Juízes 7:1-25
7 Rü Yideã́ũ i nhu̱xmax Yerubaágu naxüégagüãcü rü wüxigu namaxã ga guxü̃ma ga yema duü̃xü̃gü ga naxü̃tawa yexmagüxü̃ rü ngunetüxü̃ ínarüdagü. Rü inaxĩãchi, rü burawe ga Aróyiwa yexmacüxü̃tagu nayapegü. Rü yema nachica ga yema Miyiã́ũanecüã̱xgü nagu pegüxü̃ rü Yideã́ũarü duü̃xü̃gü íyapegüxü̃arü nórchiwaama nayexma ga ma̱xpǘne ga Moréarü tuãchiwa.
2 Rü Tupana rü Yideã́ũmaxã nidexa rü nhanagürü: —Ngẽma duü̃xü̃gü i nua cugagüxü̃ rü namuxũchi. Rü taxucürüwa guxü̃ i ngẽma duü̃xü̃gü Miyiã́ũanecüã̱xgümaxã pegü pedai, erü nüma i ngẽma duü̃xü̃gü rü tá nagu narüxĩnüe nax noxrütama poramaxã nügü ínanguxü̃xẽẽ̱xü̃ Miyiã́ũanecüã̱xgüme̱xẽwa.
3 ¡Rü ngẽmaca̱x namaxã nüxü̃ ixu i ngẽma duü̃xü̃gü rü texé ya muü̃xe rü tümachiü̃ca̱x tawoegu! —nhanagürü ga Tupana. Rü yexguma nüma ga Yideã́ũ rü yema duü̃xü̃gümaxã nüxü̃ nixu. Rü 22,000 nachiü̃ca̱x nawoegu, rü 10,000 yéma nayaxüãchitanü.
4 Notürü nüma ga Cori ya Tupana rü Yideã́ũmaxã nüxü̃ nixuchigüama rü nhanagürü: —Namuxũchiamatama. ¡Ẽcü dexáarü axwa nagagü! Rü ngẽ́ma tá cumaxã nüxü̃ chixu i ngexü̃rüüxü̃ tá nixĩ i cuwe rüxĩxü̃, rü ngexü̃rüüxü̃ tá nixĩ i napataca̱x cumuegutanüxü̃ —nhanagürü.
5 Rü nüma ga Yideã́ũ rü dexáarü axwa nanagagü ga yema duü̃xü̃gü. Rü nüma ga Cori ya Tupana rü Yideã́ũxü̃ nhanagürü: —Ngẽma duü̃xü̃gü i naxme̱xwa axegüxü̃ nhama airugü nade̱xcuxü̃chiüxü̃rüxü̃ rü chanaxwa̱xe i nüxrüguma cunachigüxẽxẽ nüxna i ngẽma duü̃xü̃gü i iyarücaxgütanüãchixü̃ rü dexáchiügu nhãũxgüãcüma axegüxü̃ —nhanagürü.
6 Rü yema naxme̱xwa axegüxü̃ nhama airugü nade̱xcuxü̃chiüxü̃rüxü̃ rü 300 nixĩ. Rü guxü̃ma ga yema togü rü dexáchiügu nanhãũxgüãcü naxaxegü.
7 Rü yexguma ga nüma ga Cori ya Tupana rü Yideã́ũxü̃ nhanagürü: —Nhaa 300 i yatügümaxã tá pexü̃ íchanguxü̃xẽxẽ, rü tá chanadai i Miyiã́ũanecüã̱xgü. Rü guxü̃ma i ngẽma togü rü marü name ínixĩ —nhanagürü.
8 --
Yideã́ũ rü Miyiã́ũanecüã̱xgüxü̃ narüporamae
9 Rü yema ga chütaxü̃gu rü nüma ga Cori ya Tupana rü Yideã́ũxü̃ namu rü nhanagürü: —¡Ẽcü curü churaragümaxã Miyiã́ũanecüã̱xgüca̱x ípeyaxüãchi! Rü chama rü tá pexü̃ charüngü̃xẽẽ nax nüxü̃ perüporamaegüxü̃ca̱x —nhanagürü.
10 --
11 --
12 --
13 --
14 --
15 --
16 Rü yexgumatama ga nüma ga Yideã́ũ rü tamaepü̱xtücumügu nayatoye ga yema 300 ga norü duü̃xü̃gü. Rü carnéruchatacu̱xre nüxü̃ ninu, rü nhu̱xũchi tü̃xü̃gü ga aixepewa ixomüã́xü̃ nüxü̃ ninu.
17 Rü nüma ga Yideã́ũ rü nhanagürü nüxü̃: —Ngẽxguma ngẽma tórü uanügü ípegüxü̃arü tocüwawa changuxgu, ¡rü mea choxü̃ perüdaunü! Rü ngẽma chawa nüxü̃ pedauxü̃ rü ngẽma tátama nixĩ ipexüxü̃.
18 Rü ngẽxguma chama rü ngẽma chawe rüxĩxü̃maxã carnéruchatacu̱xregu ticuegügu, rü ngẽxguma tá nixĩ i pema i peyacuegüxü̃ i perü carnéruchatacu̱xregü naxpechinüwa i ngextá ínapegüxü̃wa i ngẽma tórü uanügü. ¡Rü nhaãcü tá aita pexüe: “Rü Cori ya Tupanaca̱x rü Yideã́ũca̱x yigü tadai”, nhapegüxü̃ tá! —nhanagürü.
19 Rü yemaacü ga Yideã́ũ rü yema 100 ga yatügümaxã rü ngãxü̃cüxü yema Miyiã́ũanecüã̱xgü ípegüxü̃arü tocüwawa nangugü, ga yexguma nügü ínaxüchicüügüyane ga yema dauxü̃taegüxü̃. Rü nhu̱xmachi ga Yideã́ũ rü namücügü rü nagu nicuegü ga norü carnéruchatacu̱xregü rü nayapuexẽxẽ ga yema tü̃xü̃gü nax nangóxü̃ca̱x ga yema omüemagü ga yanaxü̃.
20 Rü yexgumatama ga yema tamaepü̱xtücumü rü nagu nicuegü ga yema carnéruchatacu̱xregü rü nayapuexẽxẽ ga tü̃xü̃gü. Rü norü to̱xoxweme̱xẽgu nayana ga norü omügü ga iya̱u̱xratanüxü̃, rü norü tügüneme̱xẽgu nayana ga carnéruchatacu̱xregü. “Rü Cori ya Tupanaca̱x rü Yideã́ũca̱x yigü tadai”, nhaxü̃maxã aita naxüe.
21 Rü nüma ga Iraéuanecüã̱xgü rü Miyiã́ũanecüã̱xgü ípegüxü̃pechinüwatama nayachaxãchitanü, rü guxü̃ma ga yema Miyiã́ũanecüã̱xgüarü churaragü rü aita naxüeãcüma nibuxmü.
22 Rü yexgumayane ga yema 300 ga Iraéuanecüã̱xgü rü yexeraãcü carnéruchatacu̱xregu nicuegü, rü nüma ga Cori ya Tupana rü Miyiã́ũanecüã̱xgüxü̃ yemagu ínatüexẽxẽ nax nügütanüwatama nügü nadaixü̃ca̱x. Rü yáxü̃wa nabuxmü nhu̱xmata Betichítaarü ĩanewa nangugü ga Cheréraarü ĩanearü ngaicamána rü togü rü nhu̱xmata Abemeúraarü üyeanewa nangugü ga Tabáarü ngaicamána.
23 --
24 --
25 --
