Gênesis 42:1-38
42 Rü yexguma Yacú nüxü̃ cuáxchigagu ga Eyítuanewa nax nayemaxü̃ ga trígu, rü nanegüxü̃ nhanagürü: —¿Ta̱xacü nua pexüe i pegü nua perüdaunümarexü̃?
2 Rü chamaxã nüxü̃ nixugügü rü Eyítuanewa nax nangemaxü̃ i trígu. ¡Rü ngẽ́ma pexĩ nax tríguta peyataxegüxü̃ca̱x nax ngẽmaãcü tama iyuexü̃ca̱x! —nhanagürü.
3 Rü nhu̱xũchi 10 ga Yúcheeneegü rü Eyítuanewa naxĩ nax tríguta yataxegüxü̃ca̱x.
4 Notürü ga Yacú rü tama nanaxwa̱xe ga nane ga Bẽyamí ga Yúcheenexẽ yéma nax naxũxü̃, yerü nagu narüxĩnü rü ngürüãchi ta̱xacürü chixexü̃ yexma nüxü̃ nayaxüpetü.
5 Rü nanegü ga Yacú ga Iraéugu ãégacü rü togü ga taxetanüxü̃tanügu naxãgü, yerü guxü̃ma ga Canaã́anewa rü taiya nangu̱x.
6 Rü Yúche nixĩ ga ãẽ̱xgacü ixĩcü ga Eyítuanewa, rü nüma nixĩ ga duü̃xü̃gü ga togü ga nachixü̃anewa ne ĩxü̃xü̃ namaxã nataxexü̃ ga trígu. Rü yexguma naeneegü naxü̃tawa ngugügu, rü nape̱xegu nhaxtüanegu nanangücuchitanü.
7 Rü nüma ga Yúche rü naeneegüxü̃ nacua̱x ga yexguma nüxü̃ nada̱xgux, notürü tama nügü nüxü̃ nacua̱xẽẽneta. Rü nugaãcü naeneegüna naca, rü nhanagürü: —¿Rü pemax, rü ngextá ne pexĩ? —nhanagürü. Rü nümagü rü nanangãxü̃gü rü nhanagürügü: —Toma rü Canaã́anewa ne taxĩ, rü trígu nuata tayataxegü —nhanagürügü.
8 Rü nüma ga Yúche rü naeneegüxü̃ nacua̱x, notürü ga naeneegü rü tama Yúchexü̃ nacua̱xgü.
9 Rü yexguma ga Yúche rü nüxna nacua̱xãchi ga yema ü̃pa nagu naxãnegüxü̃ ga naeneegüchiga ixĩxü̃. Rü nhanagürü nüxü̃: —Pemax rü tochixü̃anearü ngugütaeruü̃gü pexĩgü. Rü pema rü nua ngugütaewa pexĩ nax naxca̱x pedaugüxü̃ca̱x nax ngextá pexü̃́ natauxchaxü̃ nax toechita pichocuxü̃ca̱x nawa i nhaa naane —nhanagürü.
10 Rü nüma ga naeneegü rü nanangãxü̃gü rü nhanagürügü: —Tama nixĩ, Pa Corix. Toma i curü duü̃xü̃gü rü tríguarü taxewa nua taxĩmare.
11 Rü guxãma i toma rü wüxitama nixĩ ya tonatü. Rü duü̃xü̃gü i mexü̃ tixĩgü. Rü taguma ngugütaeruxü̃ tixĩgü —nhanagürügü.
12 Notürü ga Yúche rü nhanagürüama: —Rü tama aixcuma nixĩ i ngẽma. Rü pema rü nua pexĩ nax naxca̱x pedaugüxü̃ca̱x i ngextá pexü̃́ natauxchaxü̃ nax toechita pichocuxü̃ca̱x nawa i nhaa naane —nhanagürüama.
13 Notürü nümagü rü nanangãxü̃gü rü nhanagürügü: —Toma i curü duü̃xü̃gü rü 12 tixĩgü i togüenexẽ. Rü wüxitama tixĩ ya tonatü, rü Canaã́anegu nixĩ i taxãchiü̃güxü̃. Rü yimá toenexẽ ya rübumaecü rü ngẽxma tonatüxü̃tagu narüxã̱ũ̱x, rü guma nai ga toenexẽ rü marü nataxuma i toxü̃tawa —nhanagürügü.
14 Notürü nüma ga Yúche rü wena nhanagürüama: —Pema rü ngugütaewa nua pexĩ.
15 Rü nhu̱xmax rü tá pexü̃ chaxü, rü Faraóũégagu pemaxã nüxü̃ chixu rü taxũtáma nua pewoegu ega tama nua penagaíragu ya yimá peenexẽ ya rübumaecü.
16 ¡Rü wüxíe táegu nax tayagaxü̃ca̱x! Rü yíxema nuxã rüchoxe rü tá tapoxcue. Rü ngẽmawa tá nüxü̃ chacua̱x rü aixcuma yixĩ i ngẽma chamaxã nüxü̃ pexuxü̃. Rü ngẽxguma taxũtáma aixcuma yixĩxgu, rü ngẽmawa tá nüxü̃ chacua̱x nax ngugütaewa nua pexĩmarexü̃. Rü Faraóũégagu pemaxã nüxü̃ chixu i ngẽma —nhanagürü.
