Números 11:1-35
11 --
2 --
3 --
Tupana rü Iraéutanüxü̃gümaxã nanaxuegu nax namachi tá nüxna naxãxü̃
4 Rü yema Iraéutanüxü̃gü rü nhuxre ga Eyítuanecüã̱xgümaxã narüxücutanü, rü yema duü̃xü̃gü nixĩ ga nüxna cua̱xãchiexü̃ ga yema õna ga Eyítuanewa nangõ̱xgüxü̃. Rü nüma ga Iraéutanüxü̃gü rü düxwa yemaga naxĩnüe rü yemaca̱x nidexagü rü nhanagürügü: —Chierü tüxü̃́ nangexmagu i namachi nax nangṍxü̃ca̱x.
5 Rü nhuxãcü nüxna tacua̱xãchie ga yema choxni ga chíxü̃ ga ngetanüãcüma ingõ̱xgüxü̃ ga Eyítuanewa. Rü ngẽxgumarüxü̃ ta nüxna tacua̱xãchie ga nhuxãcü nangṍxü̃ ga pepínu, rü meráũ, rü chabúragü rü áyu.
6 Notürü i nhu̱xmax rü taiyamaxã nua tayuechaü̃, erü nataxuma i to i ta̱xacü i nüxü̃ idauxü̃ rü manáxicatama —nhanagürügü.
7 Rü yema maná rü nanachicúriachireraxü̃ rü nadexra nhama ta̱xacü i dexragüxü̃rüxü̃.
8 Rü nüma ga duü̃xü̃gü rü nanade ga yema maná ga dauxü̃wa rüyi̱xiixü̃. Rü nhu̱xũchi nayacamügü rü nanamuxragü rü nhu̱xũchi nayaxütachinü. Rü yema maná rü nhama chíxü̃wa ínaguxü̃rüxü̃ nixĩ ga naaca.
9 Rü chütacü ga yexguma nanguxgu ga cherena ga yema ínapegüxü̃étügu, rü yexguma ta nixĩ ga nayixü̃ ga maná.
10 Rü nüma ga Moiché rü nüxü̃ naxĩnü ga Iraéutanüxü̃gü ga naã̱xpatawachigü nax yema õnaca̱x yadexagüxü̃. Rü nüma ga Cori ya Tupana rü yemaca̱x poraãcü nanu rü yexgumarüxü̃ ta ga Moiché.
11 Rü nüma ga Moiché rü Tupanaxü̃ nhanagürü: —Chama nax curü duü̃xü̃chire̱x chixĩxü̃ ¿rü ta̱xacüca̱x tama chamaxã cutaãxẽ rü ngẽmaca̱x chauxchaama choxü̃ cunangenagüxẽxẽ i nhaa duü̃xü̃güarü guxchaxü̃gü?
12 ¿Ẽ̱xna chauxacügü nixĩgü rü ngẽmaca̱x choxü̃ cumuxü̃ nax nhama õxchanagürüxü̃ chayagagüxü̃ i nawa i ngẽma naane ga nũxcüma torü o̱xigümaxã nüxü̃ quixuxü̃?
13 ¿Rü ngextá tá namachi choxü̃ ta iyanga̱u̱xü̃ nax chanachibüexẽẽxü̃ca̱x i guxü̃ma i nhaa duü̃xü̃gü? Rü auxeãcüma nixĩ i choxü̃ yaca̱a̱xü̃güechaxü̃ rü nhagüxü̃ choxü̃: “¡Rü torü ngõ̱xruxü̃ i namachi toxna ta naxã!” nhagüxü̃.
14 Rü chama rü marü tama choxü̃́ natauxcha nax chaxica namaxã ichacuáxü̃ i nhaa duü̃xü̃gü. Erü ngẽma puracü rü nata rü ngẽmaca̱x taxucürüwa chaxica chanaxü.
15 Rü ngẽxguma tá ngẽmaãcü chamaxã quixĩxgu ¡rü noxtacüma choxna nayaxu i nhaa chorü maxü̃, ega choxü̃ cungechaü̃xgu! Rü ngẽmaãcü tá marü taxũtáma chauxchaama chayangenagü i nhaa duü̃xü̃güarü guxchaxü̃gü —nhanagürü ga Moiché.
16 Notürü nüma ga Cori ya Tupana rü Moichéxü̃ nangãxü̃ rü nhanagürü: —¡Ẽcü nanutaque̱xe i 70 i norü ãẽ̱xgacügü i Iraéutanüxü̃gü i duü̃xü̃gü naga ĩnüexü̃, rü chapatawa nagagü! ¡Rü ngẽ́ma choxü̃ namaxã yarüngu̱xẽxẽ!
