Jó 11:1-20
11 Rü yexguma ga Chofá ga Naamáanecüã̱x rü Yóxü̃ nangãxü̃ rü nhanagürü:
2 —Guxü̃ma i ngẽma dexagüane i nüxü̃ quixuxü̃ca̱x rü tá chanangãxü̃. Rü tama ngẽma nax namaarü dexaã́xü̃ca̱x nixĩ i aixcuma yixĩxü̃ i wüxi i duü̃xü̃arü ore.
3 ¿Rü cuma nagu curüxĩnügu i ngẽma curü dexamaxã chi toxü̃ curüngea̱xgüxẽxẽ rü taxúechima cuxü̃ tangãxü̃gaxü̃ naxca̱x i ngẽma curü ore i namaxã toxü̃ cucugücüraxü̃xü̃?
4 Rü cuma nüxü̃ quixuxgu rü nawe̱xgu i ngẽma curü ĩnü, rü cugü ícurümearü maxü̃ã̱x i Tupanape̱xewa.
5 Chierüna Tupana idexagu nax cumaxã nüxü̃ yaxuxü̃ca̱x i ngẽma nüma cumaxã nagu naxĩnüxü̃.
6 Rü nüma ya Tupana rü chi cuxca̱x nanango̱xẽxẽ nax ta̱xacüwa yixĩxü̃ ga chixexü̃ cuxüxü̃, erü nüma rü aixcuma nüxü̃ nacua̱x i guxü̃ma i cuxüxü̃. Rü ngẽmaãcü i cuma rü tá nüxü̃ cucua̱x rü íxramarexü̃ i poxcu cuxna naxã rü tama i ngẽma cuxüxü̃maxã wüxiguxü̃.
7 ¿Rü nüxü̃ cucuáxü̃ yixĩxü̃ i ngẽma Tupanaarü ĩnü i ẽxü̃guxü̃? ¿Rü cuxü̃́ natauxchaxü̃ nax nüxü̃ cucuáxü̃ i ngẽma nagu naxĩnüxü̃ ya yimá guxãétüwa ngẽxmacü?
8 --
9 --
10 --
11 Rü nüma ya Tupana rü aixcuma nüxü̃ nacua̱x nax texé tixĩxü̃ ya yíxema idorata̱xáxe. Rü nüma rü nüxü̃ nadau i ngẽma chixexü̃. ¿Ẽ̱xna cuma nagu curüxĩnügu rü tama nixĩ i nüxü̃ nacuáxü̃ i ngẽma cuxüxü̃?
12 Rü wüxi i duü̃xü̃ i Tupanaarü cua̱xwa nügü nguxẽẽchaü̃xü̃ rü nhama wüxi i búruxacü i nügü duü̃xü̃wa nguxẽẽchaü̃xü̃rüxü̃ nixĩ.
13 ¡Rü íyachaxãchi nax chixexü̃ cuxüxü̃ rü mexü̃ naxü! ¡Rü Tupanana naca nax cuxü̃ nangü̃xẽẽxü̃ca̱x!
14 Rü ngẽxguma chixexü̃ cuxü̱xgu ¡rü nüxna ixũgachi! Erü tama name i curü maxü̃wa cunaxüchica i ngẽma chixexü̃.
15 Rü ngẽxgumarica tá nixĩ i cungearü chixexü̃ãcüma cudaunagüxü̃ rü taãxẽãcüma Tupanamaxã quidexaxü̃ rü taxũtáma cumuü̃xü̃ —nhanagürü ga Chofá.
16 --
17 --
18 --
19 --
20 --
