Isaías 55:1-13
55 “¡Rü guxãma ya texé ya ita̱xawaexe rü nua taxĩ rü tayaxaxegü! ¡Rü yíxema ngearü diẽruã̱xgüxe rü nua taxĩ rü trígu rü wíũ rü léchica̱x tadaugü rü ngetanüãcü tanangõ̱xgü rü taxaxegü!
2 ¿Rü ta̱xacüca̱x i diẽrumaxã penaxütanü i ngẽma tama õna ixĩxü̃? ¿Rü ta̱xacüca̱x penaxütanü i ngẽma tama nawa itaãxẽxü̃? ¡Rü mea choxü̃́ iperüxĩnüe rü tá mexü̃ i õna pengõ̱xgü rü õna i chíxü̃maxã tá pengãxpütüwe!
3 --
4 --
5 --
6 ¡Rü naga pexĩnüe ya Cori ya Tupana rü nhama rü ta pexna naxu! ¡Rü nüxna peca rü nhama rü ta pexna nangaixcama!
7 Rü ngẽma duü̃xü̃ i chixecümaxü̃, rü name nixĩ i nüxü̃ narüxo i ngẽma nacüma i chixexü̃. Rü ngẽma duü̃xü̃ i chixexü̃gu rüxĩnüxü̃, rü name nixĩ i nüxü̃ narüxo i ngẽma chixexü̃ i nagu naxĩnüxü̃. ¡Rü Cori ya Tupanaca̱x pewoegu! Rü tá nüxü̃́ pengechaü̃tümüxü̃gü. ¡Rü naxca̱x pewoegu ya tórü Tupana! Erü nüma rü ínamemare nax pexü̃́ nüxü̃ nangümaxü̃ i perü chixexü̃gü.
8 Erü nüma ya Tupana rü nhanagürü: ‘Ngẽma chama nagu charüxĩnüxü̃ rü tama perü ĩnümaxã nawüxigu. Rü ngẽma chama chaxüxü̃ rü tama pema pexüxü̃maxã nawüxigu.
9 Rü ngẽxgumarüxü̃ i dauxü̃guxü̃ i naane rü nhama i naaneétüwa nax nangexmaxü̃, rü ngẽxgumarüxü̃ ta nixĩ i ngẽma chorü ĩnü rü perü ĩnüétüwa nangexma rü ngẽma chaxüxü̃ rü ngẽma pexüxü̃étüwa nangexma.
10 Rü yimá pucü rü ngẽma gáuxü̃ rü dauxü̃wa narüyi rü tama wena dauxü̃wa naxĩ, notürü nayawaixẽxẽ i waixümü nax naxügüxü̃ca̱x i nanetügü rü ngẽmaãcü nangexmaxü̃ca̱x i naxchire nax inatoxü̃ca̱x rü norü o nax nangṍxü̃ca̱x.
11 Rü ngẽxgumarüxü̃ ta nixĩ i ngẽma chorü ore i chauã̱xwa íxũxũxü̃. Rü taxũtáma ngẽmaãcümare cha̱u̱xca̱x natáegu. Rü ngẽma chorü oregagu rü tá ningu rü naxü i ngẽma chama chanaxwa̱xexü̃ rü ngẽma nüxü̃ chixuxü̃’, nhanagürü ya Tupana.”
12 --
13 --
