Josué 1:1-18
1 Rü guma Tupanaarü duü̃ ga Moiché yu̱xguwena, rü nüma ga Cori ya Tupana rü Moichéarü ngü̃xẽẽruxü̃ ga Yuchué ga Núu nanemaxã nidexa, rü nhanagürü nüxü̃:
2 —Rü nhu̱xmax nax marü nayuxü̃ ya yimá chorü duü̃ ya Moiché, rü cuma tá nixĩ i guxü̃ma i ngẽma Iraéutanüxü̃gümaxã quixüexü̃ nawa i ngẽma natü i Yurdáũ, nax nagu pichocuxü̃ca̱x i ngẽma naane i pexna chaxãxü̃.
3 Rü yema marü Moichémaxã nüxü̃ chixuxü̃rüxü̃, rü chama rü tá pexna chanaxã i guxü̃ma i ngẽma naane i marü nawa pengagüxü̃.
4 Rü ngẽma naane i tá pexna chaxãxü̃, rü ngẽma chianexü̃ i súwaama ngẽxmaxü̃wa inaxügü rü nhu̱xmata Líbanuarü ma̱xpǘnewa nangu i nórchiwaama. Rü ngẽma naane rü taxtü i Eufrátewa inaxügü i léstewaama rü Etéutanüxü̃güchixü̃anemaxã tá nangau nhu̱xmata Már i Mediterániuwa nangu i oéstewaama.
5 Rü guxü̃ma i ngunexü̃gü i nagu cumaxü̃xü̃gu rü taxuxü̃táma cuxü̃ narüporamae. Rü chama rü tá cuxü̃tawa changexma, yema Moichéxü̃tawa chayexmaxü̃rüxü̃. Rü tagutáma ngextá cuxü̃ chata̱x, rü tagutáma cuxü̃ chaxo.
6 ¡Rü cugü írüpora rü tauxü̃́ i cugü cutáeguxü̃! Erü cuma tá nixĩ i nüxna cuyaxãchigüxü̃ i norü naane i nhaa duü̃xü̃gü, yerü yema nixĩ ga perü o̱xigümaxã nüxü̃ chixuxü̃.
7 Rü wüxixicatama nixĩ i cumaxã nüxü̃ chixuxü̃, rü ngẽma nixĩ nax tama cumuü̃xü̃ rü wüxiguxicatama curüxĩnüxü̃ rü aixcuma cunaxüxü̃ i ngẽma cumaxã nüxü̃ chixuxü̃. Rü chanaxwa̱xe i cuyanguxẽxẽ i guxü̃ma i ngẽma mugü ga chorü duü̃ ga Moiché cuxna ãxü̃. ¡Rü ẽcü mea yanguxẽxẽ nax mea cuxü̃́ ínanguxuchixü̃ca̱x i guxü̃ i ta̱xacü icuxüxü̃wa!
8 ¡Rü guxü̃gutáma duü̃xü̃güna namaxã nacua̱xãchi i ngẽma nüxü̃ chixuxü̃ i chorü mugüpanewa! Rü name nixĩ i cuma rü chütacü rü ngunecü rü nagu curüxĩnü i ngẽma chorü ore nax ngẽmaãcü mea cunaxüxü̃ca̱x i ngẽma cumaxã nüxü̃ chixuxü̃, rü mea cuxü̃́ ínanguxuchixü̃ca̱x i guxü̃ma i ta̱xacü i cuxüxü̃.
9 Rü chama nixĩ i cuxü̃ chamuxü̃ nax cugü cuporaxẽẽxü̃ca̱x rü wüxigutama curüxĩnüxü̃ca̱x. Rü tama name icumuü̃xü̃ rü icuyarümaãchi, erü chama ya curü Cori ya Tupana rü tá chacuxü̃tagu i ngextá cuma ícuxũxü̃wa —nhanagürü ga Tupana. Rü nüma ga Yuchué rü nügü namexẽxẽ nax nayauxãxü̃ca̱x ga yema naane.
10 Rü yexguma ga nüma ga Yuchué rü nanamu ga yema Iraéutanüxü̃güarü ãẽ̱xgacügü, rü nhanagürü nüxü̃:
11 —¡Guxü̃ma i nhaa duü̃xü̃gütanügu pexĩãgütanü, rü namaxã nüxü̃ pexu rü nanutaque̱xegüã i õna! Erü tá tamaepü̱x i ngunexü̃wa nanguxgu rü tá tichoü̃ i natü i Yurdáũwa nax tóxrüxü̃ yixĩxü̃ca̱x i ngẽma naane i tórü Cori ya Tupana tá tüxna ãxü̃ —nhanagürü ga Yuchué.
12 --
13 --
14 --
15 --
16 --
17 --
18 --
