Levítico 6:1-30
6 Rü nüma ga Cori ya Tupana rü Moichémaxã nidexa rü nhanagürü nüxü̃:
2 —Ngẽxguma texé chape̱xewa chixexü̃ ü̱xgux rü wüxi i taxewa tümamücüxü̃ tawomüxẽẽ̱xgux, rüe̱xna wüxi i diẽru i tümamücü tüxü̃ namaxã nguxü̃xẽẽ̱xü̃ca̱x tümamücüxü̃ tawomüxẽẽ̱xgux, rü chixexü̃ taxü. Rü ngẽxgumarüxü̃ ta ega texé tümamücüxü̃tawa ta̱xacüca̱x tangĩ̱xgu, rüe̱xna ta̱xacüca̱x tüxü̃ tachixewegu nax tüxna tanaxãxü̃ca̱x rü nhu̱xũchi tama tanatáeguxẽẽgu, rü chixexü̃ taxü.
3 Rü ngẽxgumarüxü̃ ta ega texé wüxi i to̱xguã̱xarü ngẽmaxü̃ i iyarütaxuxü̃ itayanga̱xgux rü itayacu̱xgu rü nhu̱xũchi nüxü̃ tixuxgu nax tama nüxü̃ itayangauxü̃, rü chixexü̃ taxü. Rü ngẽxgumarüxü̃ ta ega notüca̱xma tümamücümaxã itaxunetagu notürü tama tayanguxẽẽgu i ngẽma nüxü̃ tixuxü̃, rü chixexü̃ taxü.
4 6:4-5 Rü ngẽmaca̱x ega texé ngẽmaãcü chixexü̃ ü̱xgux, rü tá tanawoeguxẽxẽ i guxü̃ma i ngẽma naxca̱x tangĩ́xü̃, rü ngẽma to̱xguã̱xna tanapuxü̃, rü ngẽma wüxi i taxewa tümamücüxü̃ tawomüxẽẽxü̃, rü ngẽma iyarütaxuxü̃ i nüxü̃ itayangauxü̃, rü ngẽma womüxẽẽãcü tayaxuxü̃. Rü naétü i ngẽma naxca̱x tangĩ́xü̃ rü tá norü yorana tanaxã i ngẽma naxca̱x tangĩ́xü̃arü yexera, rü ngẽmaãcü nhu̱xũchi chape̱xewa tá tanaga i tümaxü̃na i tümaarü chixexü̃ca̱x choxna tayamuxü̃.
5 Nüü̃ nadau 6:4
6 Rü ngẽma tümaxü̃na i cha̱u̱xca̱x timáxü̃ rü tanaxwa̱xe i wüxi i carnéru i taxuwama nanhuxraxü̃xü̃ nixĩ. Rü cumax, Pa Moichéx, rü tá cunangugü nax nanhuxraxü̃xü̃ i tümaarü chixexü̃ rü ngoxi tümaxü̃na i cuxü̃tawa tagaxü̃ rü marü tümaarü chixexü̃tanügu name. Rü ngẽma naxü̃na rü tümaxü̃natanüwa tá nixĩ i tanayaxuxü̃ rü chacherdótexü̃tawa tanagaxü̃ nax chape̱xewa tümaarü chixexü̃ca̱x tayaguxü̃.
7 Rü ngẽmaãcü yimá chacherdóte rü tá choxna nachogü nax tüxü̃́ nüxü̃ icharüngümaxü̃ca̱x i tümaarü chixexü̃. Rü chama rü aixcuma tá tüxü̃́ nüxü̃ icharüngüma —nhanagürü ga Cori ya Tupana.
Ucu̱xẽ nax nhuxãcü yagugüãxü̃ i ngẽma ãmaregü
8 Rü nüma ga Cori ya Tupana rü Moichémaxã nidexa rü nhanagürü nüxü̃:
9 —¡Aróũmaxã rü nanegümaxã nüxü̃ ixu nax nhuxãcü tá yagugüãxü̃ i ngẽma naxü̃nagü i cha̱u̱xca̱x nadaixü̃! ¡Rü ngẽma naxü̃nagü i yagugüxü̃ rü guxü̃ma i ngẽma chütaxü̃ rü ngẽma ãmarearü guchicaxü̃arü ã́xwe ya naicüétügu nananu nax ngẽxma yaxaexü̃ca̱x!
10 Rü moxü̃ãcü pa̱xmama rü nüma ya chacherdóte rü tá nicu̱xcuchi i naxchiru i líũchinaxca̱x rü natüü̃chiru i ngẽmarüü̃tama ixĩxü̃. Rü ngẽmawena rü ngẽma guchicaxü̃wa tá nanayaxu i ngẽma naxü̃naarü tanimuca, rü ngẽma ãmarearü guchicaxü̃cüwagu tá nanagütaque̱xe.
11 Rü ngẽmawena rü tá ínacuxuchi rü to i naxchirugu tá nicu̱x. Rü ngẽmaãcü wüxi i nachica i mexü̃ i ĩanepechinüwa ĩxpemawa tá nayagü ya yimá tanimuca.
12 Rü yima üxü ya ngẽma naxü̃naarü guchicaxü̃wa naixü̃ne rü tama name nax yaxoxü̃. Rü nüma ya chacherdóte rü nanaxwa̱xe nax naxüxǘxü̃ãxü̃ i guxü̃ma i pa̱xmama. Rü ngẽxma üxüétügu tá nanaxǘnagü i ngẽma naxü̃na i tá yaguxü̃. Rü ngẽxgumarüxü̃ ta rü ngẽ́ma tá nayagu i norü chíxü̃ i ngẽma naxü̃nagü i duü̃xü̃gü choxna ãxü̃ nax namaxã icharüngüxmüxü̃ca̱x.
13 Rü ngẽmaãcü ya yima üxü i ãmarearü guchicaxü̃wa naixü̃ne rü tagutáma peyaxoxẽxẽ —nhanagürü ga Cori ya Tupana.
14 --
15 --
16 --
17 --
18 --
19 --
20 --
21 --
22 --
23 --
24 --
25 --
26 --
27 --
28 --
29 --
30 --