2 Reis 24:1-20
24 Rü yexguma Yoachĩ́ Yudáanewa ãẽ̱xgacü yixĩxgu, rü nüma ga Babiróniaanearü ãẽ̱xgacü ga Nabucudonochó rü Yudáanegu nachocu nax yapuaxü̃ca̱x ga norü ĩane ga Yerucharéü̃. Rü nüma ga Yoachĩ́ rü tamaepü̱x ga taunecü Nabucudonochóme̱xẽwa nayexma rü nüxü̃́ nanaxütanü ga yema taxü̃ ga diẽru ga naxca̱x ínaca̱xaxü̃. Notürü ga yixcamaxü̃ra rü togu narüxĩnü rü yemaca̱x Nabucudonochómaxã nanu rü tama nanaxütanü ga yema diẽru.
2 Notürü nüma ga Cori ya Tupana rü Yoachĩ́ca̱x yéma nanamugü ga muxü̃ma ga ngĩ́ta̱a̱xgüxü̃ ga Caudéutanüxü̃gü, rü Chíriaanecüã̱xgü, rü Moábitanüxü̃gü, rü Amóũtanüxü̃gü nax nachixexẽẽgüaxü̃ca̱x ga norü ĩane, yema Cori ya Tupana norü orearü uruü̃güa̱xwa nüxü̃ yaxuxü̃rüxü̃.
3 --
4 --
5 Rü nangexma i tama nhaa poperawa ngóxü̃ i Yoachĩ́chiga rü guxü̃ma ga norü puracü ga naxüxü̃chiga. Rü ngẽma rü Yudáanecüã̱xarü ãẽ̱xgacügüarü poperagu naxümatü.
6 Rü yexguma nayu̱xgu ga Yoachĩ́ rü nane ga Yoaquíü̃ nachicüxü ãẽ̱xgacüxü̃ ningucuchi.
7 --
8 Rü nüma ga Yoaquíü̃ rü 18 ga taunecü nüxü̃́ nayexma ga yexguma ãẽ̱xgacüxü̃ yangucuchigu. Rü tamaepü̱x ga tauemacü ãẽ̱xgacü nixĩ ga Yerucharéü̃wa. Rü naé rü Neúcha nixĩ ga tümaéga. Rü tümanatü rü Yerucharéü̃cüã̱x nixĩ rü Enatáü̃ nixĩ ga naéga.
9 Notürü nacüma ga Yoaquíü̃ rü poraãcü nachixexüchi ga Cori ya Tupanape̱xewa yema nanatücümarüü̃tama.
10 Rü yema ngunexü̃gügu rü Babiróniaanearü ãẽ̱xgacü ga Nabucudonochó rü nanamu ga norü churaragü nax Yerucharéü̃ca̱x íyaxü̃ãchixü̃ca̱x nax nüxü̃ ínachomaeguãchixü̃ca̱x rü yapugüãxü̃ca̱x.
11 Rü yexguma marü nüxü̃ ínachomaeguãchigu nax yapugüãxü̃ca̱x ga guma ĩane ga Yerucharéü̃ rü yéma nangu ga nüma ga Nabucudonochó.
12 Rü yexguma nüma ga Yoaquíü̃ ga Yudáanecüã̱xarü ãẽ̱xgacü rü wüxigu tümamaxã ga naé, rü norü churaragüerugü, rü norü ngü̃xẽẽruü̃gü, rü togü ga ãẽ̱xgacügü, rü Babiróniaanearü ãẽ̱xgacüna nügü nana. Rü nüma ga yema Babiróniaanearü ãẽ̱xgacü rü ínanayauxü̃. Rü yexguma yema ngupetü̱xgu rü 8 ga taunecü ninge nax ãẽ̱xgacü yixĩxü̃ ga Nabucudonochó.
13 Rü yemawena ga nüma ga Nabucudonochó rü nanade ga guxü̃ma ga diẽru ga Tupanapatawa yexmaxü̃, rü guxü̃ma ga diẽru ga ãẽ̱xgacüpatawa yexmaxü̃ yematama Tupana naxueguxü̃rüxü̃. Rü nagu napogü ga guxü̃ma ga Tupanapataarü yemaxü̃gü ga úirunaxca̱x ga Iraéuanecüã̱xarü ãẽ̱xgacü ga Charumáu üxü̃.
14 Rü nhu̱xũchi tüxü̃ nigagü ga guxãma ga Yerucharéü̃cüã̱xgü ga ãẽ̱xgacügü rü churaragü ga yexeraãcü nüxü̃ icuáxe, rü guxema ta̱xacüarü üxü̃ icuáxe, rü guxema férumaxã ta̱xacü íxüxü̃mügǘxe. Rü yemaacü 10,000 wa tangu ga guxema tüxü̃ ínayauxü̃xẽ. Rü guxema yexeraãcü i ngearü diẽruã̱xgüxexicatama yéma tayaxügü.
15 --
16 --
17 --
18 --
19 --
20 --
