Amós 9:1-15
9 Rü nüxü̃ chadau ga Cori ya Tupana. Rü nüma rü ngẽma tupananetachicüna̱xãarü ãmarearü guchicaxü̃xü̃tagu nachi, rü nhanagürü choxü̃: “¡Daa tupananetapataarü caxtagü rü nagu napogü nax yawa̱xgüxü̃ca̱x rü ngẽmaãcü duü̃xü̃güétü nangutaü̃xü̃ca̱x i naãxü̃ rü ngẽxma nayuexü̃ca̱x! Rü ngẽma maxẽxü̃ rü woo yabuxmügu rü tá chanamu i norü uanügü nax taramaxã nadaiaxü̃ca̱x. Rü ngẽmaãcü taxuxü̃táma ninha.
2 Rü woo waixümüarü ãxmaxü̃gu yacu̱xgügu rü ngẽ́ma tá íchanawoxü̃ama. Rü woo ma̱xpǘnetape̱xegu naxĩgügu rü ngẽ́ma rü tá íchanaxĩgüxẽxẽama.
3 Rü woo ma̱xpǘnetape̱xe ya Carmérugu yanacu̱xgügu, rü chama rü tá ngẽxma naxca̱x chayadauama. Rü ngẽxguma mártamagu yanacu̱xgügu, rü chama rü tá chanamu i naexü̃ i taxüchixü̃ i düraxü̃ i márcüã̱x nax ngẽxma nagu nawagüxü̃ca̱x”, nhanagürü ya Tupana.
4 --
5 --
6 --
7 --
8 Rü nüma ya Cori rü nüxü̃ nadawenü i Iraéuanecüã̱xarü ãẽ̱xgacügü i chixexü̃gu ímaxẽxü̃ rü ngẽmaca̱x nhanagürü: “Chama rü tá nhaa naanewa ichayanaxoxẽxẽ i ngẽma ãẽ̱xgacügü. Notürü taxũtáma ichayanaxoxẽẽxü̃chi i ngẽma Iraéuanecüã̱xgü. Rü chama ya Cori ya Tupana nüxü̃ chixu i ngẽma.”
9 --
10 --
Tupana tá wena ínanadaxẽxẽ i Iraéuane nax noxrirüxü̃ wena naporaxü̃ca̱x
11 Rü Cori ya Tupana rü nhanagürü: “Pa Iraéuanecüã̱xgüx, rü yema pechixü̃ane ga yexguma ãẽ̱xgacü ga Dawí namaxã icua̱xgu, rü naporaxüchi, notürü i nhu̱xmax rü nhama wüxi ya ĩpata ya rüngutaxü̃nerüxü̃ nixĩ. Notürü tá nawa nangu i ngunexü̃ nax wena íchanadaxẽẽxü̃ nax noxrirüxü̃ wena naporaxü̃ca̱x.
12 Rü ngẽmaãcü, Pa Iraéuanecüã̱xgüx, rü pexrü tá nixĩ i ngẽma Edóü̃ane i nhu̱xmax íyaxüxü̃ rü guxü̃ma i ngẽma nachixü̃anegü ga ü̃pa chorü duü̃xü̃güme̱xẽwa chayexmagüxẽẽxü̃. Rü chama ya Cori ya Tupana nixĩ i ngẽma nhachaxü̃, rü chama rü tá chayanguxẽxẽ i ngẽma.
13 Rü ngẽma ngunexü̃gügu rü tá poraãcü nixo i perü trígu. Rü ngẽxguma taxũta yagúegu nax penabuxuxü̃ i perü trígu rü ngẽma perü naane rü marü táxarü name nax wena nagu petoexü̃. Rü ngẽxguma taxũta yagúegu nax penabuxuxü̃ i perü úwagü rü ngẽma perü naane rü marü íname nax perü trígu nagu petoxü̃. Rü guxü̃nema ya yima ma̱xpǘnegüwa rü ngüchitaeruxü̃güwa rü tá narüyáetüxü̃ i perü úwagü nhama dexárüxü̃.
14 Rü chama rü tá wena nachixü̃aneca̱x chanawoeguxẽxẽ i ngẽma chorü duü̃xü̃gü i Iraéutanüxü̃gü. Rü nümagü rü tá nayamexẽxẽ ya yima norü ĩanegü ga nagu nüxü̃́ napogüene rü yimawa tá namaxẽ. Rü tá norü úwanecü naxügü rü ngẽma úwatüxü̃ i wíũwa tá naxaxegü. Rü nanetümaxã tá natoegü rü ngẽmaarü o tá nangõ̱xgü.
15 Rü norü naanewaxüchi tá chanangexmagüxẽxẽ i ngẽma Iraéutanüxü̃gü, rü tagutáma texé nawa ítanawoxü̃ i ngẽma norü naane i chama nüxna chaxãxü̃. Rü chama ya Cori ya Tupana nixĩ i nüxü̃ chixuxü̃ i ngẽma.”