Gênesis 43:1-34
43 Rü Canaã́anewa rü niyexeraguchigü nax taiya ngúxü̃.
2 Rü yexguma marü nüxü̃́ nagu̱xgu ga norü trígu ga Eyítuanewa ne nangegüxü̃, rü nüma ga Yacú rü nanegüxü̃ nhanagürü: —¡Wenaxarü ngẽ́ma Eyítuanewa pexĩ nax wenaxarü to i tórü tríguca̱x peyataxegüxü̃ca̱x! —nhanagürü.
3 Notürü ga guma nane ga Yudá rü nanangãxü̃, rü nhanagürü: —Pa Papáx, notürü ga guma ãẽ̱xgacü rü ngóxü̃wama toxna naxãga rü nhanagürü: “Rü ngẽxguma taxũtáma nua penagaxgu ya yimá peenexẽ ya rübumaecü, rü noxtacüma ngexrüma i nua nax pexĩxü̃”, nhanagürü toxü̃.
4 Rü ngẽmaca̱x tanaxwa̱xe i Bẽyamí towe cunamu. Rü ngẽxguma towe cunamu̱xgu, rü marü name nax ngẽ́ma tríguwa taxĩxü̃.
5 Notürü ngẽxguma taxũtáma ngẽ́ma cunamu̱xgux, rü taxũtáma ngẽ́ma taxĩ. Yerü meama tomaxã nüxü̃ nixu, rü nhanagürü: “Rü ngẽxguma taxũtáma nua penagaxgu ya yimá peenexẽ ya rübumaecü, rü noxtacüma ngexrüma i nua nax pexĩxü̃” —nhanagürü toxü̃.
6 Rü yexguma ga nüma ga Yacú ga Iraéugu ãégacü, rü nhanagürü: —¿Tü̱xcüü̃ poraãcü chixexü̃ chamaxã pexüe? ¿Rü tü̱xcüü̃ ga namaxã nüxü̃ pexuxü̃ ga yema yatü ga pexü̃́ nax nangexmaxü̃ ya nai ya peenexẽ? —nhanagürü.
7 Rü nüma ga nanegü rü nanangãxü̃gagü rü nhanagürügü: —Yerü nümatama nixĩ ga tochigaca̱x rü tatanüxü̃güchigaca̱x ínacaxü̃. Rü nhanagürü toxü̃: “¿Tamaxü̃xü̃ ta ya penatü? ¿Rü pexü̃́ nangexmaxü̃ ya nai ya peenexẽ?” nhanagürü toxü̃. Rü toma rü tanangãxü̃ ga yema toxna nax nacaxü̃. ¿Rü nhuxü̃cürüwa chi i nüxü̃ tacuáxü̃ nax nüma rü: “Nua penaga ya peenexẽ”, nhaxü̃maxã toxü̃ nangãxü̃xü̃? —nhanagürügü.
8 Rü yexguma ga Yudá rü nanatü ga Iraéuxü̃ nhanagürü: —Rü ngẽxguma tama taiyamaxã iyuechaxü̃gu, rü ẽcü ¡towe namu ya yimá toenexẽ! Rü chama tátama nüxna chadau, rü nhu̱xmax tátama itaxĩãchi. Rü ngẽmaãcü taxũtáma taiyamaxã tayue i yixema rü toxocügü.
9 Rü chama tátama nixĩ i nüxna chadauxü̃ ya Bẽyamí. Rü ngẽxguma ta̱xacü nüxü̃ ngupetü̱xgux, rü chama tátama nixĩ i chanangenagüxü̃ i ngẽma guxchaxü̃. Rü ngẽxguma taxũtáma cuxca̱x chanatáeguxẽẽ̱xgux, rü guxü̃gutáma cupe̱xewa chachixexü̃gu.
10 Rü ngẽxguma chi taxũ nua toxü̃ cunũxcüxẽẽgu, rü marü chi taxree̱xpü̱xcüna ngẽ́ma taxĩ rü tawoegu —nhanagürü ga Yudá.
11 Rü yexguma ga nüma ga nanatü, rü nanangãxü̃ rü nhanagürü: —Ngẽxguma nataxu̱xgu nax ta̱xacümaxã penangüxmüxẽẽxü̃ ya yimá ãẽ̱xgacü ega Bẽyamí tama pewe rüxũxgu, rü nhaãcü tá penaxü: ¡Rü perü chacugügu norü ãmare ngẽ́ma tá pinge! ¡Rü ngẽ́ma penana i ngẽma ngẽmaxü̃gü i mexü̃gü i tórü naanewa ixüxü̃, ngẽxgumarüxü̃ i chaxüneruxü̃, rü pumára, rü míra, rü ira, rü carabáyu rü améü̃duaarü o!
12 ¡Rü ngẽma diẽru ga noxri yéma ngĩxü̃ pengecü rü wenaxarü ngẽ́ma ngĩxü̃ pinge nax nüxna ngĩxü̃ pexãxü̃ca̱x! Yerü ngürüãchi ínatüe rü yemaca̱x perü chacugügu ngĩxü̃ nanucucüraxü̃. ¡Rü naétü nai i ngẽxgumaepü̱x i diẽru ngẽ́ma ngĩxü̃ pinge nax to i tríguca̱x petaxegüxü̃ca̱x!
