2 Reis 17:1-41
17 Rü yexguma 12 ga taunecü nüxü̃́ inguxgu ga Acáa nax ãẽ̱xgacü yixĩxü̃ ga Yudáanewa, rü yexguma nixĩ ga nüma ga Ochéa ya Éra nane rü yexwaca yangucuchixü̃ nax Iraéuanecüã̱xarü ãẽ̱xgacü yixĩxü̃ca̱x. Rü nüma ga Ochéa rü 9 ga taunecü nixĩ ga Chamáriaarü ĩanewa ãẽ̱xgacü yixĩxü̃.
2 Notürü ga yema Ochéa üxü̃ rü nachixe ga Tupanape̱xewa rü woo tama yema nüxíraxü̃güxü̃ ga Iraéuanecüã̱xarü ãẽ̱xgacügü ügüxü̃rüxü̃ nixĩ.
3 Rü nüma ga Achíriaanearü ãẽ̱xgacü ga Charimanácha, rü norü churaragümaxã Iraéuanecüã̱xarü ãẽ̱xgacü ga Ochéaca̱x ínayagoõchi rü nüxü̃ narüporamae. Rü norü duü̃xü̃güxü̃ nayaxĩgüxẽxẽ, rü natanüwa tacü ga diẽruca̱x ínacaüüxü̃ ga gucüma ga taunecügügu.
4 Notürü nüma ga Achíriaanearü ãẽ̱xgacü ga Charimanácha rü nüxü̃ nacua̱xama nax Ochéa rü bexma Eyítuanecüã̱xarü ãẽ̱xgacümaxã nax nügü naxucu̱xẽgüxü̃ nax Achíriaaneme̱xẽwa ínanguxuchixü̃ca̱x. Rü naétü marü tama nüxü̃́ ngĩxü̃ naxütanü ga yema diẽru ga wüxichigü ga taunecü nüxna ngĩxü̃ naxãgücü. Rü yemaca̱x nüma ga Charimanácha rü norü churaragüxü̃ namu nax Ochéaxü̃ yayauxgüxü̃ca̱x rü napoxcugüaxü̃ca̱x.
5 Rü norü churaragü rü Iraéuanegu nachocu rü ĩane ga Chamáriaca̱x ínayaxüãchi rü tamaepü̱x ga taunecü yéma nüxna nadaugü nax taxúema íxũxũxü̃ca̱x.
6 Rü yexguma 9 ga taunecü marü ãẽ̱xgacü yixĩxgu ga Ochéa, rü nüma ga ãẽ̱xgacü ga Achíriaanecüã̱x rü nanapu ga guma ĩane, rü Achíriaanewa tüxü̃ nagagü ga guxema Iraéuanecüã̱xgü. Rü ĩane ga Arágu rü ĩane ga Gocháũgu ga natü ga Abócutüwa tüxü̃ ninu. Rü to̱xguã̱x rü Medúgüarü ĩanegügu tüxü̃ ninu.
7 Rü yema guxchaxü̃ nixĩ ga nüxü̃ ngupetüxü̃ ga yema Iraéuanecüã̱xgü, yerü tama naga naxĩnüe ga Cori ya Tupana ga Eyítuanewa ínanguxü̃xẽẽcü ga Faraóũme̱xẽwa. Rü tupananetaxü̃ nicua̱xüxü̃gü, rü yemaacü Tupanape̱xewa chixexü̃ naxügü.
8 --
9 --
10 --
11 --
12 --
13 --
14 Rü woo Tupana rü norü orearü uruü̃güwa nayaxucu̱xẽgü, notürü ga nüma ga Iraéuanecüã̱xgü rü tama inaxĩnüechaü̃ rü tama nüxü̃ nacua̱xgüchaü̃ naxrüxü̃ ga norü o̱xigü ga tama aixcuma Cori ya Tupanaaxü̃́ yaxõgüxü̃.
15 Rü yemaacü ga yema duü̃xü̃gü rü nüxü̃ naxoe ga Tupanaarü mugü rü nüxü̃ inarüngümae ga yema uneta ga nũxcüma norü o̱xigümaxã Tupana nüxü̃ ixuxü̃, rü tama naga naxĩnüe ga Tupanaarü ucu̱xẽgü. Rü woo Tupana nüxna nachu̱xuxü̃, notürü naxca̱x nadauxü̃taegüama nax naxchicüna̱xãgü i taxuwama mexü̃xü̃ nax yacua̱xüü̃güxü̃ naxrüxü̃ ga yema togü ga nachixü̃anecüã̱x ga tama Tupanaaxü̃́ yaxõgüxü̃.
16 Rü nüxü̃ narüxoe ga norü Tupanaarü mugü, rü yemaca̱x nügüca̱x nanaxü ga taxre ga wocaxacüchicüna̱xãgü ga úirunaxca̱x, rü nanaxügü ta ga Canaã́tanüxü̃güarü tupananeta ga Achérachicüna̱xã. Rü naétü nüxü̃ nicua̱xüxü̃gü ga üa̱xcü rü tauemacü rü ẽxtagü rü Baáchicüna̱xã rü ta.
