2 Reis 23:1-37
23 Rü yexguma ga nüma ga ãẽ̱xgacü ga Yochía rü naxca̱x nangema ga guxü̃ma ga ãẽ̱xgacügü ga yaxguã̱xgü ga Yudáanewa rü ĩane ga Yerucharéü̃wa yexmagüxü̃ nax namaxã nangutaque̱xexü̃ca̱x.
2 Rü nhu̱xũchi nüma ga ãẽ̱xgacü rü Tupanapatagu namaxã nangutaque̱xe ga guxü̃ma ga yema duü̃xü̃gü ga Yudáanecüã̱x rü Yerucharéü̃cüã̱x rü ĩanexacügücüã̱x ga duü̃xü̃gü ga iyaxü̃, rü buxü̃gü, rü chacherdótegü rü orearü uruü̃gü. Rü nüma ga ãẽ̱xgacü rü yéma nape̱xewa tagaãcü nawa nangu̱x ga yema popera ga Tupanapatagu nüxü̃ iyanga̱u̱xü̃ ga Tupanaarü mugü nagu ümatüxü̃.
3 Rü yexguma yema poperaxü̃ nadaumatüguwena ga ãẽ̱xgacü rü nhu̱xũchi Tupanapataarü caxtaxü̃tagu nayachi. Rü yéma Tupanape̱xewa nüxü̃ nixu nax aixcuma tá naga naxĩnüxü̃ rü nagu namaxü̱̃xü̃ i ngẽma norü mugü rü ucu̱xẽgü i ngẽma poperagu ümatüxü̃. Rü guxü̃ma ga duü̃xü̃gü rü ta yemagutama narüxĩnüe.
Yochía ínanawoxü̃ ga tupananetachicüna̱xãgü
4 Rü yexguma ga nüma ga ãẽ̱xgacü rü nanamu ga chacherdótegüarü ãẽ̱xgacü ga Irichía rü togü ga chacherdótegü rü ĩã̱xarü daruü̃gü nax guma Tupanapatawa ínawoxü̃ãxü̃ca̱x ga guxü̃ma ga yemaxü̃gü ga Baáxü̃, rü Achéraxü̃, rü üa̱xcüxü̃, rü tauemacüxü̃ rü ẽxtagüxü̃ namaxã nüxü̃ yacua̱xüü̃güxü̃ ga duü̃xü̃gü. Rü nüma ga ãẽ̱xgacü rü nanamu ga Yerucharéü̃arü düxétüwa nax iyaguãxü̃ca̱x ga ngatexü̃ ga Chidóü̃wa. Rü nhu̱xũchi gumá norü tanimuca rü Betéuwa nanangegü.
5 --
6 --
7 --
8 --
9 --
10 --
11 --
12 --
13 --
14 --
15 --
16 --
17 --
18 --
19 --
20 --
Yochía rü nanaxüchiga ga Üpetüchiga
21 Rü nüma ga ãẽ̱xgacü ga Yochía rü duü̃xü̃güxü̃ namu nax Cori ya norü Tupanaégagu naxüchigagüaxü̃ca̱x ga Üpetüchiga yema popera ga mugüpanewa nüxü̃ yaxuxü̃rüxü̃.
22 Rü nüxíraxü̃xü̃ ga Iraéuanecüã̱xgüarü ãẽ̱xgacügügu rü taguma yemaacü nanaxüchigagü ga Üpetüchiga. Rü woo nawena ga Yudáanecüã̱xarü ãẽ̱xgacügü rü Iraéuanecüã̱xarü ãẽ̱xgacügü rü taguma yemaacü nanaxüchigagü.
23 Rü yexguma 18 ga taunecü ãẽ̱xgacü yixĩxgu ga Yochía nixĩ ga naxunagüãxü̃ nax Cori ya Tupanaégagu naxüchigagüaxü̃ca̱x ga yema Üpetüchiga ga Yerucharéü̃wa.
Yochía rü aixcuma Tupanaga naxĩnü
24 Rü nüma ga Yochía rü inayanaxoxẽxẽ ga yuü rü ta̱xacü ga ẽxü̃guxü̃xü̃ cuáxü̃. Rü yexgumarüxü̃ ta inayanaxoxẽxẽ ga yema tupananetachicüna̱xãgü ga wüxichigü ga ĩpatawa yexmaxü̃ rü guxü̃raxü̃xü̃ ga yema tupananetagüarü yemaxü̃gü ga duü̃xü̃gü namaxã nüxü̃ icua̱xüü̃güxü̃ ga Yudáanewa rü Yerucharéü̃wa. Rü yemaacü nanaxü ga Yochía yerü aixcuma naga naxĩnü ga guxü̃ma ga yema mugü ga chacherdóte ga Irichía Tupanapatagu nüxü̃ iyanga̱u̱xü̃.
