarüxü̃ ta ga guxü̃ma ga Yudáanecüã̱xarü ãẽ̱xgacügü rü norü duü̃xü̃gü rü chacherdótegü rü ta, rü poraãcü chixri namaxẽ. Rü to ga nachixü̃ane ga tama Tupanaxü̃ cua̱xgüxü̃arü tupanachicüna̱xãxü̃ nicua̱xüxü̃gü. Rü yemaacü chixexü̃ nawa naxügü ga guma Tupanapata ga nüma ga Tupana nüxü̃ unetane nax napata yixĩxü̃ca̱x ga Yerucharéü̃wa.
15 Rü nüma ga Cori ga Iraéutanüxü̃güarü o̱xigüarü Tupana rü guxü̃guma yéma nanamugü ga norü orearü uruü̃gü nax yaxucu̱xẽgüaxü̃ca̱x, yerü nüma ga Tupana rü nüxü̃́ nangechaü̃tümüxü̃gü ga norü duü̃xü̃gü rü nüxü̃ nangechaü̃ ga guma napata ga nawa nayexmane.
16 Notürü nümagü ga yema duü̃xü̃gü rü nüxü̃ nacugüeama ga yema Tupanaarü orearü uruü̃gü rü tama nüxü̃́ inarüxĩnüechaü̃ ga yema namaxã nüxü̃ yaxuxü̃. Rü yemaca̱x ga nüma ga Tupana rü düxwa namaxã nanu ga yema norü duü̃xü̃gü rü taxúema Tupanaxü̃ ítayachaxãchixẽxẽ.
Nagu narüchixe ga Tupanapata rü ínawoxü̃ ga Yudáanecüã̱xgü
17 Rü yemaca̱x nüma ga Cori ya Tupana rü Caudéutanüxü̃güarü ãẽ̱xgacüxü̃ namu nax nadaiaxü̃ca̱x ga yema Yudáanecüã̱xgüarü ngextü̱xüxü̃gü ga Tupanapatawa puracüexü̃. Rü tama nüxü̃́ tangechaü̃tümüxü̃gü ga guxema ngextü̱xügüxe, rü paxegü, rü yaxguã̱xgü, rü guxema ichixéxe. Rü yemaacü ga nüma ga Cori ya Tupana rü guxü̃ma ga Yudáanecüã̱xgüxü̃ Caudéutanüxü̃güme̱xẽgu nayixẽxẽ nax nadaiaxü̃ca̱x.
18 Rü guxü̃ma ga Tupanapataarü yemaxü̃gü ga itaxü̃ rü ixíraxü̃ rü nayana. Rü norü diẽrugü ga guma Tupanapata, rü guma ãẽ̱xgacüpataarü diẽrugü rü yema norü ngü̃xẽẽruü̃güarü diẽrugü, rü nüma ga Caudéutanüxü̃güarü ãẽ̱xgacü rü ĩane ga Babiróniaanewa nanana.
19 Rü guma Tupanapata rü nayagugü rü yema Yerucharéü̃arü poxeguxü̃ rü nagu napogüe. Rü guma ãẽ̱xgacüpatagü ínanagu rü inayanaxoxẽẽgü ga guxü̃ma ga ta̱xacü ga tatanüxü̃ ga guma ĩanewa yexmaxü̃.
20 Rü yemawena rü yema Yudáanecüã̱xgü ga íyaxügüxü̃ rü Babiróniaanewa nanagagü nax ãẽ̱xgacüarü rü nanegüarü puracütanüxü̃ yixĩgüxü̃ca̱x. Rü yemaacü nixĩgü rü nhu̱xmata Pérchiaanearü ãẽ̱xgacüme̱xẽwa nayexmagü ga Caudéutanüxü̃gü.
21 Rü yemaacü nixĩ ga yanguxü̃ ga yema Tupanaarü ore ga Yeremíawa nüxü̃ yaxuxü̃ ga nhaxgu: “Rü ngẽma naane rü tá inarüngü̃”, nhaxgu. Rü aixcuma yemaacü nangupetü yerü yema 70 ga taunecü ga Caudéutanüxü̃güme̱xẽwa nax nayexmaxü̃ rü inarüngü̃ ga yema Yudáane yerü nataxuma ga duü̃xü̃gü ga nawa puracüexü̃.
Pérchiaanearü ãẽ̱xgacü ga Chíru nanaxunagü nax wena naxüãxü̃ ga Tupanapata
22 Rü gumá taunecü ga nagu yangucuchicü ga Chíru nax Pérchiaanearü ãẽ̱xgacü yixĩxü̃ca̱x, rü nüma ga Tupana rü Chíruãẽwa nananguxẽxẽ ga ĩnü nax naxunagüaxü̃ca̱x ga wüxi ga mu ga Yudáanecüã̱xgüétüwa idexaxü̃ nax nüxü̃ nangü̃xẽẽgüxü̃ca̱x. Rü nanaxümatü ga yema mu rü guxü̃ ga norü naanewa nanamu nax yemaacü yanguxü̃ca̱x ga Cori ya Tupanaarü ore ga Yeremíawa nüxü̃ yaxuxü̃.
23 Rü nüma ga Chíru ga Pérchiaanearü ãẽ̱xgacü rü nanaxunagü i nhaa ore ga nhaxü̃: “Rü nüma ya Cori ya dauxü̃guxü̃ i naanearü Tupana, rü cha̱xme̱xwa nanangexmagüxẽxẽ i guxü̃ma i ãẽ̱xgacügü i nhama i naanewa ngẽxmagüxü̃. Rü choxü̃ namu nax Yerucharéü̃gu chanaxüxü̃ca̱x ya napata i Yudáanewa. Rü ngẽmaca̱x ya ngexerüxǘxe i pemax nax Cori ya Tupanaarü duü̃xü̃gü pexĩgüxü̃ ¡rü ẽcü pechixü̃aneca̱x pewoegu! ¡Rü nüma ya Cori ya perü Tupana pexü̃ rüngü̃xẽxẽ!” nhanagürü ga ãẽ̱xgacü ga Chíru.
