2 Samuel 9:1-13
9 Rü wüxi ga ngunexü̃gu ga Dawí rü ínaca rü nhanagürü: —¿Rü tayíxemaxü̃ ya wüxíe ya Chaútanüxü̃ i nhu̱xmax rü ta ngextá maxü̃́xẽ? Erü ngẽxguma tayíxemagu rü Yónataü̃égagu tüxü̃ charüngü̃xẽẽchaü̃ —nhanagürü.
2 Rü yexguma Dawí nüxü̃ cua̱xgu ga nax nayexmaxü̃ ga wüxi ga yatü ga Chíbagu ãégacü ga Chaúarü duü̃xü̃ ixĩcü, rü nüma ga Dawí rü naxca̱x nangema nax naxü̃tawa naxũxü̃ca̱x. Rü yexguma Chíba Dawíxü̃tawa ũxgu, rü nüma ga ãẽ̱xgacü rü nüxna naca rü nhanagürü: —¿Cuma nixĩ i Chíba quixĩxü̃? —nhanagürü. Rü nüma nanangãxü̃ga rü nhanagürü: —Ngü̃, Pa Chorü Ãẽ̱xgacüx —nhanagürü.
3 Rü yexguma ga nüma ga ãẽ̱xgacü rü nüxna naca rü nhanagürü: —¿Tangexmaxü̃ ya maxü̃́xẽ ya Chaútanüxü̃wa íyaxüxe? Rü ngẽxguma tangexmagu, rü Tupanaégagu chayanguxẽẽchaü̃ i ngẽma nagu charüxĩnüxü̃ nax ngẽmaãcü nüxü̃ chanawéxü̃ca̱x nax choxü̃́ nangechaü̃tümüxü̃xü̃ —nhanagürü. Rü nüma ga Chíba rü nanangãxü̃ga rü nhanagürü: —Nangexma nixĩ ya wüxi ya Yónataü̃ nane ya norü guxü̃neparawa chixecü —nhanagürü.
4 Rü nüma ga ãẽ̱xgacü rü nhanagürü: —¿Ngextá inangexmaxü̃? —nhanagürü. Rü nüma ga Chíba nanangãxü̃ga rü nhanagürü: —Lodebáwa nixĩ i nangexmaxü̃ i Maquí ya Amiéu nanepatawa —nhanagürü.
5 Rü yexguma ga nüma ga ãẽ̱xgacü ga Dawí rü nanamu ga yema ínayexmaxü̃wa nax yagagüaxü̃ca̱x.
6 Rü yexguma Dawíxü̃tawa nanguxgu ga nüma ga Mepiboché ga Yónataü̃ nane ga Chaútaxa ixĩcü, rü nape̱xegu nanangücuchi ga nüxü̃ nax namoxẽxü̃ca̱x. Rü nüma ga Dawí rü nüxna naca rü nhanagürü: —¿Ẽ̱xna cuma quixĩxü̃, Pa Mepibochéx? —nhanagürü. Rü nüma nanangãxü̃ga rü nhanagürü: —Cuxme̱xwa changexma Pa Ãẽ̱xgacüx —nhanagürü.
7 Rü nüma ga Dawí rü nhanagürü nüxü̃: —¡Taxuca̱xma cumuü̃! Erü chama rü meatáma cumaxã ichacua̱x cunatü ga Yónataü̃égagu. Rü tá chanamu nax cuxü̃ natáeguxẽẽgüaxü̃ca̱x i guxü̃ma i ngẽma naane ga curü o̱xi ga Chaúarü ixĩxü̃. Rü guxü̃gutáma chorü mecha i chama íchachibüxü̃wa tá cuchibü —nhanagürü.
8 Notürü nüma ga Mepiboché rü ãẽ̱xgacüpe̱xegu nanangücuchi rü nhanagürü nüxü̃: —¿Tü̱xcüü̃ chagu curüxĩnü i chama i curü duü̃xü̃ chixĩxü̃, Pa Ãẽ̱xgacüx, ega ngẽxguma taxuwama cuxü̃́ chamexgu? —nhanagürü.
9 --
10 --
11 --
12 --
13 Rü yemawena ga nüma ga Mepiboché ga guxü̃neparawa chixecü rü Yerucharéü̃gu naxãchiü̃, yerü guxü̃guma ãẽ̱xgacüarü mechawa nachibü.
