2 Samuel 18:1-33
18 Rü nüma ga Dawí rü norü churaragüxü̃ nixugü. Rü wüxichigü ga 1000 ga churaragüca̱x rü nüxü̃ naxuneta ga norü comaü̃dáü̃te. Rü wüxichigü ga 1000 wa rü 100 gu inananu. Rü wüxichigü ga 100 ca̱x rü nüxü̃ naxuneta ga norü capitáü̃.
2 Rü yemawena rü tamaepü̱xtücumügu nayayauxye ga norü churaragü. Rü wüxitücumümaxã inacua̱x ga Yoábe. Rü totücumümaxã inacua̱x ga Abichái ga Cheriá nane ga Yoábeenexẽ ixĩcü. Rü yema totücumümaxã inacua̱x ga Itái ga Getéu ixĩcü. Rü nhu̱xũchi ga nüma ga Dawí rü guxü̃ma ga yema norü churaragüxü̃ nhanagürü: —Chama rü tá ta pexü̃ íchixümücü i daiwa —nhanagürü.
3 Notürü ga nümagü rü nanangãxü̃gagü rü nhanagürügü: —Taxuacüma ngẽmaãcü cunaxü, Pa Ãẽ̱xgacüx, erü ngẽma torü uanügüca̱x rü nüétama ega woo naxcha̱xwa tibuxmü̱xgu rüe̱xna ngãxü̃ i tatanüxü̃ yuegu, erü ngẽma nüma nanaxwa̱xegüxü̃ nixĩ nax cuxü̃ yama̱xgüxü̃. Rü ngẽmaca̱x, Pa Ãẽ̱xgacüx, rü cuma rü 10,000 i toma i curü churaragüarü yexera toxü̃́ cume. Rü ngẽmaca̱x narümemae i nuxãtama ĩanegu curüxã̱ũ̱x nax ngẽmaãcü to i churaragü toxü̃tawa cumugüxü̃ca̱x —nhanagürügü.
4 Rü yexguma ga nüma ga ãẽ̱xgacü rü nanangãxü̃ga rü nhanagürü: —Tá chanaxü i ngẽma pexca̱x rümemaexü̃ —nhanagürü. Rü yexgumatama ga nüma ga ãẽ̱xgacü rü guma ĩanearü ĩã̱xgu ínachicuchi rü nüma ga norü churaragü rü ínachoxü̃tücumü.
5 Rü nhu̱xũchi ga nüma ga ãẽ̱xgacü rü nayaxucu̱xẽgü ga Yoábe rü Abichái rü Itái, rü nhanagürü nüxü̃: —¡Mea namaxã pechopetü ya yimá ngextü̱xücü ya Abicharã́ũ! —nhanagürü. Rü guxü̃ma ga norü churaragü rü nüxü̃ naxĩnüe ga yexguma ãẽ̱xgacü yema nhaxgu nüxü̃ ga yema churaragüarü ãẽ̱xgacügü nachiga ga gumá Abicharã́ũ.
6 Rü yemaacü inaxĩãchi ga yema churaragü nax Iraéuanecüã̱xgüarü churaragü ga Abicharã́ũwaama ügüxü̃maxã nügü nax nadaixü̃ca̱x. Rü Efraĩ́arü naanewa yexmaxü̃ ga naixnecügu nixĩ ga nügü nadaixü̃.
7 Rü yema Dawíwe rüxĩxü̃ ga churaragü rü Abicharã́ũarü churaragüxü̃ narüporamaegü. Rü poraãcü nügü nadai, rü 20,000 ga yatü yexma nayue.
8 Rü guxü̃wama nangu ga nügü nax nadaixü̃ ga yema Efraĩ́arü naanewa. Rü woo yema noxri nügü ínadaixü̃gu nayue ga muxü̃ma, notürü yemaarü yexera nixĩ ga naixnecügu yuexü̃ ga yexguma Dawíarü churaragü nawe ngẽgügu.
