Jó 40:1-24
40 Rü nüma ga Cori ya Tupana rü nidexachigü rü nhanagürü:
2 —Nhu̱xma i cuma i chamaxã curüxutagachaü̃xü̃ i chama nax guxãétüwa changexmaxü̃ ¿rü ẽ̱xna quidexachigüamaxü̃ tá nax choxü̃ cungãxü̃xü̃? —nhanagürü ga Tupana.
3 Rü yexguma ga nüma ga Yó rü Tupanaxü̃ nangãxü̃ rü nhanagürü:
4 —Chama rü taxumaama cuxü̃ changãxü̃, Pa Tupanax, erü chama rü taxuwama chame i cupe̱xewa. Rü narümemae nixĩ i noxtacüma ichayarüngea̱x.
5 Rü marü poraãcü chidexa rü ngẽmaca̱x taxuxü̃ma i ta̱xacürü toxü̃ chixu —nhanagürü ga Yó.
Tupana rü wena Yómaxã nidexa
6 Rü Cori ya Tupana rü wenaxarü buanecü ya íxã̱ũ̱xẽmacüwa Yómaxã nidexa rü nhanagürü nüxü̃:
7 —¡Ẽcü choxü̃ nawe̱x nax tama choxü̃ cumuü̃xü̃! ¡Rü nangãxü̃ i nhaa cuxna naxca̱x chaca̱xü̃!
8 ¿Ẽ̱xna chamaxã nagu curüxĩnü nax chama rü wüxi i dorata̱xáxü̃ chixĩxü̃ rü chaugagu yixĩxü̃ nax chixexü̃ cuxca̱x ínguxü̃ nax ngẽmaãcü i cuma rü cugü quixuxü̃ca̱x nax taxuxü̃ma i chixexü̃ cuxüxü̃?
9 ¿Ẽ̱xna cugü cucua̱xgu rü chauxrüxü̃ cuporaxüchi? ¿Rü ngẽma cuga rü chaugarüxü̃ duruanexü̃rüxü̃ nixĩ?
10 --
11 --
12 --
13 --
14 --
15 ¡Dücax, nangugü i ngẽma naexü̃ i taxüchixü̃ i ipoputámu i chama chango̱xẽẽxü̃ ngẽma cuxü̃ chango̱xẽẽxü̃rüxü̃! Rü nüma rü maxẽ nanangõ̱x nhama wocagürüxü̃.
16 ¡Rü dücax i ngẽma naxca̱xwe̱x rü nhuxãcü naporaxüchi rü ngẽma namachi rü natai!
17 Rü yima narexü̃ rü nhama wüxi ya ocayiwarüxü̃ mea niwe̱x. Rü yima naparaarü tarumagü rü nipora.
18 Rü yima naxchina̱xãgü rü nhama brṍchemena̱xãgürüxü̃ rü férumena̱xãgürüxü̃ nixĩgü.
19 Rü guxü̃ma i ngẽma naexü̃gü i chaxüxü̃tanüwa rü ngẽma ipoputámu nixĩ i yexeraãcü duü̃xü̃gü nüxü̃ muü̃exü̃. Rü chama i norü üruü̃xicatama nixĩ i nüxü̃ charüporamaexü̃ —nhanagürü ga Tupana.
20 --
21 --
22 --
23 --
24 --
