2 Reis 9:1-37
9 Rü nüma ga Tupanaarü orearü uruxü̃ ga Erichéu naxca̱x naca ga wüxi ga norü ngúexü̃, rü nhanagürü nüxü̃: —¡Paxa cugü namexẽxẽ nax icuxũãchixü̃ca̱x! ¡Rü íyange i wüxi wexü̃ i chíxü̃, rü Yiriáyianewa ngexmane ya ĩane ya Ramúchiwa naxũ!
2 Rü ngẽxguma ngẽ́ma cunguxgu ¡rü naxca̱x nadau ya Yeú ya Yochapá nane ya Níchitaxa! ¡Rü nagu naxücu ya yima ĩpata ya nawa nangexmane! ¡Rü natanüxü̃güna yagagachi, rü to i ucapuwa naga!
3 ¡Rü yawãxnaxü̃ i ngẽma chíxü̃ i ngẽma íquingexü̃! ¡Rü ngẽmamaxã nabaeru rü nhacurügü tá nüxü̃: “Rü nhanagürü ya Cori ya Tupana: ‘Chama rü Iraéuanecüã̱xarü ãẽ̱xgacüxü̃ cuxü̃ chingucuchixẽxẽ’ ”, nhacurügü tá nüxü̃! ¡Rü ngẽmawena rü yawãxna i ĩã̱x rü íixũ rü taxuwatáma cuyachaxãchi! —nhanagürü.
4 Rü yema Erichéuarü ngúexü̃ ga orearü uruxü̃ rü inaxũãchi nax Yiriáyianewa yexmane ga ĩane ga Ramúchiwa nax naxũxü̃.
5 Rü yexguma yéma nanguxgu, rü nüxü̃ inayangau ga churaragüarü capitáü̃gü ga íngutaque̱xegüxü̃. Rü nhanagürü nüxü̃: —Choxü̃́ nangexma i wüxi i ore i cumaxã nüxü̃ chixuxchaü̃xü̃, Pa Capitáü̃x —nhanagürü. Rü nüma ga Yeú rü nanangãxü̃ rü nhanagürü: —¿Texé i totanüwa ya tümamaxã quidexachaü̃xe? —nhanagürü. Rü nüma ga yema orearü uruxü̃ rü nanangãxü̃ rü nhanagürü: —Cumaxã nixĩ i chidexachaü̃xü̃, Pa Capitáü̃x —nhanagürü.
6 Rü yexgumatama inachi ga nüma ga Yeú, rü yema orearü uruü̃maxã to ga ucapugu naxücu. Rü nüma ga orearü uruxü̃ rü chíxü̃maxã nanabaeru rü nhanagürü nüxü̃: —Cori ya Iraéuanecüã̱xgüarü Tupana rü nhanagürü cuxü̃: “Nhu̱xma i chama rü cuxü̃ chaxuneta nax ngẽma chorü duü̃xü̃gü i Iraéuanecüã̱xgüarü ãẽ̱xgacü quixĩxü̃ca̱x i nua Iraéuanewa.
7 Rü cuma rü tá cunadai i guxü̃ma i Acábitaagü. Rü ngẽmaãcü tá nayangutanüxẽxẽ i guxü̃ma i chorü orearü uruü̃gü rü chorü duü̃xü̃gü ga nadaixü̃ ga Yechabé.
8 Rü guxü̃táma i Acábitanüxü̃gü rü tá nadai. Rü ngẽmaãcü tá chanagu̱xẽxẽ i guxü̃ma i ngẽma iyatüxü̃ i natanüxü̃ i Iraéuanewa ngẽxmagüxü̃. Rü taxuxü̃táma ngextá namaxü̃”, nhaxü̃ ya Tupana —nhanagürü ga yema orearü uruxü̃.
9 --
10 --
11 --
12 --
13 --
14 --
15 --
Yeú rü nayama̱x ga Yoráü̃ ga Iraéuanecüã̱xarü ãẽ̱xgacü
16 Rü yemawena ga nüma ga Yeú rü naweü̃ ga cowaru itúxü̃negu nixüe rü ĩane ga Yeréwa naxũ ga ãẽ̱xgacü ga Yoráü̃xü̃tawa. Rü nüma ga Yoráü̃ rü nida̱xawe nagagu nax norü uanügümaxã nügü nadaixü̃. Rü nüma ga Yudáanecüã̱xarü ãẽ̱xgacü ga Acachía rü ta yéma Yoráü̃xü̃tawa nayexma, yerü yexma nanaxũane.
17 Rü yema dauxü̃taeruxü̃ ga ĩane ga Yeréarü dauxü̃taechicawa yexmaxü̃ rü nüxü̃ nadau ga yema Yeútanüxü̃ nax yéma ne naxĩxü̃. Rü yemaca̱x nica rü nhanagürü: —Duü̃xü̃gü nixĩ i yea ngẽ́ma ne ĩxü̃ —nhanagürü. Rü nüma ga Iraéuanecüã̱xarü ãẽ̱xgacü ga Yoráü̃ rü norü duü̃xü̃güxü̃ namu rü nhanagürü: —¡Wüxi i churara i cowaruétügu ixũxü̃ ngẽ́ma pemux nax íyadauxü̃ca̱x ngoxi tama nuewa núma ĩxü̃ yixĩ i ngẽma! —nhanagürü.
