Números 13:1-33
13 Rü nüma ga Cori ya Tupana rü Moichémaxã nidexa rü nhanagürü:
2 —¡Ẽcüx, Canaã́anewa namugü i 12 i yatügü nax ngẽ́ma yangugütaegüxü̃ca̱x, erü ngẽma naane tá nixĩ i pexna chaxãxü̃ i pema i Iraéutanüxü̃gü! ¡Rü wüxitücumüwachigü rü inamuãchi i ngẽma norü ãẽ̱xgacü ixĩxü̃! —nhanagürü ga Tupana.
3 Rü nüma ga Moiché rü yema chianexü̃ ga Paráũgu ãégaxü̃wa inanamuãchitanü ga yema ãẽ̱xgacügü yematama Tupana namaxã nüxü̃ ixuxü̃rüxü̃. Rü guxü̃ma ga yema 12 rü natanüxü̃gü ga Iraéutanüxü̃gü nüxü̃ ngechaü̃güxü̃ nixĩgü.
4 --
5 --
6 --
7 --
8 --
9 --
10 --
11 --
12 --
13 --
14 --
15 --
16 --
17 Rü nüma ga Moiché rü nayamugü ga yema yatügü nax Canaã́anewa naxĩxü̃ca̱x rü yéma yangugütaegüxü̃ca̱x. Rü nhanagürü nüxü̃ —¡Ngẽma chianexü̃ i Neguébiguama pexĩ rü ínamáxpü̱xanexü̃wa pechopetü!
18 Rü tá penangugü i ngẽma naane, rü yima ĩane rü ngoxi naporae i ngẽma duü̃xü̃gü i ngẽxma ãchiü̃güxü̃ rüe̱xna tama, rü ngoxi namu rüe̱xna tama.
19 Rü tá penangugügü ya yima norü ĩane rü ngoxi düxenügümare yixĩ rüe̱xna mea ínapoxegugü, rü ngẽma naane i nawa nangexmagüxü̃ rü ngoxi mexü̃ i waixümü yixĩ rüe̱xna tama.
20 Rü tá penangugü rü ngoxi nawaxmüane rüe̱xna tama. Rü ngẽxgumarüxü̃ ta penangugü rü ngoxi nanaixnecüã́ rüe̱xna tama. ¡Rü tauxü̃́ ipemuü̃exü̃! Rü nua tá penge i ngẽ́macüã̱x i nanetüarü o —nhanagürü ga Moiché. Rü yema naanewa rü meama nüxíraxü̃xü̃ ga norü úwaarü o idauxgu nixĩ ga yexguma Moiché yéma namugügu ga yema yatügü ga ngugütaewa yéma ĩxü̃.
21 Rü yema yatügü rü yéma naxĩ rü nayangugügü ga yema nachixü̃ane. Rü súwaama ga chianexü̃ ga Chĩ́ íyexmaxü̃wa inanaxügüe ga nax nangugügüãxü̃ ga yema naane rü nhu̱xmata ĩane ga Réubiwa nangugü ga nórchiwaama ga ĩane ga Amáarü ngaicamána.
22 Rü yema chianexü̃ ga Neguébiwaama nachocu rü nhu̱xmata ĩane ga Ebróü̃wa nangugü. Rü guma ĩanegu nixĩ ga naxãchiü̃güxü̃ ga Aimáũtanüxü̃gü, rü Checháitanüxü̃gü rü Tamáitanüxü̃gü ga Enáquitaagü ixĩgüxü̃. Rü guma ĩane ga Ebróü̃ rü marü nũxcüma naxü. Rü marü 7 ga taunecü nüxíra naxü naxü̃pa ga guma ĩane ga Yoã́ ga Eyítuanewa yexmane.
23 Rü yema ngatexü̃ ga Ecúwa nangugü, rü yéma nayadaegü ga wüxi ga úwamaxü̃chacüxü ga tárexex üchixü̃arü oṍxü̃. Rü wüxi ga naiwa nayawe̱xgü rü yemaacü nügümaxã nayangetaü̃gü. Rü ori̱x ga fígu rü ori̱x ga boxra rü ta ningegü.