9 Rü yexguma nügü nadaiyane rü nüma ga Abicharã́ũ ga norü múlagu ixũcü, rü ngürüãchi yexma Dawíarü churaragümaxã nügü nangau. Rü nüma ga Abicharã́ũ rü norü múlamaxã ninha. Rü wüxi ga carabáyu ga taxü̃chacüütüü̃wa namaxã nagopetü, rü yéma niwaxcuchinaxã, rü yéma narütu. Rü yema múla rü nagopetümare.
10 Rü wüxi ga yema Dawíarü duü̃xü̃ ga nüxü̃ dauxü̃ rü Yoábemaxã nüxü̃ nixu.
11 Rü nüma ga Yoábe rü nhanagürü: —¿Ta̱xacü nixĩ? ¿Rü ngẽxguma nüxü̃ cuda̱xgu rü tü̱xcüü̃ tama noxtacüma cuyama̱x? Erü ngẽxguma chi cuyama̱xgu rü chama rü 10 tachinü i diẽru chi cuxna chaxã rü wüxi i goyexü̃ —nhanagürü.
12 Notürü ga yema churara rü Yoábexü̃ nangãxü̃ga rü nhanagürü nüxü̃: —Woo chi 1000 tachinü i diẽru choxna cuxãxgu rü taxũchima chanaxü i ngẽma. Erü guxãma i tomax rü nüxü̃ taxĩnüe ga ãẽ̱xgacü ga yexguma cuxü̃ rü Abicháixü̃ rü Itáixü̃ nhaxgu: “¡Rü taxũtáma chixexü̃ namaxã pexü ya Abicharã́ũ!”, nhaxgu.
13 Rü ngẽxgumachi ãẽ̱xgacüechita chayama̱xgu ya nane rü nüma ya ãẽ̱xgacü rü tá nüxü̃ nacua̱x nax texé yamáxü̃, rü cuma rü taxũchima chauétüwa cuchogü —nhanagürü.
14 Rü nüma ga Yoábe rü nhanagürü: —¡Marütama i ngẽma dexa i chixemarexü̃! —nhanagürü. Rü yexguma nanayaxu ga tamaepü̱x ga naixmena̱xã ga ixãmaguxü̃, rü yemamaxã Abicharã́ũxü̃ nacanapacütüxü̃, yerü carabáyuchacüxüwa nax natuxü̃ rü tama nayu.
15 Rü yemawena rü 10 ga Yoábearü churaragü rü Abicharã́ũxü̃ ínachomaeguãchi rü nayama̱xgüxüchi.
16 --
17 --
18 --
19 --
20 --
21 --
22 --
23 --
24 Rü yexgumayane rü nüma ga Dawí rü guma ĩanearü ĩã̱xwa narüto. Rü nüma ga yema dauxü̃taeruxü̃ rü yema ĩanearü poxeguxü̃étügu naxĩnagü nax yéma nadauxü̃taexü̃ca̱x. Rü yexguma yexama nadawenügu ga yema dauxü̃taeruxü̃ rü nüxü̃ nadau ga wüxi ga yatü ga nüxica yéma ne nhaxü̃.
25 18:25-26 Rü tagaãcü ãẽ̱xgacümaxã nayacaxü̃. Rü nüma ga ãẽ̱xgacü rü tagaãcü nanangãxü̃ rü nhanagürü: —Ngẽxguma nüxicatama ngẽ́ma ne nanhaxgu, rü mexü̃ i ore ngẽ́ma ne nange —nhanagürü. Notürü yexguma yema yatü ga yéma ne nhaxü̃ ingaicagu, rü nüma ga yema dauxü̃taeruxü̃ nüxü̃ nadau ga to ga yatü ga yéma ne nhaxü̃. Rü yemaca̱x yema ĩã̱xarü daruü̃na tagaãcü nacagü rü nhanagürü: —Yea nixĩ i to i yatü rü ngẽ́ma ne nanha —nhanagürü. Rü nüma ga ãẽ̱xgacü rü tagaãcü nhanagürü: —Ngẽma rü ta mexü̃ i ore ngẽ́ma ne nange —nhanagürü.
