Gênesis 44:1-34
44 Rü yemawena ga Yúche rü bexma yema yatü ga napatamaxã icuáxü̃xü̃ namu, rü nhanagürü: —¡Trígumaxã mea nüxü̃́ yaxüãcugü i norü chacugü i ngẽma duü̃xü̃gü! ¡Rü ngẽxmatama wüxichigüarü chacugüa̱xgu ngĩxü̃ nanu i norü diẽru!
2 Rü ngẽxgumarüxü̃ ta i chorü axepáxü̃ i diẽrumünaxca̱x, rü ngẽma rübumaexü̃ i naeneearü chacua̱xgu tá cuyaxǘcuchi ngĩmaxã i ngẽma diẽru i trígutanü ngĩxü̃ inaxãgücü —nhanagürü.
3 Rü moxü̃ãcü ga yexguma noxri iyanagóxgu ga üa̱xcü, rü Yúche inanamuãchitanü ga naeneegü namaxã ga norü búrugü.
4 44:4-5 Rü yexguma taũta yáxü̃wa nangugügu, rü Yúche rü norü duü̃xü̃xü̃ namu, rü nhanagürü nüxü̃: —¡Nawe nangẽ i ngẽma duü̃xü̃gü! Rü ngẽxguma nüxü̃ icuyanga̱xgu, rü nhacugürü tá nüxü̃: “¿Rü tü̱xcüü̃ i chixexü̃maxã penatáeguxẽxẽ i ngẽma mexü̃ i chorü cori pexca̱x üxü̃? ¿Rü tü̱xcüü̃ naxca̱x pengĩ́xü̃ i ngẽma chorü coriarü axepáxü̃ i diẽrumünaxca̱x i nawa naxaxexü̃ rü nawa nüxü̃ nacuáxü̃ ega ta̱xacü i ẽxü̃guxü̃ ngupetü̱xgux? Rü ngẽmaãcü poraãcü chixexü̃ pexüe”, nhacugürü tá nüxü̃ —nhanagürü ga Yúche.
5 Nüü̃ nadau 44:4
6 Rü yexguma Yúchearü duü̃xü̃ naeneegüxü̃ iyanga̱xgu, rü yematama ore ga Yúche namaxã nüxü̃ ixuxü̃ãcütama nüxü̃ nixu.
7 Rü nümagü rü nanangãxü̃gü, rü nhanagürügü: —¿Tü̱xcüü̃ ngẽma nhacurügü toxü̃? Rü toma rü taguma ngẽma taxü.
8 Rü yexguma noxri nua taxĩxgu, rü yema diẽru ga torü chacugügu ngĩxü̃ itayangaugücü, rü marü pexü̃́ ngĩxü̃ tawoeguxẽxẽ. ¿Rü nhuxü̃cürüwa nagu perüxĩnüexü̃ nax perü coripatawa naxca̱x tangĩ́xü̃ i norü diẽrumü rüe̱xna norü úiru?
9 ¡Rü ẽcü tayu̱x ya yíxema tümaarü chacuwa nüxü̃ icuyanga̱u̱xe i ngẽma axepáxü̃! Rü woo i toma rü ta perü puracütanüxü̃ tá tixĩgü —nhanagürügü.
10 Rü yexguma ga yema Yúchearü duü̃xü̃ rü nhanagürü: —Ngẽma pema nüxü̃ pexuxü̃ãcüma tá pemaxã chanaxü. Notürü ya yíxema tümaxü̃tawa nüxü̃ ichayanga̱u̱xe i ngẽma axepáxü̃, rü yixexica tátama tixĩ ya chorü duü̃xü̃xü̃ ixĩ́xe. Rü yíxema taxuxü̃ma i chixexü̃ ügǘxe rü tá tüxü̃ chinge̱xgü —nhanagürü.
11 Rü yexguma ga wüxichigü rü paxa ínananuü̃ ga norü trígupüxü̃, rü nayawẽgü.
12 Rü yexguma ga yema Yúchearü duü̃xü̃ rü wüxichigüarü chacugu nidaugüchigü. Rü yema rüyamaexü̃arü chacuwa inanaxügü nhu̱xmata rübumaexü̃arü chacuwa nangu. Rü Bẽyamíarü chacugu nixĩ ga nüxü̃ iyanga̱u̱xü̃ ga yema axepáxü̃.
13 Rü yexguma ga guxü̃ma ga yema nügüeneegü rü norü ngechaü̃maxã nügü narügáutechirugü. Rü nhu̱xũchi wüxichigü norü búruétügu nananugü ga norü trígupüü̃gü, rü gumatama ĩane ga Yúche nawa yexmaneca̱x nawoegu.
14 Rü yexguma Yúchepatawa nangugügu ga Yudá namaxã ga naeneegü, rü nüma ga Yúche rü napatawatama nayexma. Rü ga naeneegü rü nape̱xegu nhaxtüanegu nanangücuchitanü.
15 Rü yexguma ga Yúche rü nüxna naca, rü nhanagürü: —¿Ta̱xacü nixĩ i pexüxü̃ i pemax? ¿Tama ẽ̱xna nüxü̃ pecua̱x nax tüxü̃ chacua̱xamaxü̃ ega ta̱xacü ixü̱xgux? —nhanagürü.
