2 Reis 4:1-44
4 Rü iyexma ga wüxi ga nge ga orearü uruxü̃ naxma̱x, rü ngĩma ga yema nge rü Erichéuxü̃tawa ixũ rü yéma nüxü̃ iyarüxu rü ngĩgürügü: —Chaute rü marü nayu rü cuma rü nüxü̃ cucua̱x ga nüma rü aixcuma Tupanaxü̃ nax nangechaü̃xü̃. Notürü i nhu̱xmax i ngẽma duü̃xü̃ ga diẽru naxü̃tawa ngĩxü̃ nayaxuxü̃ ga chaute, rü chauxü̃tawa naxũ nax nüxü̃́ chanaxütanüxü̃ca̱x. Rü ngẽmaca̱x tüxü̃ nigagüchaü̃ ya yíxema taxre ya chaune norü puracütanüxü̃ruxü̃ —ngĩgürügü.
2 Rü yexguma nüma ga Erichéu rü nhanagürü: —¿Ta̱xacü i cunaxwa̱xexü̃ nax cuxca̱x chaxüxü̃? ¡Chamaxã nüxü̃ ixu rü ta̱xacü nixĩ i cuxü̃́ ngẽxmaxü̃ i cupatawa! —nhanagürü. Rü ngĩma rü inangãxü̃ rü ngĩgürügü: —Chama i curü ngü̃xẽẽruxü̃ rü choxü̃́ nataxuma i ta̱xacü i chapatawa. Rü wüxi i íxraxü̃ i cópuãcu i chíxü̃xicatama choxü̃́ nangexma —ngĩgürügü.
3 Rü yexguma nüma ga Erichéu rü ngĩxü̃ nangãxü̃ rü nhanagürü: —¡Ẽcü curü ngaicamagu pegüxü̃ i duü̃xü̃gütanüwa naxũ rü naxca̱x ínaca i guxü̃ma i norü butíyagü i ngeãcuxü̃, rü cugüpatawa nana!
4 ¡Rü nhu̱xũchi ngẽxma cuchiü̃gu naxücu namaxã i ngẽma cunegü, rü nawãxta i curü ĩã̱x! ¡Rü chíxü̃maxã yaxüãcu ya yima butíyagü! ¡Rü yima marü napagücü rü nüxrüguma nanu! —nhanagürü.
5 Rü ngĩma ga yema nge rü inaxü ga yema Erichéu ngĩmaxã nüxü̃ ixuxü̃. Rü nüma ga ngĩnegü rü yéma ngĩxü̃tawa nanana ga guma butíyagü, rü ngĩma rü chíxü̃maxã iyaxüãcu.
6 Rü yexguma marü ngĩxü̃́ yaxããcu̱xgux ga guxcüma ga guma butíyagü rü wüxi ga ngĩnexü̃ ngĩgürügü: —¡Nai ya butíya nua penange! —ngĩgürügü. Rü nüma ga ngĩne rü ngĩxü̃ nangãxü̃ rü nhanagürü: —Marü nataxuma —nhanagürü. Rü yexguma ga yema chíxü̃ ga yéma ibaibexü̃ rü ínayachaxãchi.
7 Rü ngĩma rü nhu̱xũchi gumá orearü uruxü̃ ga Erichéuxü̃tawa ixũ rü namaxã nüxü̃ iyarüxu. Rü nüma rü nhanagürü ngĩxü̃: —¡Ẽcü nhu̱xmax rü namaxã nataxe i ngẽma chíxü̃ rü ngẽmatanümaxã naxütanü i ngẽma coriaxü̃́ cungetanüxü̃! Rü ngẽma íyaxücü i diẽrumaxã tá nixĩ i pemaxẽxü̃ namaxã ya cunegü —nhanagürü.
Erichéuchiga rü nge ga Chúnacüã̱xchiga
8 Rü wüxi ga ngunexü̃gu rü ĩane ga Chúnawa naxüpetü ga Erichéu. Rü yéma iyexma ga wüxi ga nge ga guma ĩanegu ãchiü̃cü rü mexü̃ ga ngĩchiga ngĩxü̃́ yexmacü. Rü nüxna ixu ga ngĩchiü̃wa nax nachibüxü̃ca̱x. Rü guxü̃guma ga yexguma yéma naxüpetüüxü̃gu ga Erichéu, rü yexma ngĩxü̃tagu ínidauuxü̃ rü yéma nachibüaxü̃.
9 Rü ngĩma rü ngĩgürügü ngĩtemaxã: —Rü chama nüxü̃ chacua̱x i nhaa yatü i nuxã taxü̃tagu ídauuxü̃ rü wüxi i Tupanaarü orearü uruxü̃ nixĩ.
10 Rü ngẽmaca̱x ¡ngĩxã tapataarü dauxü̃wa naxca̱x tanaxü i wüxi i ucapu! Rü wüxi i pechicaxü̃ ngẽxma taxǘ, rü wüxi i mecha, rü wüxi i toruxü̃, rü wüxi i omü nax ngẽxma napexü̃ca̱x ega nua taxü̃tawa naxũũxü̃gu —ngĩgürügü.
