2 Reis 6:1-33
6 --
2 --
3 --
4 --
5 --
6 --
7 --
Erichéu rü Chíriaanecüã̱xgüchiga
8 Rü nüma ga Chíriaanecüã̱xarü ãẽ̱xgacü rü Iraéuanecüã̱xgümaxã nügü nadaixchaü̃. Rü yemaca̱x namaxã nangutaque̱xe ga norü churaragüeru rü namaxã nüxü̃ nixu nax ta̱xacürü nachicawa tá nagagüaxü̃ ga norü churaragü.
9 Notürü Tupana rü Erichéuxü̃ nüxü̃ nacua̱xẽxẽ ga yema Chíriaanecüã̱xarü ãẽ̱xgacüarü ĩnü. Rü yemaca̱x ga Erichéu rü Iraéuanecüã̱xgüarü ãẽ̱xgacüxü̃tawa namuga nax tama yema nachicawa naxĩxü̃ca̱x yerü yema Chíriaanecüã̱xgü rü yexma ínayacu̱xéü̃güchaü̃.
10 Rü nüma ga Iraéuanecüã̱xarü ãẽ̱xgacü rü yéma nanamugü ga norü ngugütaeruü̃gü nax nüxü̃ nacuáxü̃ca̱x rü aixcuma yixĩxü̃ ga yema Erichéu nüxü̃ ixuxü̃. Rü aixcuma nixĩ ga yema, rü yemaacü mue̱xpü̱xcüna tama yema Chíriaanecüã̱xgüme̱xẽgu nayi ga Iraéuanecüã̱xgü.
11 Rü nüma ga Chíriaanearü ãẽ̱xgacü rü naba̱i̱xãchiãxẽ. Rü norü churaragüeruxü̃ nangutaque̱xexẽxẽ rü nüxna naca rü nhanagürü: —¿Texé tixĩ ya petanüwa ya bexma namaxã nüxü̃ ixuamáxe? ¿Rü texé tixĩ ya Iraéuanecüã̱xgüarü ãẽ̱xgacümaxã nüxü̃ ixuamáxe i ngẽma nagu charüxĩnüxü̃? —nhanagürü.
12 Rü wüxi ga norü churaragüeru rü nanangãxü̃ rü nhanagürü: —Pa Ãẽ̱xgacüx, taxúema tixĩ ya texé ya nüxü̃ ixuxe i ngẽma nagu curüxĩnüxü̃. Notürü yimá Erichéu ya Tupanaarü orearü uruxü̃ ga Iraéuanewa ngẽxmacü, rü yimá nixĩ ya Iraéuanecüã̱xgüarü ãẽ̱xgacümaxã nüxü̃ ixuamacü woo ngẽma cuxicatama nagu curüxĩnüxü̃ ega curü pechicawa cungexmagu —nhanagürü.
13 Rü yexguma nüma ga Chíriaanearü ãẽ̱xgacü rü norü duü̃xü̃güxü̃ namu rü nhanagürü: —Ẽcü ¡ngẽ́ma pexĩ rü naxca̱x peyada̱u̱x i ngẽma Erichéu! Rü ngẽxguma nüxü̃ ipeyanga̱u̱xgu̱x rü ¡chamaxã nüxü̃ pexu nax ngẽ́ma chanamugüxü̃ca̱x i nhuxre i churaragü nax yanayauxgüaxü̃ca̱x! —nhanagürü. Rü namaxã nüxü̃ nixugüe ga ĩane ga Dotáü̃wa nax nayexmaxü̃.
14 Rü yéma nanamugü ga wüxitücumü ga churaragü ga cowaruétügu ĩxü̃ rü totücumü ga cárugü ga cowaru itúgünegu ĩxü̃ rü muxü̃ma ga churaragü ga nacutügumare ĩxü̃. Rü yema churaragü rü chütacü guma ĩane ga Dotáü̃wa nangugü rü nüxü̃ ínachomaeguãchi.
15 Rü moxü̃ãcü pa̱xmama ínarüda ga Erichéuarü ngü̃xẽẽruxü̃. Rü yexguma ínaxũxü̃gu ga ĩpatawa, rü nüxü̃ nadau ga yema churaragü ga guma ĩanexü̃ íchomaeguãchixü̃ namaxã ga norü cowarugü, rü namaxã ga naweü̃gü ga cowaru itúgüne. Rü Erichéumaxã nüxü̃ nayarüxu rü nhanagürü: —¿Nhu̱xmax, Pa Ngu̱xẽẽruxü̃x, rü ta̱xacü tá ixüexü̃? —nhanagürü.
