Deuteronómio 6:1-25
6 Rü nhanagürü ga Moiché: —Nüma ga Cori ya Tupana rü choxü̃ namu nax pexü̃ changúexẽẽxü̃ca̱x i nhaa mugü nax nagu pexĩxü̃ca̱x nawa i ngẽma naane i tá pexna naxãxü̃.
2 Rü ngẽmaãcü i pema rü penegü rü petaagü rü tá aixcuma nüxü̃ pengechaü̃ ya perü Cori ya Tupana, rü tá peyanguxẽxẽ i ngẽma norü ore nhu̱xmatáta peyuemare. Rü ngẽmaãcü ya Tupana rü tá poraãcü pexü̃ narüngü̃xẽxẽ rü tá nanama̱xẽxẽ i perü maxü̃ i ngẽma naanewa.
3 Rü ngẽmaca̱x, Pa Iraéutanüxü̃güx, rü name nixĩ i mea nagu pemaxẽ i ngẽma mugü. Erü ngẽxguma mea nagu pemaxẽgu rü tá mexü̃ pexü̃ nangupetü, rü tá pimu nawa i ngẽma naane i ngextá nabügü i mexü̃ rü nhama léchi rü ira taguma ítaxuxü̃wa yema Cori ya Tupana perü o̱xigümaxã nüxü̃ ixuxü̃rüxü̃.
4 ¡Rü dücax, iperüxĩnüe, Pa Iraéutanüxü̃güx! Rü nüma ya Cori ya tórü Tupana rü nüxicatama nixĩ i Cori yixĩxü̃.
5 ¡Rü nüxü̃ pengechaxü̃gü ya perü Tupana i guxü̃ne ya perü maxü̃nemaxã, rü guxü̃ i peãxẽmaxã, rü guxü̃ i perü poramaxã!
6 ¡Rü pegüãxẽgu namaxã penguxü̃ i guxü̃ma i nhaa ore i nhu̱xmax pemaxã nüxü̃ chixuxü̃!
7 ¡Rü guxü̃gutáma namaxã penangúexẽxẽ i pexacügü! Rü nachigagu tá namaxã pidexagü i pepatagüwa rü ngextá ípexĩxü̃wa, rü ngẽxguma pepeechaü̃gu rü ngẽxguma íperüdagügu.
8 Rü ngẽma nax tama nüxü̃ iperüngümaexü̃ca̱x i nhaa mugü ¡rü pegüme̱xẽwa rü pegücatüwa peyanga̱xcuchi̱x nax ngẽxma peyangexü̃ca̱x perü cua̱xruxü̃!
9 ¡Rü ẽcü pepataarü caxtagügu rü peã̱xpatagu penawümatü i ngẽma mugü!
10 --
11 --
12 --
13 --
14 ¡Rü taxũtáma nawe perüxĩ i ngẽma togü i duü̃xü̃gü i pexna ngaicamagüxü̃arü tupanagü!
15 Erü yimá perü Cori ya Tupana rü nüxü̃́ pechu̱xu rü ngürüãchi pemaxã nanuxgu rü noxtacüma pexü̃ nadai rü pexü̃ nayarüxoxẽxẽ.
16 Rü tama name nax nüxü̃ pexüxü̃ ya perü Cori ya Tupana ga yexguma nachica i Máchawa nüxü̃ pexü̱xgurüxü̃.
17 ¡Rü aixcuma mea nagu pemaxẽ i ngẽma Cori ya perü Tupanaarü mugü rü norü ucu̱xẽgü ga pemaxã nüxü̃ yaxuxü̃!
18 ¡Rü penaxü̱x i ngẽma mexü̃ i Cori ya Tupana namaxã taãxẽxü̃ nax ngẽmaãcü mea pexü̃ nangupetüxü̃ca̱x rü aixcuma penayaxuxü̃ca̱x i ngẽma mexü̃ i naane ga perü o̱xigümaxã nüxü̃ yaxuxü̃!
19 Rü ngẽmaãcü ya Cori ya Tupana rü yema pemaxã nüxü̃ yaxuxü̃rüxü̃ rü tá nayabuxmüxẽxẽ i guxü̃ma i perü uanügü i ngẽma naanewa ngẽxmagüxü̃.
20 6:20-21 Rü ngẽxguma wüxi i ngunexü̃ pexacügü pexna ca̱xgux rü nhagügu: “¿Ta̱xacüchiga nixĩ i nhaa mugü rü nhaa ucu̱xẽgü i tamaxã nüxü̃ yaxuxü̃ ya tórü Cori ya Tupana?” nhagügu, rü pema rü tá penangãxü̃ rü nhapegürügü tá: “Toma ga nũxcüma rü ãẽ̱xgacü ga Eyítuanecüã̱x ga Faraóũme̱xẽwa tayexmagü. Notürü ga nüma ya tórü Cori ya Tupana rü norü poramaxã toxü̃ ínanguxü̃xẽxẽ.
21 Nüü̃ nadau 6:20
22 Rü toma rü nüxü̃ tadau ga yema ãũcümaxü̃ ga Tupana norü poramaxã Eyítuanewa üxü̃ nape̱xewa ga Faraóũ rü guxü̃ma ga norü duü̃xü̃gü.
23 Notürü ga toma rü toxü̃ ínagaxü̃ ga yema Eyítuanewa, rü mea toxü̃ nigagü nhu̱xmata yema naane ga tórü o̱xigümaxã nüxü̃ yaxuxü̃wa toxü̃ nangugüxẽxẽ.
24 Rü nhu̱xũchi ga nüma ya Cori ya Tupana rü toxü̃ namu nax mea tayanguxẽẽxü̃ i guxü̃ma i nhaa norü mugü rü nüxü̃ ticua̱xüü̃güxü̃ca̱x nax mea tüxü̃ naxüpetüxü̃ca̱x rü nüma tüxü̃ namaxẽxẽẽxü̃ca̱x nhu̱xmata nhama i ngunexü̃wa nangu.
25 Rü ngẽmaca̱x i yixema i nhu̱xmax rü name nixĩ i tórü Cori ya Tupanape̱xewa mea yanguxẽẽxü̃ i ngẽma norü mugü, yema tomaxã nüxü̃ yaxuxü̃rüxü̃”, nhapegürügü tá —nhanagürü ga Moiché.
