Gênesis 35:1-29
35 Rü yexguma ga Tupana rü ĩane ga Chiquéü̃wa rü Yacúxü̃ nhanagürü: —¡Cugü namexẽxẽ rü inaxũãchi nax Betéugu cuyaxãchiü̃xü̃ca̱x! ¡Rü ngẽxma cha̱u̱xca̱x naxü i wüxi i ãmarearü guchicaxü̃ nagu ga yema nachica ga nawa cuxca̱x changóxü̃ ga yexguma cuenexẽ ga Echaúcha̱xwa quixũxgu! —nhanagürü.
2 Rü yexguma ga Yacú rü naxma̱xgümaxã rü guxü̃ma ga norü duü̃xü̃gümaxã nidexa, rü nhanagürü nüxü̃: —¡Ípenanúxü̱̃x i guxü̃ma i perü tupanachicüna̱xãgü rü nua penana nax ínawogüxü̃ca̱x! ¡Rü nhu̱xũchi pegü pexaiyagü rü to i pexchiru i ngẽmataxü̃gu picu̱xgü!
3 ¡Rü ngĩxã rü paxa itaxĩãchi nax Betéuwa ixĩxü̃! Erü ngẽxma tá chanaxü i wüxi i ãmarearü guchicaxü̃ naxca̱x ya Tupana ga guxü̃wama ga ngextá íchaxũxü̃wa choxü̃ íxümücücü rü choxü̃ rüngü̃xẽẽ̱xcü ga yexguma guxchaxü̃wa chayexmagu —nhanagürü.
4 Rü yexguma ga yema duü̃xü̃gü, rü Yacúxü̃tawa nanana ga guxü̃ma ga norü tupanachicüna̱xãgü rü yema naxmachinügü ga norü tupanagüarü cua̱xruü̃gü ixĩgüxü̃. Rü ĩane ga Chiquéü̃arü ngaicamána rüxüxü̃ne ga carabáyutüü̃gu Yacú inanata̱xgü ga yema tupanachicüna̱xãgü.
5 Rü yexguma inaxĩãchigu ga Betéuwa nax naxĩxü̃ca̱x, rü Tupana rü guxü̃ma ga yema ĩanegücüã̱x ga namawa yexmagüxü̃ãẽwa ínananguxẽxẽ ga muü̃ nax tama Yacú nanegüwe nangẽgüxü̃ca̱x.
6 Rü Yacú rü guxü̃ma ga yema duü̃xü̃gü ga namaxã ixĩxü̃, rü meama Canaã́anewa yexmane ga ĩane ga Lúxgu ãéganewa nangugü. Rü to ga naéga rü Betéu nixĩ.
7 Rü yexma nanaxü ga wüxi ga ãmarearü guchica rü El-Betéugu nanaxüéga, yerü yexguma naeneecha̱xwa yaxũxgu, rü yéma nixĩ ga Tupana naxca̱x ngóxü̃.
8 --
9 Rü yexguma Padáũ-Arã́anewa ne naxũxgu ga Yacú, rü Tupana rü Betéuwa wenaxarü naxca̱x nango̱x, rü mexü̃ namaxã naxuegu.
10 35:10-11 Rü nhanagürü: “Cuma rü Yacú nixĩ i cuéga. Notürü i nhu̱xmax rü marü taxũtáma ngẽma nixĩ i cuéga erü nhu̱xmacürüwa rü Iraéu tá nixĩ i cuéga”, nhanagürü. Rü yemawena ga Tupana rü nhanagürü: “Chama nixĩ ya Tupana ya guxü̃étüwa changexmaxü̃. ¡Rü yamu ya cunegü rü cutaagü! Rü cuwa tá nango̱x i wüxi i nachixü̃ane rü muxü̃netáma ya ĩanegü. Rü cutaagütanüwa tá nangexma i ãẽ̱xgacügü.
11 Nüü̃ nadau 35:10
12 Rü nhaa naane ga Abraáũ rü Isáquina chaxãxü̃, rü cuxna rü ta chanaxã. Rü cuwena rü tá cutaagüna chanaxã”, nhanagürü ga Tupana.
13 --
14 --
15 --
Iyu ga Raquéu
16 Rü yemawena rü Betéuwa inaxĩãchi nax ĩane ga Efrátawa naxĩxü̃ca̱x. Notürü yexguma Efrátaxü̃ yangaicagügu rü ga Raquéu rü ixíraxacüama. Rü tama mexü̃ ngĩxü̃ nangupetü.
17 Rü yexguma tama paxa yéma naxíraxacüxgu rü düxwa ngĩma ga yema ngĩrü daruxü̃ rü ngĩxü̃ ngĩgürügü: —¡Yaxna naxĩnü erü to i yatüxü̃ i cuxacü cuxü̃ naxíra! —ngĩgürügü.
18 Notürü ngĩma ga Raquéu rü marü ituraxüchi rü yaxna irüngü̃ rü: —Benóni nixĩ ya yimá õxchana —ngĩgürügü. Notürü ga nanatü ga Yacú rü Bẽyamígu tanaxüéga.
19 Rü yemaacü nixĩ ga nayuxü̃ ga Raquéu. Rü yema nama ga Efrátawa nadaxü̃gu ngĩxü̃ nata̱xgü. (Rü guma ĩane ga Efráta rü nhu̱xmax rü Beréü̃gu naxãéga.)
20 --
21 --
Yacú nanegü
22 35:22,23 Rü Yacú nanegü rü 12 nixĩgü. Rü guma Leíwaü̃gücü rü Rubéü̃ nixĩ ga Yacú nane ga yacü. Rü naeneegü rü Chimiáũ, rü Lewí, rü Yudá, rü Ichacá, rü Yeburóũ nixĩgü.
23 --
24 Rü guma Raquéuwaxü̃gücü rü Yúche rü Bẽyamí nixĩgü.
25 Rü guma Raquéuü̃taxü̃ ga Bírawaü̃gücü rü Dáü̃ rü Natarí nixĩgü.
26 Rü guma Leíü̃taxü̃ ga Chípawaü̃gücü rü Gáyi rü Aché nixĩgü. Rü gumagü nixĩ ga Yacú nanegü ga Padáũ-Arã́anegu buexü̃.
Isáquiarü yuxchiga
27 Rü nüma ga Yacú rü nanatü ga Isáquixü̃ ínayadau ga Maréwa. Rü guma ĩane rü namuéga. Rü Árba nixĩ ga wüxi rü Ebróü̃ nixĩ ga to. Rü yexma nixĩ ga naxãchiü̃güxü̃ ga Abraáũ rü Isáqui.
28 Rü nüma ga Isáqui rü nüxü̃́ nayexma ga 180 ga taunecü ga yexguma nayu̱xgux.
29 Rü yexguma marü nayaxüchigu nixĩ ga nayuxü̃ rü natanüxü̃gütanüwa naxũxü̃. Rü nanegü ga Echaú rü Yacú rü inanata̱xgü.