17 Rü yexgumarüxü̃ ta yema tupananetagüarü ãmarearü guchicaxü̃wa tüxü̃ nigu ga naxacüe ga yatüe rü ngexe. Rü nagu ínamaxẽ ga yuü ga ẽxü̃guxü̃xü̃ nawa nacuáxü̃. Rü yemaacü chixexü̃ca̱x nügü inaxãgü ga Tupanape̱xewa rü poraãcü nananuxẽxẽ.
18 --
19 --
20 --
21 --
22 --
23 --
Tomare ga duü̃xü̃gü Chamáriaanearü ĩanegüwa namugü
24 Rü nüma ga Achíriaanecüã̱xarü ãẽ̱xgacü rü Iraéuanecüã̱xchicüxü Chamáriaanearü ĩanegüwa nanamugü ga duü̃xü̃gü ga Babiróniaanecüã̱x rü Cútaanecüã̱x rü Awáanecüã̱x, rü ĩanegü ga Amáchicüã̱x, rü Chefarawáicüã̱x nax yexma naxãchiü̃güxü̃ca̱x. Rü yemaacü Chamáriaanegu nachocu rü Iraéuanecüã̱xgüarü ĩanegu naxãchiü̃gü.
25 Notürü yema duü̃xü̃gü ga Achíriaanecüã̱x rü tama Cori ya Tupanaxü̃ nicua̱xüxü̃gü, rü yemaca̱x ga Tupana rü yéma nanamugü ga aigü nax nadaiaxü̃ca̱x ga nhuxre ga yema duü̃xü̃gü.
26 Rü yemaca̱x nhuxre ga yema duü̃xü̃gü rü Achírianecüã̱xarü ãẽ̱xgacüxü̃tawa naxĩ ga namaxã nüxü̃ yanaxugüxü̃ca̱x, rü nhanagürügü nüxü̃: —Toma i Chamáriaanearü ĩanegüwa toxü̃ nax cumugüxü̃ nax ngẽxma taxãchiü̃güxü̃ca̱x, rü tama nüxü̃ tacua̱x i nacüma i norü Tupana i ngẽma nachixü̃ane. Rü ngẽmaca̱x i ngẽma norü Tupana rü toxca̱x ngẽ́ma nanamugü i aigü i toxü̃ ngõ̱xcuxü̃ —nhanagürügü.
27 Rü yexguma ga nüma ga Achíriaanecüã̱xarü ãẽ̱xgacü rü nanamu rü nhanagürü: —¡Penamuegu i wüxi i chacherdóte i Chamáriaanecüã̱xchire̱x nax ngẽ́ma Chamáriaanewa naxũxü̃ca̱x rü ngẽ́ma nangexmaxü̃ca̱x rü ngẽma ngexwaca̱x ngẽ́ma ngugüxü̃ i duü̃xü̃güxü̃ nangúexẽẽxü̃ca̱x i ngẽma Chamáriaanecüã̱xarü Tupanacüma! —nhanagürü.
28 Rü yemaacü ga wüxi ga chacherdóte ga Chamáriaanewa ínagaxüchigüxü̃ rü Betéugu nayaxãchiü̃. Rü yema nixĩ ga nangúexẽẽxü̃ nax nhuxãcü Cori ya Tupanaxü̃ nax yacua̱xüü̃güxü̃.
29 Notürü yema duü̃xü̃gü ga to ga nachixü̃anewa ne ĩxü̃ rü noxrütama tupananetachicüna̱xã ta naxügü, rü Chamáriaanecüã̱xgü ügüxü̃ ga tupananetachicüna̱xãchicagu nananugü ga ma̱xpǘnetape̱xewa.
30 Rü yema Babiróniaanecüã̱xgü rü yema namaxã natupanaã̱xgüxü̃ ga Chucobenúchicüna̱xã naxügü. Rü yema Cútaanecüã̱xgü rü yema namaxã natupanaã̱xgüxü̃ ga Nerigáchicüna̱xã naxügü. Rü yema Amáchicüã̱xgü rü yema namaxã natupanaã̱xgüxü̃ ga Achímachicüna̱xã naxügü.
31 Rü yema Awáanecüã̱xgü rü yema namaxã natupanaã̱xgüxü̃ ga Nibáchicüna̱xã rü Tatáchicüna̱xã naxügü. Rü yema Chefarawáicüã̱xgü rü naxacüxegü tüxü̃ ínagu nape̱xewa ga norü tupananetachicüna̱xãgü ga Adrameréche rü Anameréche.
32 Notürü ga yema duü̃xü̃gü rü Cori ya Tupanaxü̃ nicua̱xüü̃güchire̱x. Notürü nügütanüwa nüxü̃ naxunetagü ta ga norü chacherdótegü nax yemagü norü tupananetachicüna̱xãgüca̱x ínaguxü̃ ga ãmaregü ga ma̱xpǘnetape̱xegüwa.
33 Rü yemaacü woo Cori ya Tupanaxü̃ nax yacua̱xüü̃güchiréxü̃, notürü norü tupananetagüxü̃ rü ta nicua̱xüxü̃gü, yema nachixü̃anegü ga nawa ne naxĩxü̃cümaãcü ga wüxichigü.
34 --
35 --
36 --
37 --
38 --
39 --
40 --
41 --