17 Rü chama rü tá ngẽxma ícharüxĩ, rü ngẽ́ma tá cumaxã chidexa. Rü tá ngẽma ãẽ̱xgacügüna chanaxã i ngẽma chauãxẽ i cuwa ngẽxmaxü̃ nax nümagü cuxü̃ nangü̃xẽẽgüxü̃ca̱x nax namaxã inacua̱xgüxü̃ i nhaa duü̃xü̃gü. Rü ngẽxguma rü marü taxũtáma cuxica namaxã icucua̱x.
18 ¡Rü nhu̱xũchi namaxã nüxü̃ ixu i duü̃xü̃gü nax nügü yamexẽẽgüxü̃ca̱x naxca̱x i moxü̃arü ngunexü̃, rü ngẽmaãcü tá nixĩ i namachi tá nangõ̱xgüxü̃! Erü marü nüxü̃ chaxĩnü nax auxeãcüma nhagüxü̃: “¿Nhuxcü ngexü̃ yixĩ i namachi rü ta ingõ̱xgü? Rü narümemae nixĩ ga Eyítuanewa iyexmagügu”, nhagüxü̃. Rü marü name rü chama tá namachi nüxna chaxã nax nangõ̱xgüaxü̃ca̱x.
19 Rü taxũtáma wüxitama i ngunexü̃ nanangõ̱xgü rü bai i taxre, rü bai i 5, rü bai i 10, rü bai i 20 i ngunexü̃guxicatama tá nanangõ̱xgü.
20 Rü wüxi ya tauemacüxü̃chi tá nixĩ i namachi nangõ̱xgüxü̃ nhu̱xmatáta naemamaxã yangü̃ãtanücüxüx rü nawa naxoégagü erü choxü̃ naxoe i chamax i Cori ya Tupana nax natanüwa changexmaxü̃. Rü naxauxeãcüma rü chape̱xewa nhanagürügü: “¿Rü ta̱xacüca̱x ga Eyítuanewa íichoxü̃xü̃?” nhanagürügü —nhanagürü ga Cori ya Tupana.
21 Rü yexguma ga Moiché rü Tupanaxü̃ nangãxü̃ rü nhanagürü: —Rü ngẽma duü̃xü̃gü i chawe rüxĩxü̃ rü 600,000 i yatügü nixĩgü. ¿Rü nhuxãcü nüxü̃ quixuxü̃ rü wüxi ya tauemacü tá nixĩ i namachi toxü̃ cungõ̱xẽẽxü̃?
22 ¿Rü ngextá nangema i ngẽma muxü̃ i carnérugü rü wocagü nax ngẽma tadaixü̃ca̱x rü guxaxü̃́ yangumachixü̃ca̱x? Rü woo chi guxü̃ma i choxni i taxü̃ i taxtücüã̱x nüxna ixãxgu rü taxũchima nüxü̃́ ningu —nhanagürü.
23 Notürü nüma ga Cori ya Tupana rü nanangãxü̃ rü nhanagürü: —¿Cuma nagu curüxĩnügu i ngẽma chorü pora rü naxíraxü̃? Rü nhu̱xmax tá nüxü̃ cudau nax aixcuma tá yanguxü̃ i ngẽma nüxü̃ chixuxü̃ —nhanagürü.
24 --
25 --
26 --
27 --
28 --
29 --
30 --
31 Rü nüma ga Cori ya Tupana rü ínananguxẽxẽ ga wüxi ga tacü ga buanecü ga márwa ne buemacü. Rü gumaemagu ínangugü ga muxũchixü̃ ga ngugagü rü yema ínapegüxü̃gu nayi rü namaxã naxãanemare nhu̱xmata wüxi i ngunexü̃ itixũ ga nax namaxã naxãanemarexü̃. Rü wüxi ga métruwa nangu ga norü yaxcü ga nügüétügu nax nayi̱xü̃.
32 Rü guxü̃ma ga yema ngunexü̃gu, rü guxü̃ma ga yema chütaxü̃gu rü moxü̃ãcüarü ngunexü̃gu rü nüma ga duü̃xü̃gü rü nanade ga yema ngugagü. Rü guxema rü noxremaexü̃ dexe rü 10 chita tüxü̃́ nayexma. Rü yema ínayexmagüxü̃ã̱xtügu tayapagü.
33 Notürü yexguma yexwaca̱x nüxü̃ nangõ̱xnetagügu ga namachi ga yema ngugagü, rü nüma ga Cori ya Tupana rü duü̃xü̃gümaxã nanu, rü nanayuexẽxẽ ga muxü̃ma.
34 Rü yemaca̱x nixĩ ga Quibrúchi-Táwamaxã naxüégagüãxü̃, yerü yexma nixĩ ga nata̱xgüxü̃ ga yema duü̃xü̃gü ga õnaguxicatama rüxĩnüexü̃.
35 --