11 4:11-12 Rü wüxi ga ngunexü̃ rü nüma ga Erichéu rü yema ucapu ga naxca̱x naxügüxü̃wa nangu nax yexma napexü̃ca̱x. Rü norü ngü̃xẽẽruxü̃ ga Yeachíxü̃ nhanagürü: —¡Ngĩxca̱x naca i ngẽma chiũra i daa ĩpataarü yora! Rü ngĩmaxã chidexachaü̃ —nhanagürü. Rü nüma ga gumá norü ngü̃xẽẽruxü̃ rü ngĩxca̱x naca. Rü ngĩma ga yema nge rü Erichéuxü̃tawa ixũ. Rü nüma ga Erichéu rü norü ngü̃xẽẽruxü̃ ga Yeachíxü̃ namu rü nhanagürü:
12 Nüü̃ nadau 4:11
13 —¡Ngĩmaxã nüxü̃ ixu i ngẽma chiũra rü poraãcü namaxã tataãxẽgü i ngĩrü ngü̃xẽxẽ! ¡Rü ngĩxna naca rü ta̱xacü nanaxwa̱xexü̃ nax ngĩxca̱x naxüxü̃! Rü bexmana inaxwa̱xe nax ngĩxétüwa ichogüxü̃ i ãẽ̱xgacüpe̱xewa rüe̱xna churaragüarü ãẽ̱xgacüpe̱xewa —nhanagürü. Rü yexguma ga ngĩma rü inangãxü̃ rü ngĩgürügü: —Taxuxü̃ma chanaxwa̱xe erü nua chautanüxü̃gütanüwa rü poraãcü chataãxẽxü̃chi —ngĩgürügü.
14 Rü yexguma nüma ga Erichéu rü Yeachína naca rü nhanagürü: —¿Cuxca̱x rü ta̱xacü i mexü̃ nax ngĩca̱x naxüxü̃? —nhanagürü. Rü nüma ga Yeachí rü nanangãxü̃ rü nhanagürü: —Ngĩma rü ingexacü rü nhu̱xũchi yimá ngĩte rü marü naya —nhanagürü.
15 Rü yexguma nüma ga Erichéu rü nhanagürü nüxü̃: —¡Ẽcü ngĩxca̱x naca rü nua naxũ! —nhanagürü. Rü yexguma ga Yeachí rü ngĩxca̱x nayaca, rü ngĩma rü yéma ixũ notürü ĩã̱xgutama iyachiãchi.
16 Rü yexguma nüma ga Erichéu rü nhanagürü ngĩxü̃: —Yimá nai ya taunecüarü nhúxgumaãcü rü tá marü cunaga ya wüxi ya cune —nhanagürü. Rü ngĩma rü inangãxü̃ rü ngĩgürügü: —Pa Tupanaarü Duü̃xü̃x, rü tama name i ngẽmaãcü choxü̃ cuwomüxẽxẽ —ngĩgürügü.
17 Notürü yema Erichéu ngĩmaxã nüxü̃ ixuxü̃rüü̃tama ningu. Rü ixãxacü, rü gumá nai ga taunecügu rü nabu ga gumá ngĩne.
18 Rü nüma ga gumá bucü rü niyachigü. Notürü wüxi ga ngunexü̃gu rü nanatüxü̃ ínayadau ga trígu íbuxgüxü̃tanüwa yexmaxe.
19 Rü nüma ga gumá bucü rü inanaxügü ga aita nax naxüxü̃, rü nhanagürü: —Poraãcü changu̱xchametüxüchi —nhanagürü. Rü yexguma ga nanatü rü wüxi ga tümaarü duü̃xü̃ca̱x taca rü nhatagürü: —¡Yéa naéxü̃tawa naga! —nhatagürü.
20 Rü nüma ga yema tümaarü duü̃xü̃ rü naéxü̃tawa nanaga. Rü ngĩma rü inaganagü rü ngĩgüperemawa inatoxẽxẽ nhu̱xmata tocuchiwa nangu. Rü yexgumatama nayu ga gumá bucü.
21 Notürü ngĩma ga naé rü yema ucapu ga Erichéu nagu pexü̃gu iyaxǘ nagu ga yema norü pechicaxü̃ ga nagu napexü̃. Rü íixũxũ rü inawãxta ga yema ĩã̱x.
22 Rü yemawena ngĩteca̱x yéma imuga rü ngĩgürügü: —¡Nua namu i wüxi i tórü duü̃xü̃ namaxã i wüxi i búru nax naxü̃tawa chaxũxü̃ca̱x ya yimá Tupanaarü orearü uruxü̃! Rü nhu̱xũchi tá chatáegu —ngĩgürügü.
