2 Samuel 7:1-29
7 Rü yexguma nüma ga ãẽ̱xgacü ga Dawí nawa ũxgu ga guma ĩpata ya ãẽ̱xgacüarü ixĩxü̃ne, rü Cori ya Tupana nanangüxmüxẽxẽ namaxã ga guxü̃ma ga norü uanügü ga Iraéuanena ngaicamagüxü̃.
2 Rü nüma ga Dawí rü guma Tupanaarü orearü uruxü̃ ga Natáũxü̃ nhanagürü: —¡Dücax i chama rü wüxi ya mexechine ya ĩpata ya ocayiwanaxca̱x ixĩnegu chape! Notürü ngẽma baú i Tupanaarü mugü nawa ngẽxmagüxü̃ rü wüxi ya ĩpata ya naxchirunaxca̱xwa nangexma —nhanagürü.
3 Rü nüma ga Natáũ rü nhanagürü: —¡Ẽcü naxü i ngẽma nagu curüxĩnüxü̃! Erü Cori ya Tupana rü ínamemare nax cuxü̃ nangü̃xẽẽxü̃ —nhanagürü.
4 Notürü yema chütaxü̃gu ga Tupana rü Natáũxü̃ nhanagürü:
5 —¡Chorü duü̃ ya Dawímaxã idexa rü namaxã nüxü̃ ixu i chama i Cori ya Tupana nax chixĩxü̃ rü nhacharügü: “Taxũtáma nüma nixĩ i cha̱u̱xca̱x naxüãxü̃ ya yima ĩpata ya nawa tá changexmane!
6 Rü yexguma noxritama Eyítuanewa íchananguxü̃xẽẽ̱xgu ga Iraéutanüxü̃gü, rü yexgumacürüwa rü taguma wüxi ga ĩpata ga mürapewanaxca̱xtüü̃wa chayexma, notürü ĩpata ga naxchirunaxca̱xtüü̃wa nixĩ ga chayexmaxü̃.
7 Rü gucüma ga gumá taunecügü ga nagu Iraéutanüxü̃gümaxã ichixũcü, rü taguma nüxna chaca ga wüxi ga norü ãẽ̱xgacü nax cha̱u̱xca̱x wüxi ga ĩpata ga ocayiwanaxca̱x naxüxü̃ woo chama nax chayangucuchixẽxẽ ga yema ãẽ̱xgacügü nax Iraéutanüxü̃gümaxã inacuáxü̃ca̱x.
8 Rü ngẽmaca̱x ¡namaxã nüxü̃ ixu ya chorü duü̃ ya Dawí rü chama ya Cori ya Tupana ya guxãétüwa ngẽxmacü, rü nhacharügü nüxü̃! ‘Yexguma carnérugüarü daruxü̃ quixĩxgu rü yéa naanewa nüxna cuda̱xgu, rü chama cuxü̃ chayaxu nax nhaa chorü duü̃xü̃gü i Iraéutanüxü̃güarü ãẽ̱xgacü nax quixĩxü̃ca̱x.
9 Rü cuxü̃ íchixümücü ga ngextá ícuxũxü̃wa, rü cuxü̃ nüxü̃ charüporamaexẽxẽ ga guxü̃ma ga curü uanügü ga cumaxã nügü daixü̃. Rü cuxü̃ chatachigaxẽxẽ nax wüxi ya ãẽ̱xgacü ya aixcuma tacü quixĩxü̃ i nhama i naanewa.
10 7:10-11 Rü nhu̱xmachi wüxi ga naane marü nüxna chaxã ga yema chorü duü̃xü̃gü i Iraéutanüxü̃gü. Rü yéma chanangugüxẽxẽ nax noxrü yixĩxü̃ca̱x ga yema naane. Rü woo norü uanügü nagu nidauxcüraxü̃gü, rü nanachixewegü ga yexguma Yuchuéwena nüxü̃ chaxunetagu ga ãẽ̱xgacügü ga guxchaxü̃arü mexẽẽruü̃gü, notürü i nhu̱xmax rü cuxme̱xwa chanangexmaxẽxẽ i ngẽma Iraéuanecüã̱xgü nax namaxã icucuáxü̃ca̱x rü taxúema nagu idauxcüraxü̃xü̃ca̱x rü taxúema nachixewexü̃ca̱x. Rü marü nataxutáma i curü uanügü i cuxü̃ rüporamaexü̃, rü ngẽma cutaxagü tá nixĩ i ngẽma chorü duü̃xü̃gümaxã icua̱xgüxü̃.
11 Nüü̃ nadau 7:10
12 Erü ngẽxguma cuma tá cuyu̱xgu, rü wüxi ya cune tá chanamu nax Iraéuanecüã̱xgüarü ãẽ̱xgacü yixĩxü̃ca̱x. Rü ngẽma ãẽ̱xgacü rü tá napora erü chama tátama chanaporaxẽxẽ.
13 Rü nüma tá nixĩ i wüxi ya chapata naxüxü̃. Rü chama rü guxü̃gutáma nüxü̃ charüngü̃xẽẽ nax duü̃xü̃gümaxã inacuáxü̃ca̱x.
14 Chama rü tá nanatü chixĩ rü nüma rü tá chaune nixĩ. Rü ngẽxguma nüma chixexü̃ naxü̱xgu, rü chama rü tá to i nachixü̃anecüã̱xgüxü̃ chamu nax napoxcugüaxü̃ca̱x.
15 Notürü tagutáma nüxü̃ charüchau nax nüxü̃ changechaü̃xü̃, rü tagutáma nüxü̃ chaxo yema Chaúxü̃ chaxoxü̃rüxü̃ rü yemaca̱x nachicüxü cuxü̃ chimucuchi i cuma i Dawí’ ” —nhanagürü ga Tupana.
16 --
17 --
18 --
19 --
20 --
21 --
22 --
23 --
24 --
25 --
26 --
27 --
28 --
29 --
