Levítico 10:1-20
10 Notürü Aróũ nanegü ga Nadábi rü Abiú rü wüxichigü nanayaxu ga noxrütama ã́xwepáxü̃. Rü ngexcürüücümare ga ã́xwe ga tama Tupana naxwa̱xecümaxã nanaxüãcugü. Rü guma ã́xweétügu nanagü ga norü pumárate̱xe rü nhu̱xũchi Tupanape̱xewa nanangegü nax yemamaxã nüxü̃ yacua̱xüü̃güxü̃ca̱x. Rü yemaacü tama nayanguxẽẽgü ga yema Tupana namaxã nüxü̃ ixuxü̃.
2 Rü yemaca̱x Tupanaxü̃tawa ínaxũxũ ga üxüema ga ínaguxü̃. Rü Tupanape̱xegu nayue.
3 Rü nüma ga Moiché rü Aróũxü̃ nhanagürü: —Nhaachiga nixĩ ga yema Cori ya Tupana nüxü̃ ixuxü̃ ga yexguma nhaxgux: “Rü yíxema choxna ngaicamachaü̃xe rü chama rü tá tüxü̃ chanawe̱x nax aixcuma chaxüünexü̃. Rü guxü̃ma i Iraéutanüxü̃güpe̱xewa tá ichanawe̱x i chorü pora”, nhaxgu —nhanagürü ga Moiché. Rü nüma ga Aróũ rü yéma nangea̱xmare.
4 Rü nhu̱xũchi nüma ga Moiché rü naxca̱x naca ga Michaéu rü Euchapá ga Aróũ nanepü ga Uyiéu nanegü, rü nhanagürü nüxü̃: —¡Yéa Tupanapatawa ípeyada̱u̱x i ngẽma petanüxü̃gü rü peyato i naxü̃negü! ¡Rü ĩanechipenügu peyata̱xgü! —nhanagürü.
5 Rü nümagü ga Michaéu rü Euchapá rü yéma naxĩ, rü yema naxchirugümaxãtama nananuquegü. Rü yemaacü nayato ga naxü̃negü rü nayata̱xgü, yema Moiché namaxã nüxü̃ ixuxü̃rüxü̃.
Chacherdótegüarü puracüchiga
6 Rü yemawena ga Moiché rü nayaxucu̱xẽ ga Aróũ rü nanegü ga Ereachá rü Itamá rü nhanagürü: —¡Taxũtáma pegü pexixerugüxẽxẽ rü pegüchirugu pegáugüe nax ngẽmaãcü ipenawéxü̃ca̱x i perü ngechaü̃ naxca̱x i ngẽma yuexü̃! Erü ngẽxguma ngẽmaãcü penaxü̱xgux rü ngürüãchi pema rü tá ta peyue rü guxü̃táma i duü̃xü̃gümaxã tá nanu ya Tupana. Notürü name nax guxü̃ma i ngẽma togü i Iraéutanüxü̃gü naxca̱x naxauxexü̃ i ngẽma taxre i norü chixexü̃gagu Cori ya Tupana daixü̃.
7 Notürü i pemax i chacherdótegü nax pexĩgüxü̃ ¡rü taxũtáma nüxna pexĩgachi ya yima Tupanapata nax tama peyuexü̃ca̱x! Erü pema rü woetama Tupanaarü puracüca̱x pexü̃ naxuneta, rü yemaca̱x chíxü̃ i üünexü̃maxã pexü̃ chibaeru —nhanagürü ga Moiché. Rü yema Moiché namaxã nüxü̃ ixuxü̃ãcü nanaxügü.
8 10:8-9 Rü yemawena ga nüma ga Cori ya Tupana rü nüxí Aróũmaxã nidexa rü nhanagürü nüxü̃: —Ngẽxguma cuma rüe̱xna cunegü ngẽxma chapatagu pechocu̱xgux rü tama name ya wíũ ya ngúcü rüe̱xna ta̱xacü i to i ngúxü̃ pixaxgü. Rü nhaa pemaxã nüxü̃ chixuxü̃, rü ngẽma nixĩ i wüxi i mu i guxü̃gutáma nagu pexĩxü̃ i cuma rü cunegü rü cutaagü.
9 Nüü̃ nadau 10:8
10 10:10-11 Rü penaxwa̱xe i nüxü̃ pecua̱x i ngẽma aixcuma üünexü̃ rü ngẽma tama üünexü̃, rü ngẽma aixcuma mexü̃ rü ngẽma tama mexü̃. Rü ngẽmaãcü tá meama penangúexẽxẽ i duü̃xü̃gü nax nagu naxĩxü̃ i guxü̃ma i chorü mugü i Moichéwa pemaxã nüxü̃ chixuxü̃ —nhanagürü ga Tupana.
11 Nüü̃ nadau 10:10
12 --
13 --
14 --
15 --
16 --
17 --
18 --
19 --
20 --
