Juízes 6:1-40
6 Notürü nüma ga Iraéuanecüã̱xgü rü wena Cori ya Tupanape̱xewa chixexü̃ naxügü, rü yemaca̱x ga nüma ya Tupana rü 7 ga taunecü Iraéuanecüã̱xgüxü̃ rü Miyiã́ũanecüã̱xgüme̱xẽwa nayexmagüxẽxẽ.
2 Rü nüma ga Miyiã́ũanecüã̱xgü rü niyexeragutanü nax chixri Iraéuanecüã̱xgümaxã inacua̱xgüxü̃. Rü yemaca̱x ga yema Iraéuanecüã̱xgü rü Miyiã́ũanecüã̱xü̃ namuü̃e, rü ma̱xpǘnegü ga guxchaxãcü nawa inguxü̃nearü ãxmaxü̃gu nicu̱xgü.
3 Rü yexguma Iraéuanecüã̱xgü toegügu, rü nüma ga Miyiã́ũanecüã̱xgü rü Amaréchitanüxü̃gü rü yema duü̃xü̃gü ga léstewa ne ĩxü̃, rü naxca̱x ínayaxüãchixü̃.
4 Rü Iraéuanecüã̱xgüarü naanewa nangugü rü guxü̃ma ga tümanetügügu nidaugü rü tümaxü̃nagü nanadai nhu̱xmata Gáchaarü naanewa nangu. Rü taxuxü̃ma ga Iraéuanecüã̱xgüarü ngõ̱xruxü̃ ínayaxügüxẽxẽ, rü bai ga carnérugü, rü bai ga wocagü, rü bai ga búrugü ga íyaxügüxü̃.
5 Rü yema duü̃xü̃gü rü muxũchixü̃ ga norü camérugümaxã ínangugü, nhama munügü i nanetüarü chixexẽẽwa ĩxü̃rüxü̃. Rü yexma nachocu namaxã ga norü wocagü, rü napatagü ga naxcha̱xmünaxca̱x. Rü guxü̃ma ga yema Iraéuanewa yexmaxü̃ ga nanetügü rü nanagu̱xẽxẽ.
6 Rü yemaacü ga yema Miyiã́ũanecüã̱xgügagu rü Iraéuanecüã̱xgü rü taxü̃ ga guxchaxü̃wa nayexmagü. Rü düxwa Cori ya Tupanaarü ngü̃xẽẽca̱x ínacagü.
7 6:7-8 Rü yexguma Iraéuanecüã̱xgü rü Cori ya Tupanaarü ngü̃xẽẽca̱x ínacagügu nax Miyiã́ũanecüã̱xgüme̱xẽwa ínanguxü̃xü̃ca̱x, rü nüma ga norü Tupana rü yéma nanamu ga wüxi ga norü orearü uruxü̃ ga nhaxü̃: —Nhanagürü ya Cori ya Tupana: “Chama nixĩ ga Eyítuanewa pexü̃ íchagaxü̃xü̃ ga ngextá norü puracütanüxü̃xü̃ pexü̃ íyaxĩgüxẽexü̃wa.
8 Nüü̃ nadau 6:7
9 Rü yema Eyítuanecüã̱xme̱xẽwa nax pexü̃ íchanguxü̃xẽẽ̱xü̃rüxü̃, rü pexü̃ íchanguxü̃xẽxẽ naxme̱xwa ga yema togü ga perü uanügü ga pexü̃ daixchaü̃xü̃. Rü pepe̱xewa íchanawoxü̃ ga yema duü̃xü̃gü, rü pexna chanaxã ga norü naane.
10 Rü pemaxã nüxü̃ chixu nax chama yixĩxü̃ ya perü Cori ya Tupana chixĩxü̃, rü ngẽmaca̱x taxuca̱xma norü tupanagüxü̃ pemuü̃e i ngẽma Amuréutanüxü̃gü i nhu̱xmax perü ngaicamagu ãchiü̃güxü̃. Notürü ga pema rü tama chauga pexĩnüe” —nhanagürü.
11 Rü wüxi ga ngunexü̃gu rü Tupanaarü orearü ngeruxü̃ i dauxü̃cüã̱x rü yéma nangu rü gumá carabáyu ga Ófarawa yexmanetüü̃wa narüto. Rü gumá carabáyu rü Yoábe ga Abiechétanüxü̃arü nixĩ. Rü nüma ga Yideã́ũ ga Yoábe nane rü cúãcüma trígu ínabugüte̱xe nawa ga yema nachica ga úwa íyapumügüxü̃wa nax wíũ naxügüxü̃ca̱x. Rü yéma napuracü nax yemaacü taxucürüwa Miyiã́ũanecüã̱xgü nüxü̃ daugüxü̃ca̱x.
12 Rü nüma ga Tupanaarü orearü ngeruxü̃ i dauxü̃cüã̱x rü Yideã́ũca̱x nango̱x rü nhanagürü nüxü̃: —Cori ya Tupana rü cuxü̃tawa nangexma, Pa Yatü ya Poracü rü Tama Muü̃wa̱xecüx —nhanagürü.