26 Nüü̃ nadau 18:25
27 Rü yexguma nüma ga yema dauxü̃taeruxü̃ rü nhanagürü ta: —Ngẽma nape̱xe inhaxü̃ rü norü nhaãchiwa nüxü̃ chacua̱x nax Chadóchi nane ya Aimáax yixĩxü̃ —nhanagürü. Rü nüma ga ãẽ̱xgacü rü nanangãxü̃ rü nhanagürü: —Nüma rü wüxi ya mecü ya yatü nixĩ, rü mexü̃ i ore nua nange —nhanagürü.
28 Rü nüma ga Aimáax rü ãẽ̱xgacüca̱x nixũ rü nape̱xegu nayacaxã́pü̱xü rü nhaxtüanegu nanangücuchi rü yemaacü nüxü̃ narümoxẽ rü nhanagürü: —Name ya Cori ya Tupana, ya curü Tupana, Pa Ãẽ̱xgacüx, erü marü nanadai ga yema tama cuga ĩnüechaü̃xü̃, Pa Ãẽ̱xgacüx —nhanagürü.
29 Rü nüma ga ãẽ̱xgacü rü ínaca, rü nhanagürü: —¿Nhuxãcü nüxü̃ nangupetüxü̃ ya yimá ngextü̱xücü ya Abicharã́ũ? ¿Rü namemarexü̃ yixĩxü̃? —nhanagürü. Rü nüma ga Aimáax rü nanangãxü̃ga rü nhanagürü: —Ngẽxguma Yoábe choxü̃ muxgu rü ínixaicha, notürü tama nüxü̃ chacua̱x, Pa Ãẽ̱xgacüx, nax ta̱xacü ngupetüxü̃ —nhanagürü.
30 Rü nüma ga ãẽ̱xgacü rü nhanagürü nüxü̃: —¡Inachi rü ngẽxma ínachicuchi! —nhanagürü. Rü nüma ga Aimáax rü yexma ínachicuchi.
31 Rü yexgumatama ínangu ga yema to ga yatü ga Echiopíaanecüã̱x rü nhanagürü: —Nangexma i wüxi i mexü̃ i ore, Pa Ãẽ̱xgacüx. Rü nhu̱xmax ya Cori ya Tupana rü mexü̃ cumaxã naxü, Pa Ãẽ̱xgacüx, erü cuxü̃ ínapoxü̃ nawa ga yema tama cuga ĩnüechaü̃xü̃, Pa Ãẽ̱xgacüx —nhanagürü.
32 Rü nüma ga ãẽ̱xgacü rü yema Echiopíaanecüã̱xna naca rü nhanagürü: —¿Rü yimá ngextü̱xücü ya Abicharã́ũ, rü taxuxü̃ma nüxü̃ üpetüxü̃? —nhanagürü. Rü nüma ga Echiopíaanecüã̱x rü nanangãxü̃ga rü nhanagürü: —Chierü ngẽma curü uanügü, Pa Ãẽ̱xgacüx, rü guxü̃ma i ngẽma chixexü̃ cumaxã ügüchaü̃xü̃ rü yimá ngextü̱xücürüxü̃ nayuegu —nhanagürü.
33 Rü nüma ga ãẽ̱xgacü rü axumaxã aita naxü. Rü dauxü̃ naxĩ ga yema norü ucapu ga ĩanearü poxeguxü̃étüwa yexmaxü̃wa, rü yéma nayaxaxu. Rü yexma ínaxũũxü̃ãcüma nhanagürü: —Pa Chaunex, Pa Abicharã́ũx. Pa Chaunex, Pa Abicharã́ũx. Chierü chama cuchicüxü chayu̱xgu. Pa Chaunex, Pa Abicharã́ũx, Pa Chaunex —nhanagürü.
