Levítico 1:1-17
1 Rü nüma ga Cori ya Tupana rü napatawa Moichéca̱x naca, rü nhanagürü nüxü̃:
2 —¡Ẽcü namaxã nüxü̃ ixu i ngẽma Iraéutanüxü̃gü rü ngẽxguma texé ãmare choxna ãxgu rü name nixĩ i tümaarütama wocagüwa rüe̱xna tümaarütama carnérugüwa choxna tanamu!
3 Rü ngẽma tümaarü ãmare i tümaxü̃natama ixĩxü̃ rü woca iyatüxü̃ i taxuwama chixexü̃ tá nixĩ. Rü ngẽma nax tüxü̃́ namaxã chataãxẽxü̃ca̱x rü chapataa̱xtüwa ngẽxmaxü̃ i guchicaxü̃wa tá nixĩ i itayaguxü̃.
4 Rü naerugu tá nixĩ i taxǘméxü̃ nax tüxü̃́ chanayaxuxü̃ca̱x i ngẽma tümaarü ãmare, rü tüxü̃́ nüxü̃ icharüngümaxü̃ca̱x i tümaarü chixexü̃gü.
5 Rü ngẽma woca i yatüxü̃ rü chape̱xegu tá nixĩ i tayawiyenaãxü̃. Rü ngẽma Aróũ nanegü i chacherdótegü tá nixĩ i choxna naxuaxü̃güxü̃ ya yimá nagü. Rü ngẽma chapataarü ĩã̱xtüwa ngẽxmaxü̃ i guchicaxü̃ rü yimá nagümaxã tá nanamaxcuétü rü tá ínanamaxcuegu.
6 Rü yimá chacherdóte ya cha̱u̱xca̱x yagucü i ngẽma ãmare rü tá nanacauxcha̱xmüxü̃ i ngẽma naxü̃na rü tá nanachexü̃gü.
7 Rü ngẽma chacherdótegü tá nixĩ i yanaixẽẽgüxü̃ ya üxü nawa i ngẽma guchicaxü̃.
8 Rü yima üxüwa tá nixĩ i ínaguxü̃ i ngẽma naxü̃naarü chexü̃güxü̃ rü naeru rü ngẽma naü̃nütaarü chíxü̃.
9 Rü yíxema cha̱u̱xca̱x ínaguxe i ngẽma namachi rü name nixĩ i meama dexámaxã tayayauxgüxü̃ i naü̃nüta rü naparagü. Rü nüma ya chacherdóte rü ngẽma guchicaxü̃wa tá ínanagu i guxü̃ma nax chama namaxã chataãxẽxü̃ca̱x i ngẽma naema i ngẽma ãmare —nhanagürü ga Cori ya Tupana.
10 --
11 --
12 --
13 --
14 --
15 --
16 --
17 --