Josué 10:1-43
10 10:1,2 Rü Adonichedé ga Yerucharéü̃arü ãẽ̱xgacü nüxü̃ naxĩnü ga nhuxãcü Yuchué rü Áixü̃ narüporamae, rü nayama̱x ga norü ãẽ̱xgacü rü nayanaxoxẽxẽ ga norü ĩane. Rü yexgumarüxü̃ ta nüxü̃ naxĩnü ga nhuxãcü Yericóxü̃ narüporamae rü nayama̱x ga norü ãẽ̱xgacü. Rü nhu̱xũchi nüxü̃ nacuáchiga nax Gabaóũcüã̱xgü rü Iraéutanüxü̃gümaxã mexü̃ ga ĩnüwa nangugüxü̃ nax tama namaxã nügü nadaixü̃ca̱x. Rü yemaca̱x ga nüma ga Yerucharéü̃arü ãẽ̱xgacü rü poraãcü namuü̃ yerü Gabaóũ rü wüxi ga ĩane ga taxü̃ne rü porane ga Áixarü yexera ixĩxü̃ne nixĩ, rü norü duü̃xü̃gü rü nipora rü tama namuü̃ewa̱xe.
2 --
3 Rü yemaca̱x ga nüma ga Adonichedé rü yéma namuga naxca̱x ga Yoábeü̃ ga ĩane ga Ebróü̃arü ãẽ̱xgacü, rü Pireáü̃ ga ĩane ga Yamúchiarü ãẽ̱xgacü, rü Yafía ga ĩane ga Láquiarü ãẽ̱xgacü, rü Debí ga ĩane ga Egrúü̃arü ãẽ̱xgacü.
4 Rü nhanagürü: —¡Nua pexĩ nax choxü̃ peyarüngü̃xẽẽgüxü̃ca̱x nax Gabaóũcüã̱xgümaxã yigü idaixü̃ca̱x! Yerü Yuchuémaxã rü guxü̃ma ga Iraéutanüxü̃güarü ãẽ̱xgacügümaxã mexü̃ ga ĩnüwa nangugüe nax tama nügü nadaixü̃ca̱x —nhanagürü.
5 Rü yemaca̱x ga yema 5 ga ãẽ̱xgacügü ga Amuréutanüxü̃gü ga Yerucharéü̃arü ãẽ̱xgacü, rü Ebróü̃arü ãẽ̱xgacü, rü Yamúchiarü ãẽ̱xgacü, rü Láquiarü ãẽ̱xgacü, rü Egrúü̃arü ãẽ̱xgacü, rü wüxigu naxĩtaque̱xe. Rü norü churaragümaxã Gabaóũarü ĩaneca̱x inaxĩãchi nax namaxã nügü nadaixü̃ca̱x.
6 Rü yemaca̱x ga yema Gabaóũcüã̱xgü rü Yigáwa ga Yuchuéxü̃tawa namugagü, rü nhanagürügü: —¡Tauxü̃́ ipexoexü̃ nax toxü̃ peyarüngü̃xẽẽxü̃ i toma i perü puracütanüxü̃ nax tixĩgüxü̃! ¡Rü paxa nua pexĩ nax toxü̃ peyarüngü̃xẽẽxü̃ rü toxü̃ ípepoxü̃xü̃ca̱x! Erü guxü̃ma i ngẽma ãẽ̱xgacügü i Amuréutanüxü̃gü i ma̱xpǘneanecüã̱xgü rü wüxigu toxca̱x naxĩtaque̱xe nax toxü̃ nadaixü̃ca̱x —nhanagürügü.
7 Rü yexguma ga Yuchué rü Yigáwa inaxũãchi namaxã ga guxü̃ma ga norü churaragü.
8 Rü nüma ga Cori ya Tupana rü nhanagürü nüxü̃: —¡Tauxü̃́ i nüxü̃ cumuü̃xü̃! Erü chama rü tá cuxme̱xgu chanayixẽxẽ i ngẽma Amuréutanüxü̃gü. Rü bai tá i wüxi i cuxü̃ rüporamaexü̃ —nhanagürü.
9 Rü Yigáwa inaxũãchi ga Yuchué namaxã ga norü churaragü, rü chütacü inixũ. Rü yemaacü Amuréutanüxü̃güxü̃ ínayaba̱i̱xgü rü nanadai.
