2 Reis 19:1-37
19 Rü yexguma yemaxü̃ naxĩnügu ga gumá ãẽ̱xgacü ga Echequía rü nügü narügáutechiru. Rü norü i̱xãchiãẽmaxã nagu nicu̱x ga wüxi ga naxchiru ga yaxcüxü̃ rü témüxü̃ rü yemaacü Tupanapatawa naxũ rü yéma nayayumüxẽ.
2 Rü nüma ga ãẽ̱xgacü rü nanamu ga Eriaquĩ́, rü Chétina, rü nhuxre ga chacherdótegü ga rüyamaegüxü̃ nax nümagü rü ta naxchiru ga yaxcüxü̃ rü témüxü̃gu yacu̱xgüxü̃ca̱x. Rü yemaacü orearü uruxü̃ ga Ichaíaxü̃tawa nanamugü nax namaxã nüxü̃ yanaxugüexü̃ca̱x i ngẽma guxchaxü̃.
3 Rü Ichaía ga Amú nanemaxã nüxü̃ nixugüe ga ãẽ̱xgacüarü ore rü nhanagürügü: —Nhu̱xma rü wüxi i taxü̃ma i ãũcümaxü̃wa tangexmagü, rü tórü uanügü rü tomaxã naguxchigagü rü toxü̃ nacugüe. Rü poraãcü ngúxü̃ tingegü nhama wüxi i ngexü̃ i nguxacüxü̃ rü turaxü̃rüxü̃.
4 Bexmana Cori ya curü Tupana rü marü nüxü̃ naxĩnü i ngẽma ore i nüxü̃ yaxuxü̃ i ngẽma Achíriaanearü churaragüeru nax Tupana ya maxü̃cümaxã yaguxchigaxü̃. Chierüna napoxcuãxgu ya curü Cori ya Tupana naxca̱x i ngẽma ore i nümatama nüxü̃ naxĩnüxü̃. Rü ngẽmaca̱x chanaxwa̱xe i toxca̱x cuyumüxẽ nax ítayaxügüxü̃ —nhanagürügü.
5 19:5-6 Rü yexguma Ichaía nüxü̃ ĩnügu ga yema ore rü nhanagürü: —¡Ãẽ̱xgacü ya Echequíamaxã nüxü̃ pexu rü Tupana rü nhanagürü!: “¡Tauxü̃́ i cumuü̃xü̃ naxca̱x i ngẽma ore i chixexü̃ i chauchiga nüxü̃ yaxugüexü̃ i ngẽma norü duü̃xü̃gü ya yimá Achíriaanearü ãẽ̱xgacü!
6 Nüü̃ nadau 19:5
7 Rü dücax, chama rü tá nüxna chananguxẽxẽ i wüxi i guxchaxü̃ i ore i tá nachixü̃aneca̱x natáeguxẽẽxü̃ nax ngẽxma yama̱xgüaxü̃ca̱x” —nhanagürü.
8 Rü nüma ga yema Achíriaanearü churaragüeru ga Echequíaxü̃ ãxũnexü̃ rü nüxü̃ nacuáchiga ga gumá norü ãẽ̱xgacü ga Chenaquerí rü marü ínaxũxũxü̃ ga ĩane ga Láquiwa rü ĩane ga Dínawa naxũxü̃. Rü yemaca̱x ga yema churaragüeru rü natáegu ga Yerucharéü̃wa, rü norü ãẽ̱xgacü ga Chenaquerí íyexmaxü̃wa naxũ ga Dínawa.