13 Rü nüma ga Yideã́ũ rü nanangãxü̃ga rü nhanagürü: —¡Choxü̃ nangechaxü̃, Pa Corix! Rü ngẽxguma chi Cori ya Tupana toxü̃tawa ngẽxmagu ¿tü̱xcüü̃ toxü̃ nangupetü i nhaa guxchaxü̃gü i nhu̱xmax ngẽxmaxü̃? ¿Rü ngexü̃ nixĩ i ngẽma norü pora ga namaxã naxüxü̃ ga yema mexü̃gü ga taxü̃gü ga torü o̱xigü nüxü̃ ixugüchigagüxü̃ ga yexguma Eyítuanewa tüxü̃ ínanguxü̃xẽẽgu? Rü nüma ya Cori rü toxna nixũgachi i nhu̱xmax, rü Miyiã́ũcüã̱xgüna toxü̃ namugü —nhanagürü.
14 Rü nüma ga Cori ya Tupana rü Yideã́ũxü̃ nadawenü rü nhanagürü: —Chama tá cuxü̃ chaporaxẽxẽ. ¡Rü ngẽ́ma naxũ rü Miyiã́ũanecüã̱xme̱xẽwa ínanguxü̃xẽxẽ i ngẽma Iraéuanecüã̱xgü! Rü chama nixĩ i ngẽ́ma cuxü̃ chamuxü̃ —nhanagürü.
15 Notürü ga Yideã́ũ rü wena Cori ya Tupanaxü̃ nangãxü̃ga rü nhanagürü: —¡Nhu̱xmarica choxü̃ nangechaxü̃, Pa Corix! ¿Notürü nhuxãcü tá íchananguxü̃xẽxẽ i Iraéuanecüã̱xgü? Erü guxü̃ma i Manachétücumüwa rü chautanüxü̃gü rü guxü̃ma i ngẽma togüarü nhaxtümaewa taxügü i torü ngẽmaxü̃güwa. Rü chama rü guxü̃ma i chautanüxü̃güarü yexera taxuwama chame —nhanagürü.
16 Rü nüma ga Cori ya Tupana rü nanangãxü̃ga rü nhanagürü: —Chama i Tupana rü cuxü̃tawa tá changexma. Rü tauxchaãcüma tá cunadai i ngẽma Miyiã́ũanecüã̱xgüarü churaragü —nhanagürü.
17 --
18 --
19 --
20 --
21 --
22 --
23 --
24 --
25 Rü yematama chütaxü̃gu rü Cori ya Tupana rü Yideã́ũxü̃ nhanagürü: —Chanaxwa̱xe i cuyayaxu i wüxi i cunatüarü woca i yatüxü̃ rü ngẽma to i woca i yatüxü̃ i 7 ya taunecü nüxü̃́ ngẽxmaxü̃. ¡Rü ngẽma taxre i wocamaxã yatúxuchi rü nagu napogü i ngẽma Baáarü ãmarearü guchicaxü̃ i cunatü nawa Baáca̱x yaguxü̃ i ãmaregü! ¡Rü ngẽxgumarüxü̃ ta natúxuchi rü yawa̱xẽxẽ i ngẽma tupananeta i Achérachicüna̱xã i nainaxca̱x i ngẽma Baáarü ãmarearü guchicaxü̃tawa ngẽxmaxü̃!
26 Rü nhu̱xũchi chanaxwa̱xe i yima ma̱xpǘnetape̱xegu cha̱u̱xca̱x cunaxü i wüxi i ãmarearü guchicaxü̃. ¡Rü ngẽmawena rü yama̱x i ngẽma woca i 7 ya taunecü nüxü̃́ ngẽxmaxü̃ rü cha̱u̱xca̱x yagu! ¡Rü ngẽma tupananetachicüna̱xã i cutúxü̃xü̃maxã naxüxǘxü̃! —nhanagürü ga Tupana.
27 Rü yexguma ga Yideã́ũ rü gume̱e̱xpü̱x ga norü duü̃xü̃ca̱x naca, rü nanaxü ga guxü̃ma ga yema Cori ya Tupana namaxã nüxü̃ ixuxü̃. Notürü chütacü nanaxü yerü nanatütanüxü̃xü̃ namuü̃, rü nüxü̃ namuü̃ ga yema duü̃xü̃gü ga guma ĩanecüã̱x ixĩgüxü̃.
28 Moxü̃ãcü ga pa̱xmama ga yexguma duü̃xü̃gü írüdagügu, rü nüxü̃ inayangaugü ga yema Baáarü ãmarearü guchicaxü̃ ga yexma nhaxtüanegu poü̃güxü̃ rü yexgumarüxü̃ ta ga yema Achérachicüna̱xã ga yéma yexmaxü̃ rü nax yawáxü̃. Rü nhu̱xũchi yema nachicawa nayexma ga wüxi ga yexwaca̱xü̃xü̃ ga ãmarearü guchicaxü̃, rü yemaétüwa nigu ga wüxi ga woca ga yatüxü̃.
