2 Samuel 5:1-25
5 Rü moxü̃ãcüamachigü rü wüxichigü ga Iraéuanecüã̱xgütücumüarü ãẽ̱xgacü rü Ebróü̃wa naxĩ, rü Dawímaxã narüdexagü rü nhanagürügü: —Toma rü cutanüxü̃xü̃chi tixĩgü.
2 Rü yexguma Chaú Iraéuanearü ãẽ̱xgacü ixĩxgu, rü cuma nixĩ ga aixcumama tomaxã icucuáxü̃. Rü nüma ga Tupana rü nüxü̃ nixu nax cuma tá quixĩxü̃ i toxna cudauxü̃ rü guxü̃ma i Iraéuanecüã̱xgüarü ãẽ̱xgacü tá quixĩxü̃ —nhanagürügü.
3 Rü yemaacü ga yema duü̃xü̃gü rü Dawímaxã nidexagü ga Ebróü̃wa. Rü nüma ga Dawí rü Cori ya Tupanape̱xewa yema duü̃xü̃gümaxã inaxüga. Rü nüma ga yema duü̃xü̃gü rü Dawíxü̃ chíxü̃maxã nabaerugü rü yemaacü guxü̃ma ga Iraéuanecüã̱xgüarü ãẽ̱xgacü nixĩ.
4 Rü nüma ga Dawí rü nüxü̃́ nayexma ga 30 ga taunecü ga yexguma ãẽ̱xgacüxü̃ yangucuchigu. Rü 40 ga taunecü nixĩ ga ãẽ̱xgacü yixĩxü̃.
5 Rü Ebróü̃wa rü 7 ga taunecüarü ngãxü̃ nixĩ ga Yudáanearü ãẽ̱xgacü yixĩxü̃. Rü yemawena rü nüma ga Dawí rü guxü̃ma ga Iraéuanearü ãẽ̱xgacü nixĩ ga 33 ga taunecü ga Yerucharéü̃wa.
6 Rü nüma ga ãẽ̱xgacü ga Dawí rü norü churaragümaxã Yerucharéü̃wa naxĩ nax naxca̱x íyaxüãchixü̃ca̱x ga yema Yebuchéutanüxü̃gü ga yema naanegu ãchiü̃güxü̃. Rü nüma ga Yebuchéutanüxü̃gü rü nagu narüxĩnüe nax taxũtáma Dawíaxü̃́ natauxchaxü̃ ga guma ĩanegu nax naxücuxü̃. Rü yemaca̱x nhanagürügü nüxü̃: —Cuma rü taxũtáma nuxã cuxücu erü woo ngẽma ingexetüxü̃ rü ichixeparaxü̃ rü ningu nax ínapoxü̃güãxü̃ ya daa ĩane nax tama nagu cuxücuxü̃ca̱x —nhanagürügü.
7 Notürü nüma ga Dawí rü norü churaragümaxã nagu naxĩgüama ga guma ma̱xpǘne ga Chiã́ũ ga yema ĩanecüã̱xarü churaragü nagu ãchiü̃güne rü nüxna nayapu. Rü ngẽmaca̱x nixĩ i nhu̱xmax i Dawíarü Ĩane nhaãcü naxugüãxü̃.
8 Rü yexguma Dawí nüxü̃ ĩnügu ga yema Yebuchéutanüxü̃gü ga nüxü̃ nax nacugüexü̃, rü norü churaragüxü̃ nhanagürü: —Ngẽma Yebuchéutanüxü̃gü i chixri tachiga idexagüxü̃ rü naxchi chaxai. ¡Rü yima ĩanearü dexá nagu iyaxü̃wa pichocu rü penada̱i̱x i ngẽma ĩanecüã̱xgü i Yebuchéutanüxü̃gü i nügütama ixugüexü̃ nax yangexetüxü̃ rü yachixeparaxü̃! —nhanagürü. (Rü ngẽ́ma nixĩ i ne naxũxü̃ i ngẽma dexa i nhaxü̃: “Rü tama chanaxwa̱xe i ngẽma ingexetüxü̃ rü ichixeparaxü̃ nax chapatagu nachocuxü̃”, nhaxü̃.)
9 Rü yemawena ga Dawí rü guma ma̱xpǘne ga Chiã́ũwa ngexmane ga ĩanegu nanaxü ga napata nax yéma norü churaragümaxã nayexmaxü̃ca̱x. Rü guma ĩane rü Dawíarü Ĩanegu nanaxüéga. Rü nanaxütapü̱xgü ga guxü̃wama. Rü Míruarü dauxü̃taechicawa inanaxügü, rü ĩanewaama nanadaxẽxẽ ga naxtapü̱x nhu̱xmata ãẽ̱xgacüpatawa nangu.
10 Rü nüma ga Dawí rü yexeraãcü niporachigü yerü ga Tupana ya guxü̃étüwa ngẽxmacü rü nüxü̃ narüngü̃xẽẽ.
11 Rü yemaca̱x ga Iráü̃ ga ĩane ga Tíruarü ãẽ̱xgacü ixĩcü rü Dawíxü̃tawa nanamugü ga nhuxre ga norü ngü̃xẽẽruü̃gü nax Dawímaxã yanadexagüxü̃ca̱x. Rü nhu̱xũchi yéma nanamugü ta ga yatügü ga nüxü̃ icuáxü̃ ga nutaarü mexẽẽcüwagü rü corapínagü. Rü yema duü̃xü̃gü rü yéma nanana ga mürapewagü ga ocayiwanaxca̱x nax yemamaxã naxügüãxü̃ca̱x ga guma Dawípata.
12 --
13 --
14 --
15 --
16 --
17 --
18 --
19 --
20 --
21 --
22 --
23 --
24 --
25 --
