Levítico 8:1-36
8 Rü nüma ga Cori ya Tupana rü Moichémaxã nidexa rü nhanagürü:
2 —¡Ẽcü naxca̱x naca ya Aróũ rü nanegü! ¡Rü nanutaque̱xe i ngẽma chacherdótegüchiru, rü ngẽma chíxü̃ i baeruruxü̃, rü ngẽma wocaxacü i yatüxü̃ i chixexü̃arü ütanüca̱x imáxü̃, rü ngẽma taxre i carnérugü rü yimá pexchi i poũ i ngearü pu̱xẽẽruü̃ã́xü̃ nagu nucü!
3 ¡Rü nhu̱xũchi chapataã̱xtüarü ücuchicagu nangutaque̱xexẽxẽ i guxü̃ma i duü̃xü̃gü! —nhanagürü ga Tupana.
4 Rü nüma ga Moiché rü nanaxü ga yema Cori ya Tupana nüxü̃ ixuxü̃. Rü nümagü ga duü̃xü̃gü rü guma Tupanapataa̱xtüarü ücuchicagu nangutaque̱xegü.
5 Rü nüma ga Moiché rü nhanagürü duü̃xü̃güxü̃: —Nhaa i nhu̱xmax tá chaxüxü̃ nixĩ i ngẽma Tupana choxü̃ muxü̃ nax chanaxüxü̃ —nhanagürü.
6 Rü nüma ga Moiché rü Aróũca̱x rü nanegüca̱x naca rü Tupanape̱xewa dexámaxã nayayauxgü.
7 Rü yemawena rü wüxi ga ma̱xpáxü̃ ga naxchirugu Aróũxü̃ nicu̱xcuchi rü mea nayachota ga norü goyexü̃. Rü nayacu̱xcuchi ga yema düxétüwa üxü̃ ga naxchiru. Rü yemaétüwa nayacu̱xcuchi ga naxchiru ga nuxũxü̃ ga ngechacüüxü̃ ga líũchinaxca̱x. Rü yema rü meama nayagota norü goyexü̃maxãtama.
8 Rü nhu̱xũchi nayanga̱xcuchi ga yema norü türemüxü̃. Rü yema norü türemüxü̃arü chacugu nananuxcu ga guma nutagü ga Uríü̃ rü Tumíü̃.
9 Rü nhu̱xũchi nayanga̱xcuchipate̱xe. Rü yema napate̱xecatüwa nayaxǘcuchi ga wüxi ga úiru ga botachinüxü̃ ga nawa nüxü̃ nacua̱xgüxü̃ nax chacherdótegüarü ãẽ̱xgacü yixĩxü̃, yerü yemaacü nixĩ ga Cori ya Tupana ga Moichéxü̃ namuxü̃.
10 Rü yemawena rü nüma ga Moiché rü nanayaxu ga yema chíxü̃ ga baeruruxü̃ rü nanamaxcuétü ga guma Tupanapata rü norü yemaxü̃gü nax yemaacü Tupanaca̱xicatama yaxĩgüxü̃ca̱x.
11 Rü yematama chíxü̃maxã nanamaxcu 7 e̱xpü̱xcüna ga yema ãmaregüarü guchicaxü̃. Rü nhu̱xũchi yema chíxü̃maxã nanabaétü ga yema ãmaregüarü guchicaxü̃, rü guxü̃ma ga norü yemaxü̃gü, rü guma bachía ga ya̱xme̱xpáxü̃. Rü yemaacü Tupanaca̱xicatama nayaxĩgüxẽxẽ.
12 Rü nhu̱xũchi ga Moiché rü Aróũerugu nanaba ga yema chíxü̃, rü yemaacü Tupanaarü puracüca̱x nüxü̃ naxuneta.
13 --
14 --
15 --
16 --
17 --
18 --
19 --
20 --
21 --
22 --
23 --
24 --
25 --
26 --
27 --
28 --
29 --
30 --
31 --
32 --
33 --
34 --
35 --
36 --
