Josué 8:1-35
8 Rü nüma ga Cori ya Tupana rü Yuchuéxü̃ nhanagürü: —¡Taxuca̱xma cumuü̃ rü icurümaxãchi! ¡Rü inaxũãchi naxca̱x ya yima ĩane ya Áix, namaxã i guxü̃ma i curü churaragü! Erü chama rü tá pora cuxna chaxã nax yima ĩane ya Áixarü ãẽ̱xgacüxü̃ rü norü duü̃xü̃güxü̃ curüporamaexü̃ca̱x. Rü yima norü ĩane rü norü naane rü cuxrü tá nixĩ.
2 Rü guma Yericómaxã rü norü ãẽ̱xgacümaxã cuxüxü̃rüxü̃ tátama cunaxü namaxã ya yima ĩane ya Áix rü norü ãẽ̱xgacü. Notürü i nhu̱xmagu rü marü name i pegüxü̃́ penade i norü ngẽmaxü̃gü rü naxü̃nagü. Rü tá ípenaba̱i̱xgü, rü norü ĩaneca̱xwenaama tá pexĩĩchi —nhanagürü.
3 8:3-4 Rü yexguma ga Yuchué rü nügü namexẽxẽ guxü̃ma ga norü churaragümaxã nax ĩane ya Áixca̱x íyachõõchixü̃ca̱x. Rü nayadexechi ga 30,000 ga churaragü, rü chütacü yéma nanamugü. Rü nayaxucu̱xẽgü rü nhanagürü nüxü̃: —¡Mea iperüxĩnüe! ¡Rü ipexĩãchi rü norü ĩaneca̱xwe̱xguama peyarücu̱xgü! ¡Rü ípememare nax yima ĩanegu pechocuxü̃ca̱x!
4 Nüü̃ nadau 8:3
5 Rü ngẽma togü i duü̃xü̃gü rü chamaxã tá yima ĩaneca̱x ínayachõõchi. Rü ngẽxguma yima ĩanecüã̱x toxca̱x yayixgux nax toxü̃ nadaixü̃ca̱x, rü toma rü tá tibuxmü ga to ga ngunexü̃gurüxü̃.
6 Rü ngẽxguma i nümagü rü tá towe nangẽgü erü tá nagu narüxĩnüe nax noxrirüxü̃ naxcha̱xwa ibuxmüxü̃ i yixema i Iraéutanüxü̃gü.
7 Rü ngẽxguma i pema rü tá peyayi i ngẽma ípicu̱xgüxü̃wa rü yima ĩanegu tá pichocu, erü Cori ya tórü Tupana rü pexna tá nanaxã ya yima ĩane.
8 Rü ngẽxguma marü nagu pichocu̱xgu, rü tá nawa penangixichi, ngẽma Cori ya Tupana nüxü̃ ixuxü̃rüxü̃. Rü ngẽmaãcü nixĩ i pexü̃ chamuxü̃ —nhanagürü ga Yuchué.
9 Rü yexguma ga Yuchué rü inanamuãchitanü ga yema churaragü. Rü nümagü rü inaxĩãchi rü Betéu rü Áixarü ngãxü̃machate̱xegu nicu̱xgü ga Áixca̱xwenaama. Notürü nüma ga Yuchué rü yema ínapegüxü̃watama nanangupetüxẽxẽ ga chütaxü̃.
10 Rü moxü̃ãcü noxri yangunechaü̃xgu rü ínarüda ga Yuchué rü norü duü̃xü̃güxü̃ nidaugü. Rü nhu̱xũchi tümape̱xegu naxã namaxã ga Iraéutanüxü̃güarü ãẽ̱xgacügü rü ĩane ga Áixca̱x inaxĩãchi.
11 Rü guxü̃ma ga norü churaragü rü guma ĩanepe̱xewaama ne naxĩ rü nüxü̃ ningaicaetanü, rü wüxi ga ngatexü̃pechinüwa nayachaxãchitanü ga guma ĩanearü tügünecüwawaama.
12 Rü nüma ga Yuchué rü ĩane ga Betéu rü Áixarü ngãxü̃machate̱xegu nayacu̱xgü ga to ga 5,000 ga yatügü ga guma ĩanearü to̱xoxwecüwawaama.
13 Rü yemaacü ga Iraéutanüxü̃güarü churaragü rü taxregu niyauxyetücumü. Rü yema wüxitücumü rü ĩanearü to̱xoxwecüwagu nicu̱xgü, rü yema totücumü rü yema íyachaxãchitanüxü̃wa nayexmagü ga ĩanearü tügünecüwawaama. Rü yema chütaxü̃gu ga Yuchué rü nanaxũpe̱xe rü nüxíra yema ngatexü̃arü ngãxü̃wa nangu.
14 Rü yexguma Iraéutanüxü̃güxü̃ nada̱xgux ga Áixarü ãẽ̱xgacü, rü norü churaragümaxã nayayi nax nügü nadaixü̃ca̱x namaxã ga yema Iraéutanüxü̃gü ga ngatexü̃arü tocutüwa yexmagüxü̃. Notürü tama nüxü̃ nacua̱x rü yema togü ga Iraéutanüxü̃gü nax bexma norü ĩaneca̱xwe̱xgu nayacu̱xgüxü̃.
15 Rü nüma ga Yuchué rü norü churaragümaxã nibuxmüneta. Rü yema nama ga chianexü̃wa nadaxü̃gu nibuxmü naxcha̱xwa ga yema Áixarü churaragü.
