Miquéias 1:1-16
1 Rü yexguma Yudáanecüã̱xarü ãẽ̱xgacügü yixĩgügu ga Yotáũ rü Acáa rü Echequía, rü yexguma nixĩ ga Cori ya Tupana ga Miquéa ga Morechécüã̱xü̃ nawéãxü̃ ga yema ãũcümaxü̃ ga Chamáriacüã̱xgüca̱x rü Yerucharéü̃cüã̱xgüca̱x tá ínguxü̃.
2 Rü nhu̱xũchi nüma ga Miquéa rü nhanagürü: —¡Pa Guxü̃ma i Nhaa Nachixü̃anearü Ĩanecüã̱xgüx, rü Pa Guxü̃ma i Duü̃xü̃gü i Nhaa Nachixü̃anewa Ngẽxmagüxü̃x, rü iperüxĩnüe i nhaa ore! Rü nüma ya Cori ya Tupana rü napata ya üünenewa pexü̃ nixugüchiga.
3 --
4 --
5 ¿Rü tü̱xcüü̃ pexü̃ nixugü? Rü pexü̃ nixugü erü nüma rü nüxü̃ nacua̱x i ngẽma chixexü̃ i pexüxü̃ rü tama naga nax pexĩnüexü̃ i pemax, Pa Yacútaagü i Iraéutanüxü̃güx. Rü bexmana pema rü nhaperügügü: “¿Rü ngextá nixĩ i tama Tupanaga taxĩnüexü̃ i toma i Iraéutanüxü̃gü?” nhaperügügü. Rü pemaxã nüxü̃ chixu rü yima ĩane ya Chamáriawatama nixĩ. Rü pema rü bexmana nhaperügügü: “¿Rü ngextá nixĩ i tupananetachicüna̱xãgüxü̃ ticua̱xüü̃güxü̃?” nhaperügügü. Rü pemaxã nüxü̃ chixu rü Yerucharéü̃watama.
6 Rü ngẽmaca̱x i nüma ya Cori ya Tupana rü nhanagürü: “Yima ĩane ya Chamária rü tá nagu chapogü rü naxtapü̱xgü i nügüétügu yi̱xixü̃xica tá ngẽ́ma tadau. Rü ngẽma nachica rü naanexü̃ tá nananguxuchi rü úwagü nagu natogü. Rü yimá nutagü ya namaxã ínapoxegune ya yima ĩane, rü tá ngachitamaxü̃gu nawoonemare. Rü ngẽmaãcü tá nango̱x ya yimá nutagü ya naxtapü̱xarü ügü.
7 Rü guxü̃ma i ngẽma norü tupanachicüna̱xãgü rü tá nipue rü tá ínagu i ngẽma norü naigü i namaxã natupanaã̱xgüxü̃. Rü ngẽma diẽru i ngẽma Iraéutanüxü̃gü norü tupanachicüna̱xãgüxü̃ namaxã icua̱xüü̃güxü̃, rü norü uanügü rü nachixü̃anewa tá nananagü nax ngẽ́ma norü tupanachicüna̱xãgüxü̃ namaxã yacua̱xüü̃güxü̃”, nhanagürü ya Tupana.
Miquéa rü norü ngechaü̃maxã naxaxu
8 Rü ngẽmaca̱x taxü̃ i chorü ngechaü̃maxã tá chaxaxu, rü ngearü chapatuã́xẽ rü ngexchiruxe tá chixũ, rü airu i dauxchitacüã̱xrüxü̃ tá chaxaxu rü weri i abetrúxacürüxü̃ aita tá chaxü.
9 Erü ngẽma Chamáriacüã̱xgüarü guxchaxü̃ rü nataxüchi rü taxúema tanamexẽxẽ. Rü yima ĩane rü tagutáma wena noxrirüxü̃ nixĩ. Rü ngẽma norü guxchaxü̃ rü Yudáanewa nangu rü nhu̱xmata nawa nangu ya yima ĩane ya Yerucharéü̃ i chautanüxü̃gü nagu ãchixü̃ne.
10 --
11 --
12 --
13 --
14 --
15 --
16 --