17 Rü yexguma ga Yúche rü poxcupataü̃gu nanawocu tamaepü̱x ga ngunexü̃.
18 Notürü yema tamaepü̱x ga ngunexü̃guwena rü nhanagürü nüxü̃: —Chama rü Tupanaxü̃ chamuü̃. ¡Ẽcü nhaãcü tá penaxü! Rü ngẽxguma tá nixĩ i taxũtáma pexü̃ chadaixü̃.
19 Rü ngẽxguma aixcuma mexü̃ i duü̃xü̃gü pexĩgügu, rü chanaxwa̱xe i wüxi i peenexẽ nua poxcupataü̃wa peta̱x. Rü nhu̱xũchi i pema i tama poxcuexe rü marü name i petanüxü̃güca̱x pewoegu namaxã i perü trígu nax ngẽma nangõ̱xgüxü̃ca̱x.
20 ¡Rü nua penaga ya yimá peenexẽ ya rübumaecü! Rü ngẽmaãcü tá nüxü̃ chacua̱x rü aixcuma yixĩ i ngẽma nüxü̃ pexuxü̃. Rü ngẽxguma taxũtáma nua penagaxgu, rü tá peyue —nhanagürü. Rü yexguma ga nümagü rü: —Ngü̃ —nhanagürügü.
21 Notürü ga wüxichigü rü nügümaxã nhanagürügü: —Aixcumaxü̃chi poraãcü chixexü̃ namaxã taxü ga taenexẽ ga Yúche. Yerü woo nüxü̃ nax idauxü̃ nax ngúxü̃ yangexü̃, notürü tama naga taxĩnüe ga yexguma tüxü̃ naca̱a̱xü̃gu nax tüxü̃́ nangechaü̃tümüü̃xü̃ca̱x. Rü ngẽmaca̱x nixĩ i nhu̱xmax taxca̱x ínanguxü̃ i nhaa guxchaxü̃ —nhanagürügü nügümaxã.
22 Rü nüma ga Rubéü̃ rü naeneegüxü̃ nhanagürü: —Chama rü marü pemaxã nüxü̃ chixu nax tama chixexü̃ namaxã pexügüxü̃ca̱x ga guma bucü, notürü tama chauga pexĩnüechaü̃. Rü ngẽma nixĩ i tórü natanü ga nax nayuxü̃ —nhanagürü.
23 Notürü ga nümagü rü tama nüxü̃ nacua̱xgü nax Yúche rü bexma nüxü̃ naxĩnüxü̃, yerü ga Yúche rü Eyítuanecüã̱xgawa namaxã nidexa rü to ga duü̃xü̃ rü Ebréugawa naeneegümaxã nüxü̃ nixuchigü ga yema Yúche namaxã nüxü̃ ixuxü̃.
24 Rü yexguma ga Yúche rü nüxna nixũgachi rü yéma nayaxaxu. Rü yexguma wenaxarü naeneegütanüwa naxũxgu, rü namaxã nidexa. Rü Chimiáũxü̃ nigagachi rü naeneegüpe̱xewa purichíaxü̃ namu nax yana̱i̱xgüaxü̃ca̱x.
25 Rü yemawena norü duü̃xü̃güxü̃ namu nax trígumaxã yaxüãcugüaxü̃ca̱x ga naeneegüarü chacugü. Rü yema diẽru ga naeneegü nüxna ngĩxü̃ ãgücü, rü nanamu nax yexmatama norü chacugügu ngĩxü̃ yaxǘchigüxü̃ca̱x. Rü nhu̱xũchi norü duü̃xü̃gümaxã nüxü̃ nixu nax naeneegüarü namawaxü̃ ga õna nüxna ta naxãgüxü̃. Rü yemaacü nanaxügü ga norü duü̃xü̃gü.
26 Rü yexguma ga nümagü ga naeneegü rü norü búruétügu nananugü ga norü trígupüü̃gü, rü ínixĩ.
27 Rü yexguma nawa nangugügu ga yema nachica ga nagu napegüchaü̃xü̃, rü wüxi ga natanüwa rü nayawẽã́xü̃ ga norü chacu nax norü búruxü̃ nachibüxẽẽxü̃ca̱x. Rü yema chacua̱xgu ngĩxü̃ nayangau ga norü diẽru.
28 Rü naeneegümaxã nüxü̃ nixu, rü nhanagürü: —Dücax, choxü̃́ ngĩxü̃ natáeguxẽẽgü i chorü diẽru. Rü nua chorü chacuwa ingexma —nhanagürü. Rü yexguma ga yema togü rü guxü̃ma poraãcü naba̱i̱xãchiãxẽgü. Rü muü̃maxã nidu̱xru̱xe, rü nügümaxã nhanagürügü: —¿Ta̱xacü nixĩ i tamaxã naxüxü̃ ya Tupana? —nhanagürügü.
29 Rü yexguma Canaã́wa nangugügu, rü nanatü ga Yacúmaxã nüxü̃ nixugüe ga guxü̃ma ga yema nüxü̃ ngupetüxü̃.
30 --
31 --
32 --
33 --
34 --
35 --
36 Rü yexguma ga Yacú ga Iraéugu ãégacü rü nanegüxü̃ nangãxü̃, rü nhanagürü: —Pema rü ngẽmama choxü̃ pegu̱xnexẽxẽ. Rü Yúche rü marü nataxuma i tatanüwa. Chimiáũ rü ta marü nataxuma. Rü nhu̱xmax rü ngẽmatáma peyaga ya Bẽyamí. Rü guxü̃guma rü chama nixĩ i ngúxü̃ chingexü̃ —nhanagürü ga Yacú.
37 --
38 --