23 --
24 --
25 --
26 --
27 Rü ma̱xpǘne ga Carméruwa ingu ga Erichéu íyexmaxü̃wa. Rü yexguma naxü̃tawa nanguxgu, rü nacutüwa ina̱i̱xãchi. Rü guma Erichéuarü ngü̃xẽẽruxü̃ ga Yeachí rü ngĩxca̱x nixũ nax ngĩxü̃ yagagachixü̃ca̱x. Notürü nüma ga Erichéu rü nhanagürü nüxü̃: —Nüétama erü ngĩma rü poraãcü ngechaü̃ ngĩxü̃́ nangu̱x, notürü nüma ya Cori ya Tupana rü tauta chamaxã nüxü̃ nixu nax ta̱xacü ngĩxü̃ ngupetüxü̃ —nhanagürü.
28 Rü yexguma ga ngĩma rü ngĩgürügü: —Pa Corix, rü cumatama nixĩ ga chamaxã nüxü̃ quixuxü̃ rü tá nax chaxãxacüxü̃, rü tama chama cuxna naxca̱x chaca ga yema. Notürü ga yexguma rü cumaxã nüxü̃ chixu nax tama choxü̃ cuwomüxẽẽxü̃ ¿rü nhuxãcü i nhu̱xmax i marü nayuxü̃ ya chaune? —ngĩgürügü.
29 Rü yexguma ga Erichéu rü Yeachíxü̃ nhanagürü: —¡Paxa cugü namexẽxẽ rü nayaxu ya yima chorü caxü̃ruxü̃ rü paxa ngẽ́ma ngĩpatawa naxũ! Rü ngẽxguma texéxü̃ namagu cungauxgu ¡rü taxũtáma nüxü̃ curümoxẽ! Rü ngẽxguma texé namawa cuxü̃ rümoxẽgu ¡rü taxũtáma cunangãxü̃! Rü ngẽxguma ngĩpatawa cunguxgu ¡rü yimá bucüchametügu naxǘ ya yima chorü caxü̃ruxü̃! —nhanagürü.
30 Notürü ga ngĩma ga naé ga guma bucü rü Erichéuxü̃ ngĩgürügü: —Cori ya Tupanaégagu rü cuégagutama cumaxã nüxü̃ chixu rü taxũtáma chatáegu ega tama cumaxã yixĩgu —ngĩgürügü. Rü yexguma ga nüma ga Erichéu rü ngĩwe narüxũ.
31 Rü nüma ga Yeachí rü yoxni nape̱xegu nixũ. Rü yexguma ngĩpatawa nanguxgu, rü guma caxü̃ruxü̃ rü gumá bucüchametügu nanaxǘ, notürü taxuxü̃ma nangupetü nax wena namaxü̱̃xü̃ca̱x. Rü yemaca̱x ga nüma ga Yeachí rü Erichéuca̱x natáegu, rü namagu nüxü̃ nangau. Rü nhanagürü nüxü̃: —Yimá bucü rü tama naxca̱x natáegu i norü maxü̃ —nhanagürü.
32 Rü yexguma Erichéu yéma nguxgu, rü guma ĩpatagu naxücu. Rü yexma nüxü̃ nayangau ga gumá bucü ga marü yucü ga norü pechicaétügu ǘcü.
33 Rü yema ucapugu naxücu ga Erichéu, rü nanawãxta ga ĩã̱x, rü inanaxügü nax Cori ya Tupanamaxã yadexaxü̃. Rü gumá bucümaxã nüxicatama yéma nayexma.
34 Rü yemawena rü yema pechicaxü̃gu nanhunagü naétü ga gumá bucü. Rü gumá bucüa̱xgu nanhaxũ, rü naxetügu naxǘxetü, rü naxme̱xétügu naxǘxme̱x. Rü gumá bucüétügu ninhu. Rü yexguma ga naxü̃ne ga gumá bucü rü ngürü nanai.
35 Rü yexguma ga nüma ga Erichéu rü ínarüda, rü yema ucapugu narüxũũxü̃. Rü yemawena rü wenaxarü noxrirüü̃tama gumá bucüétü nanhunagü. Rü ngürüãchi ga gumá bucü rü nangaixchu 7 e̱xpü̱xcüna, rü nidauuchi.
36 Rü yexguma ga nüma ga Erichéu rü Yeachíca̱x naca rü nhanagürü nüxü̃: —¡Ngĩxca̱x naca i naé ya daa bucü! —nhanagürü. Rü nüma ga Yeachí rü ngĩxca̱x naca. Rü yexguma Erichéu íyexmaxü̃wa nanguxgu, rü nüma rü nhanagürü ngĩxü̃: —Daa nixĩ ya cune —nhanagürü.
37 Rü ngĩma rü naxca̱x iyaxũ rü Erichéupe̱xegu inangücuchi. Rü yemawena iyaga ga guma ngĩne rü íixũxü̃ nawa ga yema ucapu.
38 --
39 --
40 --
41 --
42 --
43 --
44 --