9 19:9-10 Rü nüma ga ãẽ̱xgacü ga Chenaquerí rü yéma nüxü̃ nayaxĩnüchiga rü ga ãẽ̱xgacü ga Tiráca ga Echiopíaanecüã̱x rü naxca̱x ínayagoõchichaü̃. Notürü nüma ga ãẽ̱xgacü ga Achíriaanecüã̱x ga Chenaquerí rü wenaxarü norü duü̃xü̃güxü̃ namuama nax Yudáanecüã̱xarü ãẽ̱xgacü ga Echequíaxü̃tawa nangegüãxü̃ca̱x ga popera ga nhaxü̃: “¡Tauxü̃́ i cugü cuwomüxẽẽxü̃ ya curü Tupana ya nüxü̃́ cuyaxõcü! Rü nüma cumaxã nüxü̃ nixu ya yima ĩane ya Yerucharéü̃ rü taxũtáma cha̱xme̱xgu nax nanguxü̃, notürü doramare nixĩ i ngẽma.
10 Nüü̃ nadau 19:9
11 Cuma rü marü nüxü̃ cucuáchiga ga yema naxügüxü̃ ga tochixü̃anearü ãẽ̱xgacügü namaxã ga guxü̃ma ga yema togü ga nachixü̃anegü ga nadaixü̃. ¿Rü nhuxãcü i cuma i nagu curüxĩnüxü̃ nax taxũtáma cha̱xme̱xgu nax cunguxü̃?
12 ¿Rü yema nachixü̃anegü ga Gocháü̃, rü Aráũ, rü Rechépa rü ga duü̃xü̃gü ga Betedẽ́cüã̱x ga ĩane ga Terachárawa maxẽxü̃, rü yema norü tupanagü rü tama ínanapoxü̃gü ga yexguma tórü o̱xigü nadaixgu?
13 ¿Rü ngexü̃gü yixĩxü̃ i nhu̱xmax ga yema norü ãẽ̱xgacügü ga guma ĩanegü ga Amáchi, rü Arupáx, rü Chefarawáiü̃, rü Éna rü Íba?” nhanagürü ga yema poperagu ümatüxü̃.
14 Rü yexguma Echequía nayaxu̱xgu ga yema popera ga Achíriaanearü ãẽ̱xgacüarü duü̃xü̃gü yéma ngegüxü̃, rü nüxü̃ nadaumatü. Rü nhu̱xũchi Tupanapatagu naxücu rü yexma Tupanape̱xegu nayaxǘ.
15 Rü nhaãcü yéma nayayumüxẽ: “Pa Corix, Pa Torü Tupana i Nua Daa Cupataarü Aixepewa i Nachica i Üünexü̃wa Ngẽxmaxex, rü cuxicatama nixĩ ya Tupana i norü yora quixĩxü̃ i guxü̃ma i nachixü̃anegü i nhama i naanewa ngẽxmagüxü̃. Rü cumatama cunaxü ga dauxü̃guxü̃ ga naane rü nhama ga naane.
16 ¡Choxü̃ nadawenü, Pa Corix, rü choxü̃́ irüxĩnü! ¡Rü nüxü̃ naxĩnü i ngẽma ore i ngẽma ãẽ̱xgacü i Chenaquerí nua chauxü̃tawa muxü̃! Rü guxü̃ma i ngẽma norü oregüwa rü cumaxã naguxchiga, Pa Tupana ya Maxü̃cüx.
17 Rü aixcuma nixĩ, Pa Corix, Pa Tupanax, ga yema nũxcümaü̃xü̃ ga ãẽ̱xgacügü ga Achíriaanecüã̱xgü ga nadaiãcuãxü̃ ga nachixü̃anegü rü napuxü̃ãxü̃ ga norü naanegü.
18 Rü yema nachixü̃anegüarü tupanachicüna̱xãgü, rü nüxü̃́ ínanagu, yerü yema tupanachicüna̱xãgü ga duü̃xü̃gü nutawa rü naigüwa ügüxü̃ rü tama aixcuma cuxrüxü̃ tupanagü nixĩ. Rü yemaca̱x nixĩ ga nüxü̃́ nagu napogüexü̃ rü ínaguaxü̃.
