Juízes 15:1-20
15 Rü nhuxre ga tauemacü nawena ga yema guxchaxü̃, rü Chacháũ rü wenaxarü naxma̱xca̱x natáegu ga yexguma tríguarü buxguwa nanguxgu. Rü wüxi ga bóyixacü ngĩxü̃́ tüxü̃ yéma naga. Rü yexguma yéma nanguxgu rü na̱xtüxü̃ nhanagürü: —Ngĩrü ucapugu chaxücu nax ngĩxü̃ íchayadauxü̃ca̱x i cha̱xma̱x —nhanagürü. Notürü ga guxema na̱xtü rü tama tayaxücuxẽxẽ.
2 Rü nhatarügü nüxü̃: —Chama nagu charüxĩnügu rü marü tama cungĩ̱xwa̱xe rü ngẽmaca̱x wüxi i cumücüna ngĩxü̃ chamu. Notürü ingexma i ngĩeya̱x i rübumaecü i cuxma̱xü̃ rümemaecü. ¡Rü ngĩmaxã naxãxma̱x! —nhatagürü.
3 Notürü ga nüma ga Chacháũ rü nanu. Rü na̱xtüxü̃ nangãxü̃ rü nhanagürü tüxü̃: —Nhu̱xma rü taxũtáma chaugagu nixĩ i ngẽma chixexü̃ i cutanüxü̃ i Firitéutanüxü̃gümaxã chaxüxü̃ —nhanagürü.
4 15:4-5 Rü yema nhaxguwena rü nhu̱xũchi 300 ga ngowagü ínayauxü̃ rü taxrechigü nügürexü̃wa nayana̱i̱xgü. Rü yemagürexü̃wa nayangacuchigü ga üxü ga iyauxrane. Rü nhu̱xũchi Firitéutanüxü̃güarü tríguchitaxü̃wa nayange̱xgü ga yema ngowagü. Rü yemaacü nixae ga yema trígu ga marü yexma nutaque̱xexü̃ rü yema taxũta ibuxgüxü̃. Rü nhu̱xmata norü úwanecügü rü oríwanecügü rü ta nixae.
5 Nüü̃ nadau 15:4
6 Rü nüma ga Firitéutanüxü̃gü rü naxca̱x ínicaetanü nax texé tixĩxü̃ ga guxema yexü̃ wagüxe. Rü düxwa nüxü̃ nacua̱xgü ga Chacháũ nax yixĩxü̃ ga norü numaxã yexü̃ wagüxü̃ na̱xtügagu, yerü ga naxma̱x ga Chacháũ rü wüxi ga namücüna ngĩxü̃ tamu. Rü yemaca̱x ga nüma ga Firitéutanüxü̃gü rü tüxü̃ ínagu ga guxema na̱xtü ngĩmaxã ga yema Chacháũ naxma̱x.
7 Rü yexguma ga nüma ga Chacháũ rü Firitéutanüxü̃güxü̃ nhanagürü: —Nhu̱xma nax ngexü̃ pewagüxü̃ ngĩmaxã i cha̱xma̱x rü taxũtáma pemaxã icharüngüxmü. Rü yexeraãcü tá pemaxã chanu rü pexü̃ chadai naxca̱x i ngẽma cha̱xma̱xmaxã pexüxü̃ —nhanagürü.
8 Rü yexgumatama norü numaxã nanadai, rü muxü̃ma ga yema Firitéutanüxü̃gü rü nayue. Rü yemawena ga Chacháũ rü nixũ, rü ma̱xpǘne ga Etáũarü ãxmaxü̃wa nayamaxü̃.
9 Rü nüma ga Firitéutanüxü̃gü rü nanamu ga nhuxre ga norü churaragü nax Chacháũxü̃ yanayauxgüxü̃ca̱x. Rü Yudáarü naanegu nayapegü rü yexma nügü ninu nhu̱xmata ma̱xpǘneane ga Léiwa nangugü.
10 Rü yema Yudátanüxü̃ rü nüxna nacagüe rü nhanagürügü: —¿Ta̱xacüwa nua pexĩ? —nhanagürügü. Rü nüma ga Firitéutanüxü̃gü rü nanangãxü̃gagü rü nhanagürügü: —Chacháũwe tangẽgü nax tayayaxuxü̃ca̱x nax naxütanüãxü̃ca̱x ga yema tomaxã naxüxü̃ —nhanagürügü.
11 Rü yemaxü̃ naxĩnüegu rü 3,000 ga yatügü ga Yudátanüxü̃ rü Chacháũca̱x nayadaugü nagu ga yema ãxmaxü̃ ga guma ma̱xpǘne ga Etáũwa yexmaxü̃. Rü Chacháũxü̃ nhanagürügü: —¿Tama ẽ̱xna nüxü̃ cucua̱x i ngẽma Firitéutanüxü̃gü rü toxü̃ nax naporamaegüxü̃? ¿Rü tü̱xcüü̃ guxchaxü̃wa toxü̃ cungexmagüxẽxẽ? —nhanagürügü. Rü Chacháũ nanangãxü̃ga rü nhanagürü: —Chama rü chaxütanü naxca̱x ga yema chamaxã naxügüxü̃ —nhanagürü.
12 15:12-13 Rü nümagü ga Yudátanüxü̃gü rü nanangãxü̃gagü rü Chacháũxü̃ nhanagürügü: —Toma nua taxĩ nax cuxü̃ tarüyauxgüxü̃ca̱x, rü Firitéutanüxü̃güna cuxü̃ tamugüxü̃ca̱x —nhanagürügü. Rü nüma ga Chacháũ rü nanangãxü̃ga rü nhanagürü: —Marü name. ¡Notürü chamaxã ipexüga nax taxũtáma choxü̃ pimáxü̃! —nhanagürü. Rü taxre ga napana̱xãmaxã nayana̱i̱xgü rü yemaacü nayagagü.
13 Nüü̃ nadau 15:12
14 Rü yexguma Léiwa nangugügu ga yema Chacháũxü̃ iyauxgüxü̃, rü nüma ga Firitéutanüxü̃gü rü taãxẽmaxã aita naxüe. Notürü Cori ya Tupanaãxẽ rü Chacháũmaxã inacua̱x, rü yema napana̱xã ga namaxã yana̱i̱xgüaxü̃ rü nhama tünütarüxü̃ inacaũgü rü napü̱xme̱xẽwa ínayi.
15 Rü yexguma ga Chacháũ rü nanayaxu ga wüxi ga búruchicüra ga yexma üxü̃ ga tauta mea ipaxü̃. Rü yemamaxã tüxü̃ nadai ga 1,000 ga Firitéutanüxü̃gü.
16 --
17 --
18 --
19 --
20 --