10 Rü nüma ga Cori ya Tupana rü Iraéutanüxü̃güpe̱xewa poraãcü yema Amuréutanüxü̃güxü̃ namuü̃exẽxẽ. Rü yemaca̱x ga Yuchuéarü churaragü rü ĩane ga Gabaóũgu nanadai ga muxü̃ma. Rü nhu̱xũchi Béchi-Orúü̃arü namagu nawe ningẽxü̃tanü ga yema ibuxmüxü̃. Rü nayadaietanü ga yema Amuréutanüxü̃gü nhu̱xmata ĩanegü ga Achéca rü Machédawa nangugü.
11 Rü yexguma Iraéutanüxü̃gücha̱xwa yabuxmügu ga yema Amuréutanüxü̃gü nawa ga yema tuãchixü̃ ga Béchi-Orúü̃wa daxü̃, rü nüma ga Cori ya Tupana rü ixãpütaxü̃ ga gáuxü̃ naétügu nayixẽxẽ. Rü Iraéutanüxü̃gü daixü̃arü yexera yema gáuxü̃maxã nayue ga Amuréutanüxü̃gü.
12 Rü yexguma nüma ga Cori ya Tupana rü Iraéutanüxü̃güme̱xẽgu nayixẽẽgu ga yema Amuréutanüxü̃gü, rü nüma ga Yuchué rü duü̃xü̃güpe̱xewa Cori ya Tupanamaxã nidexa rü nhanagürü: —Pa Tupanax, chanaxwa̱xe i ícuyachaxãchixẽẽxü̃ ya üa̱xcü Gabaóũétüwa. ¡Rü ngẽxgumarüxü̃ ta ya tauemacü rü íyachaxãchixẽxẽ i Ayaróü̃arü ngatexü̃étüwa! —nhanagürü.
13 Rü gumá üa̱xcü rü gumá tauemacü rü yéma nayachaxãchigü nhu̱xmata ga Iraéutanüxü̃gü norü uanügüxü̃ nadai. Rü ngẽmaca̱x i Yacháarü poperawa rü nhanagürü: “Rü yimá üa̱xcü rü wixgutaa̱x 24 ora ninge ga nax tama yanaxücuxü̃”, nhanagürü.
14 Rü yemaacü Tupana ínayachaxãchixẽxẽ ga üa̱xcü rü tauemacü nagagu ga wüxi ga yatüarü yumüxẽ. Rü ü̃paacü rü taguma yemaacü nangupetü, rü woo nawena ga yema rü taguma yemaacü nangupetü yerü woetama Iraéutanüxü̃güétüwa naxü ga Tupana.
15 --
16 --
17 --
18 --
19 --
20 --
21 --
22 --
23 --
24 --
25 --
26 --
27 --
28 --
29 --
30 --
31 --
32 --
33 --
34 --
35 --
36 --
37 --
38 --
39 --
40 Rü Yuchué rü norü churaragümaxã nanadaiãcu ga guxü̃ma ga yema nachixü̃anegü. Rü nüxü̃ narüporamae ga yema ãẽ̱xgacügü ga máxpü̱xanewa yexmagüxü̃, rü yema ínachianexü̃wa yexmagüxü̃, rü yema ínadóxonexü̃wa yexmagüxü̃, rü yema ma̱xpǘnearü tuãchixü̃wa yexmagüxü̃. Rü yemaacü nanadai ga guxü̃ma ga yema duü̃xü̃gü. Rü bai ga wüxi ga íyaxüxü̃ yema Tupana namaxã nüxü̃ ixuxü̃rüxü̃.
41 10:41-42 Rü yemaacü wüxicana guxü̃ma ga yema ãẽ̱xgacügüxü̃ nadai rü nanapu ga guxü̃ma ga norü naanegü ga Cadé-Banéawa inaxügü rü nhu̱xmata Gáchawa nangu, rü Gochéü̃wa inaxügü rü nhu̱xmata Gabaóũwa nangu. Yerü woetama Iraéutanüxü̃güétüwa naxü ga Tupana.
42 Nüü̃ nadau 10:41
43 Rü yemawena ga Yuchué rü guxü̃ma ga norü churaragümaxã rü ínapegüxü̃ca̱x nawoegu ga Yigáwa.