19 Rü nhu̱xmax, Pa Corix, Pa Torü Tupanax ¡rü ngẽma Achíriaanecüã̱x i ãẽ̱xgacüme̱xẽwa toxü̃ ínanguxü̃xẽxẽ nax ngẽmaãcü guxü̃ i nachixü̃anegü i nhama i naanewa ngẽxmagüxü̃ nüxü̃ cua̱xgüxü̃ca̱x nax cuxicatama yixĩxü̃ nax Tupana quixĩxü̃!” nhanagürü ga norü yumüxẽwa.
20 Rü yemawena nüma ga Ichaía rü Echequíaca̱x yéma namuga rü nhanagürü: “Nüma ya Iraéuanecüã̱xgüarü Tupana rü nhanagürü cuxü̃: ‘Marü cuxü̃́ nüxü̃ chaxĩnü i curü yumüxẽ nachiga i Achíriaanearü ãẽ̱xgacü’, nhanagürü.
21 Rü nhaa nixĩ i ngẽma ore ga Cori ya Tupana nüxü̃ ixuxü̃ naxca̱x i ngẽma Achíriaanearü ãẽ̱xgacü: ‘Dücax, Pa Chenaqueríx, rü yima Tupanaarü ĩane ya Yerucharéü̃cüã̱x rü tama cuxü̃ namuü̃e. Rü nhama wüxi i pacü cuxü̃ cugüxü̃rüxü̃ tá cuxü̃ nacugüe i ngẽxguma nüxna quixũgachigux.
22 ¿Rü texémaxã nixĩ i cuguxchigaxü̃ rü cunuxü̃? ¿Rü texémaxã nixĩ i quipuraxü̃ rü cunuxetüxü̃? Rü cumaxã nüxü̃ chixu rü chamaxã nixĩ i cunuxü̃ i chama i Iraéuanecüã̱xgüarü Tupana ya üünecü’ ”, nhanagürü.
23 --
24 --
25 --
26 --
27 --
28 --
29 --
30 --
31 --
32 Rü Tupana rü Echequíaxü̃tawa namuga rü nhanagürü: “Nhaa nixĩ i chorü ore i ngẽma Achíriaanecüã̱xgüarü ãẽ̱xgacüchiga: ‘Rü taxũtáma Yerucharéü̃gu naxücu rü bai ya wüxi ya naxne tá inamaxü̃. Rü norü churaragü rü taxũtáma norü poxü̃ruü̃maxã ngẽ́ma nangugü, rü taxúnetáma ya toxõõne naxtapü̱xgu nanguxgü nax yimawa naxĩgüxü̃ca̱x.
33 Rü yematama nama ga noxri nagu ne naxũxü̃gutama tá natáegu rü taxũtáma nagu naxücu ya daa ĩane. Rü chama ya Tupana, rü ngẽma nixĩ i chorü ore i cumaxã nüxü̃ chixuxü̃.
34 Rü chamatama tá nüxna chadau ya daa ĩane rü tá íchanapoxü̃ erü nüxü̃ changechaü̃ ya chorü duü̃ ya Dawí, rü chayanguxẽxẽ i ngẽma nüxü̃ chixuxü̃’ ”, nhanagürü.
35 Rü yematama chütaxü̃gu rü wüxi ga dauxü̃cüã̱x ga Tupanaarü orearü ngeruxü̃ rü nanadai ga 185,000 ga churaragü ga Achíriaanecüã̱x. Rü yexguma yangunegu rü guxü̃ma nayue.
36 Rü yemawena ga nüma ga Chenaquerí ga Achíriaanearü ãẽ̱xgacü rü ínayachaxãchi ga Yerucharéü̃cüã̱xmaxã nügü nax nadaixchaü̃xü̃. Rü norü ĩane ga Níniweca̱x natáegu.
37 Rü wüxi ga ngunexü̃gu ga yexguma norü tupana ga Nírupatawa nüxü̃ yacua̱xüü̃yane, rü nanegü ga Adameré rü Chareché rü yéma naxĩ rü nayama̱xgü. Rü nümagü rü Araráchianewa nabuxmü. Rü yemawena rü Chenaquerí nane ga Echaradóü̃ nachicüxü ãẽ̱xgacüxü̃ ningucuchi.