13 ¡Rü ẽcü ipexĩãchi rü ípeyaga ya peenexẽ rü wenaxarü ípeyada̱u̱x i naxü̃tawa i ngẽma ãẽ̱xgacü!
14 Rü chanaxwa̱xe ya Tupana ya guxü̃ma nüxü̃́ tauxchacü nüxna naxĩnü ya yimá ãẽ̱xgacü nax nüxü̃́ pengechaü̃tümüxü̃güxü̃ca̱x, rü ínanguxuchixẽẽãxü̃ca̱x ya yimá peenexẽ ya Chimiáũ, rü taxuxü̃ma nüxü̃ ngupetüxü̃ca̱x ya Bẽyamí. Rü ngẽxguma Tupana naxwa̱xegu nax changenexü̃, rü marü name nax ngẽmaãcü yixĩxü̃ —nhanagürü ga Yacú.
15 Rü yexguma ga nanegü rü nanade ga yema ãmaregü rü guxü̃ma ga yema diẽru ga íyangegüchaü̃xü̃. Rü inayagagü ga Bẽyamí rü yemaacü Eyítuanewa naxĩ.
16 --
17 --
18 --
19 Rü yexguma guma ĩ ga Yúche nawa puracünewa nangugügu, rü yema yatü ga napatamaxã icuáxü̃maxã nidexagü, rü nhanagürügü nüxü̃:
20 —Rü yexguma noxri nua taxĩxgu, Pa Corix, rü aixcuma tríguwa nua taxĩ.
21 Notürü yexguma tawoegugu rü yema ítayapegüxü̃wa tangugügu, rü ítayawẽgü ga torü chacugü rü wüxichigü ga torü chacugu ngĩxü̃ itayangaugü ga yema diẽru. Rü guxcüma iyexma. Rü nhu̱xmax rü nua ngĩxü̃ tange nax ngĩxü̃ tatáeguxẽẽxü̃ca̱x.
22 Rü nhu̱xmax rü yexeracü i diẽru nua ngĩxü̃ tange nax to i tríguca̱x tataxegüxü̃ca̱x. Notürü tama nüxü̃ tacua̱x ga texé torü chacugügu nax ngĩxü̃ nucuxü̃ ga yema diẽru ga noxri nua ngĩxü̃ tangecü —nhanagürügü.
23 Rü yema Yúchepataarü daruxü̃ rü nanangãxü̃ rü nhanagürü: —¡Perüchianegü, rü tauxü̃́ i pemuü̃exü̃! Rü yimá perü Tupana ya penatüarü Tupana ixĩcü nixĩ ga perü chacugügu ngĩxü̃ nucü. Yerü chamatama ngĩxü̃ chayaxu ga yema diẽru ga ngĩxü̃ pexãgücü ga yexguma nua pexĩxgu —nhanagürü. Rü yexguma ga guma yatü rü Chimiáũxü̃ ínamuxũchi rü yema naeneegü íyexmagüxü̃wa nanaga.
24 Rü nhu̱xũchi Yúchepatawa nanagagü ga guxü̃ma ga yema naeneegü. Rü dexá nüxna tanaxã nax yayauxgücutüxü̃ca̱x. Rü norü búrugü rü ta nayaxüwemügü.
25 Rü yexguma ga yema naeneegü rü nanamexẽxẽ ga ãmaregü, rü Yúchexü̃ ínanangu̱xẽẽgü ga norü puracüwa nax ne naxũxü̃. Yerü nüxü̃ nacua̱xgü nax tocuchigu tá namaxã nachibüxü̃.
26 Rü yexguma napatawa nanguxgu ga Yúche, rü nüma ga naeneegü rü nape̱xegu nhaxtüanegu nanangücuchitanü. Rü nhu̱xũchi nüxna nanana ga yema ãmaregü ga yéma nüxü̃́ nangegüxü̃.
27 Rü nüma ga Yúche rü nüxna naca, rü nhanagürü: —¿Nhuxãcü pexü̃ naxüpetüxü̃? ¿Rü nhuxãcü tüxü̃ naxüpetüxü̃ ya penatü ya yáxe ga chamaxã tüxü̃ pexuchigaxe? ¿Nhu̱xma rü ta tamaxü̃xü̃? —nhanagürü.
28 Rü naeneegü rü wenaxarü nape̱xegu nanangücuchitanü, rü nhanagürügü: —Pa Torü Ãẽ̱xgacüx, tüma ya tonatü rü taxuxü̃ma tüxü̃ naxüpetü. Rü tamaxü̃ ta nixĩ —nhanagürügü.
29 Rü yexguma ga Yúche rü nügücüwaguama nadawenü, rü nüxü̃ nadau ga Bẽyamí ga naeneexü̃chi ixĩcü ga naéwaü̃cü. Rü nhanagürü: —¿Rü yimá yixĩxü̃ ya peenexẽ ya rübumaecü ga chamaxã nüxü̃ pexucü? ¡Rü Tupana cuxü̃ rüngü̃xẽxẽ, Pa Chaunex! —nhanagürü.
30 --
31 --
32 --
33 Rü yexguma ga Yúche rü naeneegüxü̃ ínarütogüxẽxẽ. Rü guma rüyamaecüwa inanaxügü nax ínatogüxẽẽãxü̃ rü nhu̱xmata guma rübumaecüwa nangu. Rü guxü̃ma ga naeneegü rü poraãcü naba̱i̱xãchiãxẽgü rü nügü narüdaunütanüãchi.
34 --