18 Rü yema churara ga cowaruétügu ixũxü̃ rü Yeúca̱x ninha rü nüxna naca rü nhanagürü: —Ãẽ̱xgacü nua choxü̃ namu nax cuxna chayaca̱xü̃ca̱x rü: “¿Tama nuewa nua pexĩ?” —nhanagürü. Rü nüma ga Yeú rü nanangãxü̃ rü nhanagürü: —Ngẽma rü tama cuxna naxü. Rü name nixĩ i chaweama cuxü —nhanagürü. Rü yema ĩanearü dauxü̃taeruxü̃ rü ãẽ̱xgacüxü̃ nhanagürü: —Ngẽma churara rü marü natanüwa nangu notürü tama natáegu —nhanagürü.
19 Rü nüma ga ãẽ̱xgacü rü yexgumatama to ga churara ga cowaruétügu ixũxü̃ yéma namu. Rü nüma rü yéma Yeútanüwa nangu rü nhanagürü: —Ãẽ̱xgacü nua choxü̃ namu nax pexna chayaca̱xü̃ca̱x rü: “¿Tama nuewa nua pexĩ?” —nhanagürü. Rü nüma ga Yeú rü nanangãxü̃ rü nhanagürü: —Ngẽma rü tama cuxna naxü. Rü name nixĩ i chaweama cuxü —nhanagürü.
20 Rü yema ĩanearü dauxü̃taeruxü̃ rü wenaxarü ãẽ̱xgacümaxã nüxü̃ nixu rü nhanagürü: —Ngẽma to i churara i ngẽ́ma ũxü̃ rü natanüwa nangu notürü tama natáegu. Rü cha̱u̱xca̱x rü ngẽma naweü̃maxã icuáxü̃ rü Níchitaxa i Yeú nixĩ, erü wüxi i ngeãxẽxü̃rüxü̃ inayaxũxẽxẽ ya yima naweü̃, erü woetama ngẽma nixĩ i nacüma —nhanagürü.
21 Rü yexguma nüma ga ãẽ̱xgacü ga Yoráü̃ rü norü churaragüxü̃ namu nax naweü̃ cowaruwa yachocuchigüxü̃ca̱x. Rü cowaruwa nüxü̃́ nayachocuchigü. Rü nüma ga Iraéuanecüã̱xarü ãẽ̱xgacü ga Yoráü̃ rü Yudáanecüã̱xarü ãẽ̱xgacü ga Acachía rü wüxichigü naweü̃gu inaxĩãchi nax Yeúpe̱xegu yayi̱xixü̃ca̱x. Rü meama Nabúchi ga Yerécüã̱xarü naanegu nüxü̃ nayangaugü.
22 Rü yexguma Yeúxü̃ inangauxgu ga Yoráü̃ rü nüxna naca rü nhanagürü nüxü̃: —¿Pa Yeúx, tama i nuwa nua cuxũxü̃? —nhanagürü. Rü nüma ga Yeú rü nanangãxü̃ rü nhanagürü: —¿Ta̱xacürü ngechaxü̃ i naxca̱x ícuca̱xaxü̃ ega ngẽma cué i Yechabé rü nagu ínamaxü̱̃xgu i ngẽma chixexü̃ i guxãxü̃ namaxã nachixexẽẽxü̃? —nhanagürü.
23 Rü yexgumatama nüma ga Yoráü̃ rü nadauegu rü ninha. Rü aita Acachíaca̱x naxü rü nhanagürü: —Tórü daiwa ũxü̃ nixĩ, Pa Acachíax, rü nataechitae —nhanagürü.
24 Notürü nüma ga Yeú rü norü würa nayaxu rü Yoráü̃xü̃ namaxü̃. Rü Yoráü̃ca̱xwena ningaxi ga naxne rü norü maxü̃newa nayarügo. Rü yexma naweü̃gu nayu ga nüma ga Iraéuanecüã̱xarü ãẽ̱xgacü ga Yoráü̃.
25 --
26 --
Yeú rü Yudáanecüã̱xarü ãẽ̱xgacü ga Acachíaxü̃ nima̱x
27 Rü yemaxü̃ nada̱xgux ga Acachía ga Yudáanecüã̱xarü ãẽ̱xgacü, rü ĩane ga Betagáü̃ca̱x ninha nagu ga yema nama ga Gúruwa daxü̃. Notürü nüma ga Yeú rü nawe nangẽ rü norü churaragüxü̃ namu nax yama̱xgüaxü̃ca̱x. Rü guma ĩane ga Ibéaarü ngaicamagu nüxü̃ nayangaugü, rü yexma naweü̃gutama nanapi̱xẽẽgü. Notürü ga nüma rü ninhaama rü nhu̱xmata ĩane ga Meyíduwa nangu. Rü yexma nayu.
28 --
29 --
30 --
31 --
32 --
33 --
34 --
35 --
36 --
37 --