16 Rü nüma ga Erichéu rü nanangãxü̃ rü nhanagürü: —¡Tauxü̃́ i cumuü̃xü̃! Erü ngẽma Tupanaarü churaragü i dauxü̃cüã̱x i tamaxã ngẽxmagüxü̃ rü ngẽma Chíriaanecüã̱xarü churaragüarü yexera narümumae —nhanagürü.
17 Rü nüma ga Erichéu rü nayumüxẽ rü nhanagürü: —Pa Corix, Pa Tupanax, cuxna chaca nax cunango̱xetüxẽẽxü̃ca̱x ya daa chorü ngü̃xẽẽruxü̃ nax nüxü̃ nadauxü̃ca̱x i ngẽma curü churaragü i torü daruxü̃ ixĩgüxü̃ —nhanagürü. Rü nüma ga Cori ya Tupana rü nanango̱xetüxẽxẽ ga gumá Erichéuarü ngü̃xẽẽruxü̃. Rü nüxü̃ nadau ga guma ma̱xpǘne rü namaxã nanapá ga Tupanaarü churaragü ga cowaruétügu ĩxü̃ rü naweü̃ ga nhama üxüemarüxü̃ ixĩgüne ga Erichéuxü̃ íchomaeguãchixü̃.
18 Rü yexguma yema churaragü ga Chíriaanecüã̱x Erichéuca̱x ibuxmüchaü̃gu, rü nüma ga Erichéu rü Cori ya Tupanana naca rü nhanagürü: —Pa Tupanax, ẽcü ¡yangexetüxẽxẽ i ngẽma duü̃xü̃gü! —nhanagürü. Rü nüma ga Cori ya Tupana rü nayangexetüxẽxẽ yema Erichéu naxca̱x íca̱xaxü̃rüxü̃.
19 Rü yexguma ga Erichéu rü ínaxũxũ ga napatawa rü yema Chíriaanearü churaragüxü̃ nhanagürü: —Pa Churaragüx, rü ípetüe rü tama daa nixĩ ya yima ĩane ya naxca̱x pedauxü̃ne. Rü ẽcü ¡nua chawe perüxĩ! Rü tá naxü̃tawa pexü̃ chagagü i ngẽma yatü i naxca̱x pedauxü̃ —nhanagürü. Rü ĩane ga Chamáriawa nanagagü.
20 Rü yexguma Chamáriawa nangugügu, rü nüma ga Erichéu rü nayumüxẽ rü nhanagürü: —Pa Corix, nhu̱xmax rü ¡yadauuchigüxẽxẽ nax nüxü̃ nadaugüxü̃ca̱x! —nhanagürü. Rü yexguma ga nümagü rü nidauuchigü, rü nüxü̃ nicua̱xãchitanü ga ĩane ga Chamáriaarü aixepewa nax nayexmagüxü̃.
21 Rü yexguma ga nüma ga gumá Iraéuanecüã̱xgüarü ãẽ̱xgacü rü yema Chíriaanecüã̱xgüarü churaragüxü̃ nada̱xgux, rü Erichéuna naca rü nhanagürü: —Pa Corix ¿namexü̃ nax chanadaixü̃? —nhanagürü.
22 Notürü nüma ga Erichéu rü nanangãxü̃ rü nhanagürü: —Tama name nax cunadaixü̃, erü tama tacüma nixĩ nax nadaixü̃ i ngẽma duü̃xü̃gü íiyauxü̃xü̃. Rü narümemae nixĩ nax mea cunachibüexẽẽxü̃ rü nax cunaxaxegüxẽẽxü̃. Rü nhu̱xũchi ¡nachixü̃aneca̱x nawoeguxẽxẽ! —nhanagürü.
23 Rü yexguma ga nüma ga Iraéuanecüã̱xgüarü ãẽ̱xgacü rü nanaxü ga wüxi ga taxü̃ ga õna naxca̱x ga yema Chíriaanecüã̱x ga churaragü, rü nanachibüexẽxẽ rü nanaxaxegüxẽxẽ. Rü nhu̱xũchi norü ãẽ̱xgacüca̱x ínayamugü. Rü yexgumaü̃cüxü ga nüma ga Chíriaanecüã̱xgü rü marü taguma Iraéuanecüã̱xgüxü̃ nachixewe.
24 --
25 --
26 --
27 --
28 --
29 --
30 --
31 --
32 --
33 --