25 Rü naxü̃pa rü nawena ga Yochía rü nataxuma ga wüxi ga ãẽ̱xgacü ga naxrüxü̃ aixcuma Cori ya Tupanaca̱x táeguxü̃ i guxü̃ne ya norü maxü̃nemaxã, rü guxü̃ i norü ĩnümaxã, rü guxü̃ i norü poramaxã ngẽma Moiché ümatüxü̃ i mugüwa nüxü̃ yaxuxü̃rüxü̃.
26 --
27 --
Nayu ga Yochía
28 Rü ngẽma tama nhaa poperawa ngóxü̃ i Yochíachiga rü guxü̃ma ga norü puracü ga naxüxü̃chiga rü Yudáanecüã̱xarü ãẽ̱xgacügüarü poperagu naxümatü.
29 --
30 Rü yexguma Meguídugu nayu̱xguwena ga Yochía, rü norü ngü̃xẽẽruü̃gü rü wüxi ga cárugu Yerucharéü̃wa nanangegü ga naxü̃ne. Rü yema nüma naxüxü̃ ga naxmaxü̃gu nayaxücuchigü. Rü nüma ga duü̃xü̃gü ga Yerucharéü̃cüã̱x rü Yochía nane ga Yoacáxü̃ naxuneta. Rü nanatüchicüxü ãẽ̱xgacüxü̃ nayangucuchixẽẽgü.
Ãẽ̱xgacü nixĩ ga Yoacá ga Yudáanewa
31 Rü 33 ga taunecü nüxü̃́ nayexma ga Yoacá ga yexguma ãẽ̱xgacüxü̃ yangucuchigu. Rü tamaepü̱x ga tauemacü ãẽ̱xgacü nixĩ ga Yerucharéü̃wa. Rü tümaéga ga naé rü Amutá nixĩ. Rü Amutánatü rü Yeremía ga Línacüã̱x nixĩ.
32 Notürü nacüma ga Yoacá rü poraãcü nachixexüchi ga Cori ya Tupanape̱xewa yema norü o̱xigücümarüü̃tama.
33 Rü nüma ga Eyítuanecüã̱xarü ãẽ̱xgacü ga Faraó-Neco rü Yoacáxü̃ niyaxu, rü ĩane ga Díbaragu nanapoxcu ga Amáchiwa nax tama ãẽ̱xgacü yixĩxü̃ca̱x ga Yerucharéü̃wa. Rü nüma ga Faraó-Neco rü Yudáanecüã̱x ga duü̃xü̃güxü̃ namu nax nüxü̃́ naxütanüãxü̃ca̱x ga 3,300 quíru naguxü̃ ga diẽrumü rü 33 quíru naguxü̃ ga úiru.
34 Rü nhu̱xũchi nüma ga Faraó-Neco rü Yochía nane ga Eriaquĩ́xü̃ naxuneta nax ãẽ̱xgacü yixĩxü̃ca̱x nanatüchicüxü. Rü nanaxüchicüxü ga naéga rü Yoachĩ́gu nanaxüéga. Rü guma naenexẽ ga Yoacá rü Eyítuanewa nanaga rü yexma nayayu.
35 Rü nüma ga Yoachĩ́ rü Faraó-Necona nanana ga yema diẽrumü rü úiru ga naxca̱x ínaca̱xaxü̃ nax duü̃xü̃gü nüxna naxãxü̃ca̱x. Rü wüxichigü ga Yudáanecüã̱x ga duü̃xü̃gü rü nanaxütanü ga yema úiru rü diẽrumü ga ãẽ̱xgacü nagu unetaxü̃ nax naxütanügüaxü̃ca̱x.
Ãẽ̱xgacü nixĩ ga Yoachĩ́ ga Yudáanewa
36 Rü 25 ga taunecü nüxü̃́ nayexma ga Yoachĩ́ ga yexguma ãẽ̱xgacüxü̃ yangucuchigu. Rü 11 ga taunecü ãẽ̱xgacü nixĩ ga Yerucharéü̃wa. Rü naé rü Chebúda tixĩ rü tümanatü rü Pedaía ga Rúmacüã̱x nixĩ.
37 Notürü nacüma ga Yoachĩ́ rü poraãcü Cori ya Tupanape̱xewa nachixe norü o̱xigücümarüü̃tama.
