Miquéias 3:1-12
3 ¡Rü iperüxĩnüe, Pa Iraéutanüxü̃güarü Ãẽ̱xgacügüx! ¿Rü tama ẽ̱xna pexna naxüxü̃ nax nüxü̃ pecuáxü̃ i ta̱xacü nixĩ i mexü̃ rü ta̱xacü nixĩ i chixexü̃?
2 3:2-3 Notürü i pemax rü naxchi pexai i ngẽma mexü̃ rü perü me nixĩ i ngẽma chixexü̃. Rü pema rü nhama woca imáxü̃rüxü̃ pexĩgü namaxã i chorü duü̃xü̃gü. Rü pema rü nhama woca icauxcha̱xmüxü̃rüü̃ãcü namaxã ipecua̱x. Rü peyacua̱i̱xgü rü nhama namachi i íxraxü̃gu chexexü̃ nax imuxraxü̃rüxü̃ namaxã pechopetü i ngẽma chorü duü̃xü̃gü.
3 Nüü̃ nadau 3:2
4 Rü wüxi i ngunexü̃ rü tá nüxna pecagü ya perü Cori ya Tupana notürü i nüma rü taxũtáma pexü̃ nangãxü̃ga. Rü ngẽxguma i nüma rü tá pexcha̱xwa inicu̱x nagagu i ngẽma chixexü̃ i pexügüxü̃.
5 Rü ngẽma chorü duü̃xü̃gü rü nacüma i chixexü̃gu naxĩ nagagu i ngẽma orearü uruü̃güneta i doramaxã nangúexẽẽxü̃. Rü yíxema naxüwemüxe rü taãxẽ tümamaxã naxuegu. Notürü yíxema tama naxüwemüxe rü dai tümamaxã naxuegu.
6 --
7 --
8 --
9 --
10 --
11 Rü daa ĩanearü ãẽ̱xgacügü i guxchaxü̃arü mexẽẽruxü̃ rü ngẽma nüxü̃́ naxütanüxü̃gaxica naxĩnü. Rü ngẽma chacherdótegü rü ngẽxguma nüxü̃́ tanaxütanüguxicatama tüxü̃ nangúexẽxẽ. Rü ngẽma orearü uruü̃gü rü ngẽxguma nüxü̃́ naxãtanügu rü taãxẽruxü̃ i orexü̃ nixu. Notürü guxü̃ma i nümagü rü nhanagürügüneta: “Rü Cori ya Tupana rü nataxü̃tagu rü taxuxü̃táma i chixexü̃ tüxü̃ nangupetü”, nhanagürügüneta.
12 Rü ngẽmaca̱x, Pa Ãẽ̱xgacügüx, rü pegagu tá nixĩ nax ĩchicüxü̃ yanguxuchixü̃ rü nachipexica ngẽ́ma inuãgüxü̃ ya yima ĩane ya Yerucharéü̃ ya ma̱xpǘne ya Chiã́ũwa ngexmane. Rü yima ma̱xpǘne ya Tupanapata nawa ngexmane rü wüxi i naane i ngẽxma rüxümarexü̃rüxü̃ tá nixĩ.
