2 Crónicas 7:1-22
7 7:1,2 Rü yexguma Charumáu nüxü̃ rüchaxgu nax nayumüxẽ́xü̃ rü dauxü̃guxü̃ ga naanewa narüngu ga üxüema rü yema ãmaregü ga Tupanaca̱x yéma nanaxü̃ rü yema naxü̃nagü ga Tupanaca̱x nadaixü̃étügu nangu rü nixae. Rü yema Tupanaarü üüne rü guma Tupanapata namaxã nanapá rü yemaca̱x ga yema chacherdótegü rü taxucürüwama nagu nachocu.
2 --
3 Rü yexguma yema Iraéuanecüã̱xgü yema üxüemaxü̃ rü Tupanaarü üünexü̃ nadaugügu nax nhuxãcü Tupanapataétügu ínaxĩxü̃, rü guxü̃ma ga nümagü rü yema ínachauã̱xtüü̃gu nacaxã́pü̱xügü rü nanangücuchitanü. Rü Tupanaxü̃ nicua̱xüxü̃gü rü nüxna moxẽ naxãgü rü nhanagürügü: —Nüma ya Tupana rü namecüma rü norü ngechaü̃ rü taguma inayagu̱x —nhanagürügü.
4 Rü yemawena rü nüma ga ãẽ̱xgacü ga Charumáu rü guxü̃ma ga yema togü ga Iraéuanecüã̱xgü rü Tupanaca̱x nanadai rü nayagu ga muxü̃ma ga naxü̃nagü.
5 --
6 --
7 --
8 --
9 --
10 --
Tupana rü Charumáumaxã inaxuneta
11 7:11-12 Rü yexguma Charumáu yanguxẽẽgu ga guma Tupanapata rü guma ãẽ̱xgacüpata rü guxü̃ma ga yema togü ga yemaxü̃gü ga naxüxü̃, rü nüma ga Cori ya Tupana rü wüxi ga chütacü naxca̱x nango̱x rü nhanagürü nüxü̃: —Marü nüxü̃ chaxĩnü i ngẽma curü yumüxẽ rü marü nüxü̃ chaxuneta ya daa chapata nax yimagu cha̱u̱xca̱x penadaixü̃ca̱x rü ípenaguxü̃ca̱x i ngẽma naxü̃nagü i choxna pexãmaregüxü̃.
12 Nüü̃ nadau 7:11
13 7:13-14 Rü ngẽmaca̱x i ngẽxguma íchayachaxãchixẽẽgu ya pucü nax taguma napuxü̃ca̱x rü munügü íchangugüxẽẽgu nax penetügü nangṍxü̃ca̱x rüe̱xna pexca̱x da̱xaweane íchanguxẽẽgu, notürü ngẽxguma chape̱xegu pegü íperüxíragügu i pemax nax chorü duü̃xü̃gü pexĩgüxü̃, rü peyumüxẽgügu rü cha̱u̱xca̱x pedaugügu, rü nüxü̃ perüxoegu i ngẽma chixexü̃ i pecümagü, rü chama rü tá pexü̃ chaxĩnü i yéa dauxü̃guxü̃ i naanewa íchangexmaxü̃wa. Rü tá pexü̃́ nüxü̃ icharüngüma i perü chixexü̃gü rü tá ichayanaxoxẽxẽ i ngẽma guxchaxü̃ i perü naanewa ngẽxmaxü̃.
14 Nüü̃ nadau 7:13
15 Rü nhu̱xmacürüwa rü mea tá pexü̃́ nüxü̃ chaxĩnü i perü yumüxẽgü i daa chapatawa pexüxü̃.
16 Erü chamatama nüxü̃ chaxuneta rü chanaxüünexẽxẽ ya daa chapata nax nawa tá guxü̃guma changexmaxü̃. Rü guxü̃guma chauãẽwa nangexma rü tá nüxna chadau.
17 7:17-18 Rü nhu̱xmax i cumax, Pa Charumáux, rü ngẽxguma tá cunatü ya Dawírüxü̃ mea chauga cuxĩnügu, rü nagu cumaxü̃gu i ngẽma chorü mugü rü chorü ucu̱xẽgü, rü chama rü tá chayanguxẽxẽ ga yema uneta ga cunatü ga Dawímaxã nüxü̃ chixuxü̃ nax cumax rü cutaagü rü guxü̃gutáma Iraéuanecüã̱xgüarü ãẽ̱xgacügü tá yixĩgüxü̃.
18 Nüü̃ nadau 7:17
19 7:19-20 Notürü ngẽxguma pema rü choxna pexĩgachitanügu rü tama peyanguxẽẽgu i ngẽma mugü ga pexna chaxãxü̃ rü naxchicüna̱xãgüxü̃mare pecua̱xüü̃gügu, rü tá nawa pexü̃ íchawoxü̃ i nhaa naane i pexna chaxãxü̃. Rü tá nüxna chixũgachi ya daa chapata ya chaxüünexẽẽchiréne, rü tá wüxi i cugüruxü̃ chayaxĩxẽxẽ nape̱xewa i ngẽma togü i nachixü̃anegü.
20 Nüü̃ nadau 7:19
21 Rü daa chapata ya mexechichiréne rü nachicaxica tá ngẽ́ma nayaxü. Rü ngẽxguma i guxü̃ma i duü̃xü̃ i nawa üpetüxü̃ i nhaa nachica rü nüxü̃ nadaugügu i ngẽma chapatachica rü tá namaxã naba̱i̱xãchie rü tá nhanagürügü: “¿Tü̱xcüü̃ ya Cori ya Tupana i poraãcü nachixexẽẽãxü̃ i nhaa nachixü̃ane rü daa napata?” nhanagürügü tá.
22 Rü namücügü rü tá nanangãxü̃gü rü nhanagürügü tá: “Ngẽmaãcü namaxã nangupetü erü nhaa duü̃xü̃gü rü nüxna nixĩgachi ya Cori ya norü o̱xigüarü Tupana ga Eyítuanewa ínanguxü̃xẽẽcü, rü nawe narüxĩ ga yema naxchicüna̱xãgümare rü nüxü̃ nicua̱xüxü̃gü. Rü yemaca̱x nixĩ ga Tupana ga naxca̱x ínanguxẽẽgüãxü̃ ga yema taxü̃ ga guxchaxü̃gü”, nhanagürügü tá —nhanagürü ga Tupana nüxü̃ ga Charumáu.