16 Rü yexguma ga Yudá rü nanangãxü̃, rü nhanagürü: —¿Ta̱xacüxü̃ chi cumaxã tixugüxü̃? ¿Rü nhuxãcü chi cuxca̱x tanango̱xẽẽxü̃ nax toxü̃́ cuyaxõxü̃ca̱x nax tama toma yixĩxü̃ nax cuxü̃́ tangĩ́xü̃? Bexmana Tupana rü torü chixexü̃gagu toxü̃ napoxcue. Rü daxegü tixĩgü, rü guxãma i toma rü curü duü̃xü̃güxü̃ toxü̃ ixĩgüxẽxẽ wüxigu namaxã ya yimá axepáxü̃xü̃ naxü̃tawa nüxü̃ ipeyanga̱u̱xcü —nhanagürü.
17 Notürü ga Yúche rü nanangãxü̃ rü nhanagürü: —Taxuca̱xma guxãma nua tarücho. Rü yimá axepáxü̃xü̃ naxü̃tawa nüxü̃ iyangaucüxicatama tá nixĩ ya chorü puracüruxü̃ ixĩcü. Rü pema rü marü name i penatüca̱x pewoegu. Rü taxúetáma pexü̃ tachixewe —nhanagürü.
Yudá rü Bẽyamíétüwa nachogü
18 Rü yexguma ga Yudá rü Yúcheca̱x nixũ, rü nhanagürü nüxü̃: —Pa Chorü Corix, rü cuxü̃ chaca̱a̱xü̃ ¡rü choxü̃́ irüxĩnü! ¡Rü tauxü̃́ i chamaxã cunuxü̃, erü nüxü̃ chacua̱x nax cuma rü marü Faraóũrüü̃tama quixĩxü̃!
19 --
20 --
21 --
22 --
23 --
24 Rü yexguma noxri nua tayawoeguxgu, rü tonatümaxã nüxü̃ tixu ga guxü̃ma ga yema tomaxã nüxü̃ quixuxü̃.
25 Notürü yexguma marü nagu̱xgu ga torü trígu rü tonatü rü wenaxarü nua toxü̃ tamugü nax nua tríguca̱x tayataxegüxü̃ca̱x.
26 Notürü ga toma rü tümamaxã nüxü̃ tixu ga yema cuga, rü nhatagürügü: “Taxuacüma ngẽ́ma taxĩ ega tama towe naxũxgu ya yimá toenexẽ ya rübumaecü ya Bẽyamí. Erü ngẽxguma tama towe naxũxgu, rü taxucürüwatáma ãẽ̱xgacüxü̃tawa tangugü”, nhatagürügü tüxü̃.
27 Rü tüma ga tonatü rü nhatagürü toxü̃: “Pema rü meama nüxü̃ pecua̱xgü ga yema cha̱xma̱x ga Raquéu rü taxrexicatama nixĩ ga ngĩne.
28 Rü wüxi rü marü choxna inayarütaxu, rü yexgumacürüwa marü taguma nüxü̃ chadau. Rü nüxü̃ chacua̱x rü aixcuma yixĩxü̃ ga ai nax nangṍxü̃.
29 Rü nhu̱xmax ega choxna peyagaxgu ya yimá chaune ya Bẽyamí, rü ngürüãchi ta̱xacürü chixexü̃ nüxü̃ üpetü̱xgu, rü pegagu tá nixĩ nax ngechaü̃maxã nayuxü̃ i nhaa yaxguã̱x”, nhatagürü ga tonatü.
30 44:30-31 Rü ngẽmaca̱x cumaxã nüxü̃ chixu ya torü papá rü poraãcüxüchima nüxü̃ tangechaü̃ ya yimá tümane ya bucü. Rü ngẽmaca̱x i nhu̱xmax ega tama tomaxã natáegu̱xgu, rü tüma ya tonatü rü tá tayu ega tama tomaxã ínanguxgu. Rü ngẽmaãcü togagu tá nixĩ i ngechaü̃maxã nayuxü̃ ya yimá yacü ya tonatü.
31 Nüü̃ nadau 44:30
32 Rü chama rü tümamaxã nüxü̃ chixu ga chorü papá rü chama tátama nüxna chadau ya yimá toenexẽ ya rübumaecü. Rü nhachagürü ta tüxü̃: “Rü ngẽxguma tama cuxca̱x chanatáeguxẽẽgux, rü chama tá nixĩ i guxü̃gutáma chayangexü̃ i ngẽma guxchaxü̃”, nhachagürü tüxü̃.
33 Rü ngẽmaca̱x cuxü̃ chaca̱a̱xü̃, Pa Ãẽ̱xgacüx, nax chama waxi nuxã cuxü̃tagu charüxã́ũxü̃ nachicüxü ya yimá chauenexẽ ya rübumaecü. ¡Rü ẽcü íyamu i nüma nax naeneegümaxã natáeguxü̃ca̱x! —nhanagürü ga Yudá.
34 --