Josué 14:1-15
14 --
2 --
3 --
4 --
5 --
Carébiarü naane
6 Rü yema Iraéutanüxü̃gü ga Yudátücumüwa ügüxü̃ rü Yigáwa naxĩ nax Yuchuémaxã yanadexagüxü̃ca̱x. Rü nüma ga Carébi ga Chenécheutanüwa ücü ga Yefúne nane, rü Yuchuéxü̃ nhanagürü: —¡Nüxna nacua̱xãchi ga yema ore ga Cori ya Tupana norü duü̃ ga Moichémaxã nüxü̃ ixuxü̃ ga tachiga ga chianexü̃ ga Cadé-Banéawa!
7 Rü chama rü 40 ga taunecü choxü̃́ nayexma ga yexguma Moiché Cadé-Banéawa choxü̃ imuãchigu nax chayangugüxü̃ca̱x ga nhama Canaã́ane. Rü yexguma chatáegugu rü meama namaxã nüxü̃ chixu rü nhachagürü nüxü̃: “Rü ngẽma naane rü name rü natauxcha nax nagu ichocuxü̃”, nhachagürü nüxü̃.
8 Notürü ga yema togü ga chamücügü rü nüxü̃ nixu nax naxãũcümaxü̃, rü yemaacü duü̃xü̃güxü̃ namuü̃exẽxẽ, rü yemaca̱x ínayaxoetanüãchi ga nagu nax nachocuxü̃ ga nhaa naane. Notürü ga chama rü tama nüxü̃ icharüngüma ga Tupanaarü uneta rü nagu charüxĩnüecha.
9 Rü yexguma ga nüma ga Moiché rü meama chamaxã naxüga rü nhanagürü choxü̃: “Yema naane ga nawa cunguxü̃ rü cuxrütátama nixĩ rü cutaagüarü tá nixĩ, erü aixcuma naga cuxĩnü ya tórü Cori ya Tupana”, nhanagürü.
10 Rü nhu̱xmax rü marü 45 ga taunecü nangupetü nax Cori ya Tupana rü Moichémaxã nüxü̃ yaxuxü̃ ga yema ore ga yexguma ínachianexü̃wa iyexmagügu. Rü yema chamaxã inaxunetaxü̃ca̱x rü nhu̱xmax rü ta chamaxü̃ woo 85 ya taunecü choxü̃́ ngẽxmaxü̃.
11 Rü nhu̱xmax rü ta chapora yexguma Moiché nhaa naanearü ngugüwa choxü̃ muxü̃rüü̃tama, rü yexgumarüü̃tama choxü̃́ natauxcha i nhu̱xmax nax ichaxũãchixü̃ nax daiwa chaxũxü̃.
12 Rü ngẽmaca̱x i nhu̱xmax rü cuxna naxca̱x chaca nax choxna cunaxãxü̃ca̱x i ngẽma naane i ma̱xpǘneã́xü̃ ga nümatama ga Cori ya Tupana chamaxã namaxã ixunetaxü̃ nax choxna naxããxü̃ca̱x. Rü cumax, Pa Yuchuéx, rü meama nüxü̃ cucua̱x nax nhu̱xmax rü ta nangexmagüxü̃ i ngẽma nataagü ga guma Enáqui ga taxüchicü rü máchanexü̃chicütanüxü̃. Rü ngẽma norü ĩanegü rü nita rü meama ínapoxegugü. Notürü i chamax rü nüxü̃ chacua̱x nax Cori ya Tupana rü tá choxü̃ nangü̃xẽẽxü̃ nax ngẽ́ma ínawoxü̃ãxü̃ca̱x, yema chamaxã nüxü̃ yaxuxü̃rüü̃tama —nhanagürü ga Carébi.
13 Rü yexguma ga nüma ga Yuchué rü Tupanaégagu mexü̃ Carébimaxã naxuegu. Rü nüxna nanaxã ga Ebróü̃arü naane nax noxrü yixĩxü̃ca̱x rü nataagüarü yixĩxü̃ca̱x.
14 Rü yemaacü nixĩ ga Ebróü̃arü naane ga Carébiarü yixĩxü̃, rü nhu̱xmax rü ta rü nataagüarü yixĩxü̃. Yerü nüma ga Carébi rü aixcuma Cori ya Iraéutanüxü̃güarü Tupanaga naxĩnü.
15 --
