Juízes 2:1-23
2 --
2 --
3 --
4 --
5 --
Nayu ga Yuchué
6 Rü yexguma Yuchué íyamugügu ga yema Iraéutanüxü̃gü, rü wüxichigü ga natücumü rü ínixĩ nax nayauxgüãxü̃ca̱x ga yema norü naane ga nüxna üxü̃.
7 Rü yexguma Yuchué maxü̱̃xgu rü nüma ga yema Iraéutanüxü̃gü rü mea Tupanaga naxĩnüe rü naxca̱x namaxẽ. Rü woo ga Yuchuéwena rü mea naga naxĩnüe ga yexguma tauta nayueyane ga yema Iraéutanüxü̃güarü yaxguã̱xgü ga nüxü̃ daugüxü̃ ga yema taxü̃ ga mexü̃gü ga Cori ya Tupana naxca̱x üxü̃.
8 Notürü nüma ga Yuchué rü nayu ga yexguma 110 ga taunecü nüxü̃́ yexmagu.
9 Rü norü naanegutama nayata̱xgü ga Tináchi-Chérearü ĩanewa ga Gaáxarü ma̱xpǘnearü nórchiwa üxü̃ ga Efraĩ́arü naane ga máxpü̱xanexü̃wa.
10 Rü yexgumarüxü̃ ta nayue ga yema Iraéutanüxü̃gü ga Yuchué maxü̱̃xgu maxẽxü̃. Rü yemaacü ga yema wixweama buexü̃ rü tama Cori ya Tupanaxü̃ nacua̱xgü rü tama nagu narüxĩnüe ga yema mexü̃gü ga Iraéutanüxü̃güca̱x naxüxü̃.
Iraéutanüxü̃gü rü Cori ya Tupanaxü̃ narüngümae
11 Rü nüma ga Iraéutanüxü̃gü rü Tupanape̱xewa chixexü̃ naxügü, yerü inanaxügüe ga Baáchicüna̱xãxü̃ nax yacua̱xüü̃güxü̃.
12 Rü yema duü̃xü̃gü rü norü o̱xigüarü Tupana ga Eyítuanewa tüxü̃ ínguxü̃xẽẽcüxü̃ ínata̱xgü nax yema duü̃xü̃gü ga norü ngaicamagu pegüxü̃arü tupanagüxü̃ yacua̱xüü̃güxü̃ca̱x. Rü yemaacü Cori ya Tupanaxü̃ nanuxẽẽgü.
13 Rü yema duü̃xü̃gü ga Iraéutanüxü̃gü rü Cori ya Tupanana nixĩgachi nax yema togü ga duü̃xü̃güarü tupananetagü ga Baá rü Atarúchichicüna̱xãgüxü̃ yacua̱xüü̃güxü̃ca̱x.
14 Rü yemaca̱x ga nüma ga Cori ya Tupana rü poraãcü yema Iraéutanüxü̃gümaxã nanu rü nüxna nixũ nax yema ingĩ́ta̱a̱xgüxü̃ rü norü yemaxü̃güca̱x nangĩ̱xgüxü̃ca̱x, rü yema norü uanügü ga norü ngaicamagu pegüxü̃ rü guxü̃guma nüxü̃ naporamaegüxü̃ca̱x. Rü nüma ga Iraéutanüxü̃gü rü taxucürüwama nügü ínapoxü̃gü.
15 2:15-16 Rü yexguma norü uanümaxã nügü yadaixchaü̃xgu ga Iraéutanüxü̃gü, rü nüma ga Cori ya Tupana rü tama nüxü̃ narüngü̃xẽẽ, rü yemaca̱x chixri nüxü̃́ ínanguxuchi yema nümatama ga Cori namaxã naxueguxü̃rüxü̃. Notürü woo yema Iraéutanüxü̃güca̱x ínananguxẽxẽ ga guxchaxü̃gü, notürü yemaétüwa rü nüma ga Tupana rü Iraéutanüxü̃gütanüwa nanangucuxẽxẽ ga ãẽ̱xgacügü nax yema ínapoxü̃güxü̃ca̱x norü uanügüna.
16 Nüü̃ nadau 2:15
17 Notürü nümagü ga Iraéutanüxü̃gü rü tama yema ãẽ̱xgacügüga naxĩnüe. Rü yexgumarüxü̃ ta tama Cori ya Tupanaga naxĩnüe, yerü togümare ga tupanagüxü̃ nicua̱xüxü̃gü. Rü woo nũxcüma ga guxema norü o̱xigü rü Tupanaarü mugüga taxĩnüe, notürü ga nümagü rü tama norü o̱xigücümagu naxĩxchaü̃.
18 Rü yexguma Cori ya Tupana naporaxẽẽ̱xgu ga guma Iraéutanüxü̃güarü ãẽ̱xgacü, rü nüma ga ãẽ̱xgacü rü norü duü̃xü̃güxü̃ narüngü̃xẽẽ, rü tüxü̃ ínanguxü̃xẽxẽ naxme̱xwa ga yema tümaarü uanügü. Yerü nüma ga Tupana rü yexguma tüxü̃ naxĩnügu ga nax taxauxexü̃ nagagu ga yema nax tapoxcuexü̃, rü nüxü̃́ tangechaü̃tümüxü̃gü.
19 Notürü yexguma nayu̱xgu ga guma norü ãẽ̱xgacü, rü nümagü ga Iraéutanüxü̃gü rü wena chixexü̃ca̱x nawoegu rü nanatügüarü yexera chixexü̃ naxügü rü togümare ga tupananetagüxü̃ nicua̱xüxü̃gü. Rü tama nüxü̃ narüxoechaü̃ ga yema chixexü̃ nax naxügüxü̃, rü tama ínanata̱xgüchaü̃ ga nacüma ga chixexü̃.
20 --
21 --
22 --
23 --