16 Rü guxü̃ma ga churaragü ga guma ĩane ga Áixcüã̱xgü ixĩgüxü̃ rü Yuchuéwe nangẽgü. Rü yexguma Yuchuéwe nangẽgügu rü yema norü ĩanena niyáxü̃etanü.
17 Rü guxü̃ma ga churaragü ga Áixcüã̱x rü Betéucüã̱x rü Iraéutanüxü̃güwe nangẽgü, rü taxuxü̃ma ĩanewa nayaxü. Rü yema Iraéutanüxü̃güwe nax nangẽgüxü̃gagu rü guma ĩane rü taxúema nüxna tadau rü nangeenümare ga norü ĩã̱x.
18 Rü yexguma ga nüma ga Cori ya Tupana rü Yuchuéxü̃ nhanagürü: —¡Ẽcü, cua̱xruxü̃ nüxna naxã i ngẽma curü churaragü i ĩaneca̱xwe̱xgu icu̱xgüxü̃ nax nagu nachocuxü̃ca̱x ya yima ĩane ya Áix, erü tá cuxna chanaxã ya yima ĩane! —nhanagürü ga Tupana. Rü nüma ga Yuchué rü cua̱xruxü̃ inaxã nax nagu nachocuxü̃ca̱x ga guma ĩane.
19 Rü yexguma ga yema icu̱xgüxü̃ ga churaragü rü paxama ínaxüxü̃ rü guma ĩanegu nachocu rü nawa nanangĩxichigü.
20 Rü yexguma nügü íyadaugügu ga yema duü̃xü̃gü ga Áixcüã̱xgü rü nüxü̃ nadaugü ga nax ínatü̱xünagüétüxü̃ ga guma norü ĩane. Rü yemaca̱x taxuwama naxüéga, yerü nüma ga Iraéutanüxü̃gü ga noxri naxcha̱xwa chianexü̃wa buxmüchiréxü̃ rü nügü nawoegu nax nadaiaxü̃ca̱x.
21 Rü yexguma Yuchué nüxü̃ da̱xgux ga yema Iraéutanüxü̃gü ga icu̱xgüxü̃ rü marü guma ĩanegu nax nachocuxü̃ rü nawa nax nangixichigüãxü̃, rü nügü nawoegu rü Áixcüã̱xmaxã nügü nadai.
22 Rü nhu̱xmachi ga yema Iraéutanüxü̃güarü churaragü ga ĩanegu chocuxü̃ rü ínachoxü̃. Rü yemaacü ga yema taxretücumü ga Iraéutanüxü̃gü rü nügüwa tüxü̃ naxüxẽxẽ rü tüxü̃ ínayauxü̃. Rü guxãma tüxü̃ nadai.
23 --
24 --
25 --
26 --
27 --
28 --
29 --
Yuchué rü ma̱xpǘne ga Ebáuwa duü̃xü̃güca̱x nüxü̃ nadaumatü ga Tupanaarü mugü
30 8:30,31 Rü yexguma ga Yuchué rü ma̱xpǘne ga Ebáugu rü Cori ya Iraéutanüxü̃güarü Tupanaca̱x nanaxü ga wüxi ga ãmarearü guchicaxü̃, yema Moiché nüxü̃ ixuxü̃rüxü̃ nawa ga yema mugüarü popera ga nhaxü̃: “¡Ẽcü wüxi i ãmarearü guchicaxü̃ naxü nawa ya nuta ya tama imexẽẽpütagücü!” nhaxü̃. Rü yexguma ga yema Iraéutanüxü̃gü rü yema guchicaxü̃wa nayagu ga naxü̃nagü Tupanaarü ngüxmüxẽẽruxü̃.
31 --
32 Rü yemawena ga nüma ga Yuchué rü Iraéutanüxü̃güpe̱xewa gumá nutagü ga ãmare nawa ínagucüpǘtagu nanaxümatü ga Tupanaarü mugü ga Moiché nüxna ãxü̃.
33 Rü yexguma ga guxü̃ma ga Iraéutanüxü̃gü norü ãẽ̱xgacügümaxã rü yema togü ga tama Iraéutanüxü̃gü ixĩgüxü̃ ga natanüwa maxẽxü̃maxã, rü taxregu niyauxye. Rü wüxitücumü rü ma̱xpǘne ga Ebáuwaama naxügü rü yema totücumü rü ma̱xpǘne ga Garachíü̃waama naxügü. Rü yema taxretücumüarü ngãxü̃machate̱xegu nachigü ga yema chacherdótegü namaxã ga yema baú ga Tupanaarü mugüchixü̃. Rü yema chacherdótegü rü ínamemaregü nax duü̃xü̃gümaxã mexü̃ naxuegugüxü̃. Rü guxü̃ma ga yema naxüxü̃ rü Moiché namaxã nüxü̃ ixuxü̃ãcüma nanaxü.
34 Rü yemawena ga Yuchué rü duü̃xü̃güca̱x tagaãcü nüxü̃ nadaumatü ga Tupanaarü mugü, rü nhuxãcü Tupana rü mexü̃ namaxã naxuegu i ngẽma duü̃xü̃gü i naga ĩnüexü̃, rü chixexü̃ namaxã naxuegu i ngẽma tama naga ĩnüexü̃.
35 Rü guxü̃ma ga yema mugü ga Moiché nüxna ãxü̃ rü Yuchué nüxü̃ nadaumatü naxca̱x ga guxü̃ma ga duü̃xü̃gü ga iyatüxü̃, rü ingexü̃, rü buxü̃gü, rü yema togü ga tama Iraéutanüxü̃gü ixĩgüxü̃ ga natanüwa maxẽxü̃.