29 Rü nügüna nacagüe rü nhanagürügü: —¿Texé tixĩ ya yíxema ngexü̃ wagüxe? —nhanagürügü. Rü yexguma muxũguma yadaugüetanügu, rü íyacagüetanüguwena, rü nüxü̃ nacua̱xgü ga Yideã́ũ ga Yoábe nane nax yixĩxü̃. Rü Yoábexü̃tawa naxĩ rü nhanagürügü nüxü̃:
30 —¡Ínamuxũchi ya cune erü tá tayama̱x! Erü nhaxtügu nanatáe i ngẽma Baáarü ãmarearü guchicaxü̃ rü nhu̱xũchi nayawa̱xẽxẽ i torü tupana i Achérachicüna̱xã —nhanagürügü.
31 Notürü nüma ga Yoábe rü yema duü̃xü̃güxü̃ nangãxü̃ga rü nhanagürü: —¿Ẽ̱xna pema rü tá ípenapoxü̃ i Baá rü naxca̱x tá pegü pedai? Rü naxü̃pa nax yangunexü̃ rü name nixĩ nax tayuxü̃ i yíxema Baáxü̃ ípoxü̃xe. Rü ngẽxguma chi aixcuma tupana yixĩxgu i Baá ¡rü nügütama ínapoxü̃ rü tüxü̃ yamá ya yíxema nagu pogüxe i ngẽma nachica i nawa naxca̱x ítanaguxü̃ i ãmaregü! —nhanagürü.
32 --
33 Rü yexguma ga nüma ga Miyiã́ũanecüã̱xgü rü Amaréchitanüxü̃gü rü yema duü̃xü̃gü ga léstewaama ne ĩxü̃, rü wüxiwa naxĩ. Rü natü ga Yurdáũ nichoü̃ rü ngatexü̃ ga Yerégu nayapegü.
34 Notürü ga Cori ya Tupanaãxẽ i Üünexü̃ rü Yideã́ũmaxã inacua̱x. Rü nüma ga Yideã́ũ rü carnéruchatacu̱xregu nicue nax yemaacü naxü̃tawa naxĩxü̃ca̱x ga Abiechétanüxü̃ nax íyaxümücügüãxü̃ca̱x.
35 Rü nhu̱xmachi duü̃xü̃güxü̃ namu nax Manachétücumüca̱x yacagüexü̃ca̱x nax nüxü̃ nangü̃xẽẽgüxü̃ca̱x. Rü yexgumarüxü̃ ta duü̃xü̃güxü̃ namu nax Achétücumü rü Yeburóũtücumü rü Natarítücumüca̱x yacagüexü̃ca̱x. Rü nümagü rü yéma naxĩ rü yexma naxĩtaque̱xe.
36 Rü Yideã́ũ rü Tupanana naca rü nhanagürü: —¿Ta̱xacüwa tá nüxü̃ chacua̱x nax aixcuma choxü̃ curüngü̃xẽẽxü̃ nax Iraéuanecüã̱xgüxü̃ íchanguxü̃xẽẽ̱xü̃, yema cuma chamaxã nüxü̃ quixuxü̃rüxü̃?
37 Rü dücax, rü ngẽma nachica i trígu nawa púxü̃gu tá chanacha̱xa i wüxi i carnérucha̱xmüxü̃ i ãã̱xmüxü̃. Rü ngẽxguma moxü̃ pa̱xmama cherenamaxã yawaixgu i ngẽma carnérucha̱xmüxü̃, notürü waixümü rü napaanegu i nacüwawa rü ngẽmawa tá nüxü̃ chacua̱x nax aixcuma tá choxü̃ curüngü̃xẽẽxü̃ nax Iraéuanecüã̱güxü̃ íchanguxü̃xẽẽ̱xü̃, yema cumatama chamaxã nüxü̃ quixuxü̃rüxü̃ —nhanagürü.
38 Rü yemaacüxüchi ningu. Rü yexguma pa̱xmama ínadaxgu ga Yideã́ũ, rü ínanaxãũx ga yema naxcha̱xmüxü̃ ga ãã̱xmüxü̃ rü wüxi ga ngáxweãcu yema nanama̱i̱x ga dexá ga cherenawa ne ũxü̃.
39 Notürü ga Yideã́ũ rü Tupanaxü̃ nhanagürüama: —¡Taxũtáma chamaxã cunu nax wena cuxü̃ chaca̱a̱xü̃xü̃! Notürü nhu̱xmarica chanaxwa̱xe i to i cua̱xruxü̃. Rü nhu̱xmax rü chanaxwa̱xe i ngẽma carnérucha̱xmüxü̃ rü tá cunapaxẽxẽmare notürü i nacüwawa rü cherenamaxã tá cunawaianexẽxẽ —nhanagürü.
40 Rü yema ga chütaxü̃gu rü Tupana rü yema Yideã́ũ naxca̱x íca̱xaxü̃ãcü nanaxü. Rü moxü̃ãcü pa̱xmama rü yema carnérucha̱xmüxü̃ rü napamare, notürü ga nacüwawa rü cherenamaxã nawaiane.