24 Rü yema ngatexü̃ rü Ecúgu nanaxüégagü naxca̱x ga yema úwarexe ga yéma yadaegüxü̃ ga yema Iraéutanüxü̃gü.
25 13:25-26 Rü 40 ga ngunexü̃ ningegü ga nax nangugüanegüaxü̃. Rü yemawena rü naxca̱x nawoegu ga yema nachica ga Cáyi ga Paráũarü chianexü̃wa yexmaxü̃ yerü yéma nixĩ ga nayexmagüxü̃ ga Moiché rü Aróũ rü guxü̃ma ga Iraéutanüxü̃gü. Rü nüma ga yema ngugütaewa ne ĩxü̃ rü nüxü̃ nixugügü ga guxü̃ma ga yéma nüxü̃ nadaugüxü̃. Rü nüxü̃ nanawe̱xgü ga yema nanetüarü o ga yema nachixü̃anewa ne nangegüxü̃.
26 Nüü̃ nadau 13:25
27 Rü Moichémaxã nüxü̃ nixugüe rü nhanagürügü: —Marü nawa ne taxĩ i ngẽma naane i nawa toxü̃ cumugüxü̃. Rü aixcuma nixĩ i ngẽma naanewa rü guxü̃wama nangexmaxü̃ i nabüane i mexü̃ rü taguma nataxuxü̃. Rü nhaagü nixĩ i ngẽma nanetügü i ngẽ́ma muxü̃.
28 Notürü ngẽma duü̃xü̃gü i ngẽxma ãchiü̃güxü̃ rü nipora, rü yima norü ĩanegü rü nita rü ínapoxegugü. Rü to ga yéma nüxü̃ tadauxü̃ nixĩ ga guma Enáquitaagü i narüü̃tama imáchanexü̃chixü̃.
29 Rü ngẽma Neguébianewa rü ngẽxma naxãchiü̃gü i ngẽma Amaréchitanüxü̃gü. Rü ngẽma ínamáxpü̱xanexü̃gu rü naxãchiü̃gü i ngẽma Etéutanüxü̃gü rü Yebuchéutanüxü̃gü rü Amuréutanüxü̃gü. Rü márcutügu rü natü i Yurdáũcutügu nixĩ i naxãchiü̃güxü̃ i Canaã́anecüã̱xgü —nhanagürügü.
30 Rü yexguma ga wüxi ga yema ngugütaeruxü̃ ga Carébi rü nanachianexẽxẽ ga yema duü̃xü̃gü ga Moichépe̱xewa yexmagüxü̃ rü nhanagürü: —¡Ngĩxã tóxrüxü̃ tayaxĩxẽxẽ i ngẽma naane, erü yixema rü tüxü̃́ natauxcha nax tóxrüxü̃ yaxĩxẽẽxü̃! —nhanagürü.
31 Notürü ga yema togü ga namücügü rü nanangãxü̃gü rü nhanagürügü nüxü̃: —Tama nixĩ i namexü̃ nax namaxã yigü idaixü̃ i ngẽma duü̃xü̃gü, erü nüma rü tá tüxü̃ narüporamaegü —nhanagürügü.
32 Rü yexguma ga yema togü ga Carébimücügü rü nüxü̃ nixugüe nax nachixexü̃ ga yema naane rü nhanagürügü: —Rü ngẽma nachixü̃ane i nawa ngugütaewa ne taxĩxü̃ rü tama mexü̃ nixĩ. Rü ngẽma naane ga tayangugüxü̃ rü nachu̱xu rü ngẽmagagu muxü̃ma i ngẽma naanegu ãchiü̃güxü̃ i duü̃xü̃gü rü nayue. Rü nhu̱xũchi guxü̃ma ga yatüxü̃gü ga yéma nüxü̃ tadauxü̃ rü nitaxüchi.
33 Rü nüxü̃ tadaugü ga Enáquitanüxü̃ ga itaxüchixü̃ rü máchanexü̃chixü̃. Rü yemaca̱x ga toma ga naxü̃tawa nax togü tadaugüxü̃ rü tanamunügüraxü̃mare. Rü nümagü rü ta yemaacütama toxü̃ nadaugü —nhanagürügü.
