Deuteronômio 8:1-20
8 Rü nhanagürü ga Moiché: —¡Ẽcü nagu pexĩ i ngẽma mugü i nhu̱xmax pexna chaxãxü̃ nax namáxü̃ca̱x i perü maxü̃ rü pimuxü̃ca̱x, rü ngẽmaãcü penayaxuxü̃ca̱x i ngẽma naane ga perü o̱xigümaxã nüxü̃ yaxuxü̃ ga Tupana!
2 ¡Rü nüxna pecua̱xãchie ga nhuxãcü Cori ya Tupana pexna nadauxü̃ ga namawa ga yexguma 40 ga taunecü yema nachica ga chianexü̃ ga taxúema íxãpataü̃gu pexĩxgu! Rü yéma nixĩ ga pexü̃ naxãneexẽẽxü̃ rü pexü̃ naxüxü̃ nax yemaacü nüxü̃ nacuáxü̃ca̱x ga ta̱xacügu perüxĩnüexü̃ rü tá aixcuma peyanguxẽẽxü̃ i norü mugü.
3 Rü woo ngúxü̃ pexü̃ ningexẽxẽ rü taiya pingegü, notürü ga yixcüama rü nüma ga Tupana rü dauxü̃cüã̱x ga poũ ga manámaxã pexü̃ nachibüexẽxẽ woo i pema rü perü o̱xigü rü nũxcüma rü taguma nüxü̃ pedauxü̃ ga yema. Notürü yemawa pexü̃ nüxü̃ nadauxẽxẽ rü tama õnaxica nixĩ i namaxẽẽxü̃ i wüxi i duü̃xü̃, notürü ngẽma ore i Tupanaa̱xwa íxũxũxü̃ nixĩ i aixcuma namaxẽẽxü̃.
4 Rü guxcüma ga guma 40 ga taunecügu rü tama pengauechiru rü bai ga nax perüchaecutüxü̃.
5 ¡Rü nüxna pecua̱xãchie rü yimá perü Cori ya Tupana rü pexü̃ inayarüwe̱xãchitanüxẽxẽ nhama wüxi i papá nanexü̃ inayarüwe̱xãchixẽẽxü̃rüxü̃!
6 ¡Ẽcü mea naga pexĩnüe i ngẽma norü mugü ya yimá Cori ya Tupana, rü nüxü̃ pecua̱xüxü̃gü rü mea nagu pexĩ i ngẽma ngu̱xẽẽtae i pexna naxãxü̃!
7 Erü nüma ya Cori ya Tupana rü wüxi i naane i mexü̃wa tá pexü̃ nagagü i ngextá inamuxü̃wa i natüxacügü, rü puchugü, rü burawegü i ma̱xpǘnearü ngachitamüxü̃wa ichuxchugüxü̃.
8 Rü ngẽma naanewa rü nangema i trígu, rü chewáda, rü úwa, rü figuéra, rü boxra, rü oríwa rü ira.
9 Rü ngẽma nachixü̃anewa rü taxũtáma pexoégaãẽgü naxca̱x i perü õna, rü taxũtáma pexü̃́ nataxu. Rü norü ma̱xpǘnegüwa rü namu i férumü rü cóbremü.
10 Notürü ngẽxguma pechibüeguwena rü pengãxpütüwegügu, rü name nax nüxü̃ pecua̱xüü̃xü̃ ya Cori ya Tupana naxca̱x i ngẽma mexü̃ i naane i pexna naxãxü̃.
11 ¡Rü pegüna pedaugü nax tama nüxü̃ perüngümaexü̃ca̱x ya perü Cori ya Tupana! ¡Rü tauxü̃́ i nüxü̃ perüxoexü̃ i ngẽma norü mugü rü norü ucu̱xẽgü i nhu̱xmax pexna chaxãxü̃! —nhanagürü ga Moiché.
12 --
13 --
14 --
15 --
16 --
17 --
18 --
19 --
20 --
