2 Reis 21:1-26
21 Rü nüma ga Manaché rü 12 ga taunecü nüxü̃́ nayexma ga yexguma ãẽ̱xgacüxü̃ yangucuchigu. Rü 55 ga taunecü ãẽ̱xgacü nixĩ ga Yerucharéü̃wa. Rü ngĩéga ga naé rü Echíba nixĩ.
2 Notürü yema Manachécüma rü tama name ga Tupanape̱xewa. Rü nagu namaxü̃ ga yema nacüma ga chixexü̃ ga nagu naxĩxü̃ ga yema duü̃xü̃gü ga nũxcüma Cori ya Tupana Iraéutanüxü̃pe̱xewa íwoxü̃xü̃.
3 21:3-5 Yerü wena nayamexẽẽgü ga yema tupananetagüarü ãmarearü guchicaxü̃gü ga ma̱xpǘnetape̱xewa yexmagüxü̃ ga nanatü ga Echequía nagu pogüexü̃. Rü wena ínanaxüxü̃ ga Baáchicüna̱xãarü ãmaregüarü guchicaxü̃. Rü Iraéuanecüã̱xarü ãẽ̱xgacü ga Acábirüxü̃ nanaxü ga wüxi ga Achérachicüna̱xã. Rü nhu̱xũchi nüxü̃ nicua̱xüxü̃ ga üa̱xcü, rü tauemacü rü ẽxtagü. Rü guma Tupanapatachiãwa rü nayaxüagü ga ãmaregüarü guchicaxü̃ naxca̱x ga üa̱xcü, rü tauemacü, rü ẽxtagü woo nüma ga Tupana rü nüxü̃ nixu nax naxca̱xicatama yixĩxü̃ ga guma napata ga Yerucharéü̃wa.
4 Nüü̃ nadau 21:3
5 Nüü̃ nadau 21:3
6 Rü naétü nanetama tüxü̃ nigu nawa ga wüxi ga yema tupananetachicüna̱xãarü ãmarearü guchicaxü̃. Rü nagu namaxü̃ ga yuü ga naãxẽgüca̱x nawa ingemaxü̃, rü yuü ga nawa nüxü̃ icuáxü̃ ga ẽxü̃guxü̃. Rü duü̃xü̃gümaxã nanaxunagü nax nangúexü̃ca̱x ga yuü rü nax nangúexü̃ca̱x nax nhuxãcü duü̃xẽxü̃ nachixexẽẽgüxü̃ rü tüxü̃ nangõ̱xgüxü̃. Rü yemaacü poraãcü chixexü̃ naxü ga Tupanape̱xewa rü yemaca̱x poraãcü namaxã nanu ga Tupana.
7 --
8 --
9 --
10 --
11 --
12 --
13 --
14 --
15 --
16 Rü yema chixexü̃étüwa rü nüma ga Manaché rü yexera chixexü̃ naxü ga Tupanape̱xewa yerü nanamu ga duü̃xü̃gü ga Yudáanecüã̱x nax nümagü rü ta yema chixexü̃ naxügüxü̃ca̱x. Rü nüma ga Manaché rü muxema ga duü̃xẽgü ga taxuxü̃ma ga chixexü̃ ügǘxe rü tüxü̃ nadai ga Yerucharéü̃wa.
17 Rü ngẽma tama nhaa poperawa ngóxü̃ i Manachéchiga rü guxü̃ma ga norü puracü ga naxüxü̃chiga rü norü pecáduchiga, rü Yudáanecüã̱xarü ãẽ̱xgacügüarü poperagu naxümatü.
18 Rü yexguma nayu̱xgu ga Manaché, rü napata ga Úchawa yexmanea̱xtügu nanata̱xgü. Rü yemawena rü nane ga Amóũ rü nachicüxü ãẽ̱xgacüxü̃ ningucuchi.
Yudáanewa ãẽ̱xgacü nixĩ ga Amóũ
19 Rü nüma ga Amóũ rü nüxü̃́ nayexma ga 22 ga taunecü ga yexguma ãẽ̱xgacüxü̃ yangucuchigu. Rü taxre ga taunecü ãẽ̱xgacü nixĩ ga Yerucharéü̃wa. Rü naé rü Mechuremé nixĩ ga tümaéga, rü tümanatü rü Achúru ga Yóbacüã̱x nixĩ.
20 Notürü Tupanape̱xewa rü nachixe ga nacüma ga Amóũ nanatü ga Manachécümarüü̃tama.
21 --
22 --
23 --
24 --
25 Rü ngẽma tama nhaa poperawa ngóxü̃ i Amóũchiga rü guxü̃ma ga norü puracü ga naxüxü̃chiga rü Yudáanecüã̱xarü ãẽ̱xgacügüarü poperagu naxümatü.
26 Rü yexguma nayu̱xgu ga Amóũ, rü napata ga Úchawa yexmanea̱xtügu nanata̱xgü. Rü yemawena rü nane ga Yochía rü nachicüxü ãẽ̱xgacüxü̃ ningucuchi.
