Números 14:1-45
14 Rü yexguma yema ngugütaewa ne ĩxü̃arü orexü̃ naxĩnüegu ga yema Iraéutanüxü̃gü rü aita naxüe, rü yema chütaxü̃ rü axugu ningunexü̃gü.
2 Rü guxü̃ma ga nümagü rü chixri Moiché rü Aróũchigagu nidexagü, rü nhanagürügü: —Narümemae chi nixĩ ga Eyítuanegu nax iyuexü̃ rüe̱xna nuxã ínachianexü̃gu rü tama ngẽma naane i yangugügüxü̃gu nax iyuexü̃.
3 ¿Rü ta̱xacüwa ya Cori ya Tupana i ngẽma nachixü̃anewa tüxü̃ nagagüxü̃ nax ngẽxma daigu iyuexü̃ca̱x, rü taxma̱xgü rü taxacügü rü tórü uanügüme̱xẽgu tayixü̃ca̱x? Rü narümemae nixĩ i Eyítuaneca̱x tawoegu —nhanagürügü.
4 Rü yexguma ga wüxichigü nügümaxã nhanagürügü: —Ngĩxã nüxü̃ taxuneta i wüxi i tórü ãẽ̱xgacü nax tamaxã inacuáxü̃ca̱x rü ngẽmamaxã Eyítuaneca̱x iwoeguxü̃ca̱x —nhanagürügü.
5 Rü yexguma ga Moiché rü Aróũ rü nhaxtüanegu nanangücuchitanü nape̱xewa ga guxü̃ma ga duü̃xü̃gü.
6 Rü nüma ga Yuchué rü Carébi ga yema naane ngugügüxü̃ rü norü ngechaü̃maxã nügü narügáutechirugü.
7 Rü nhanagürügü nüxü̃ ga guxü̃ma ga yema Iraéutanüxü̃gü: —Ngẽma naane ga ítayadaugüxü̃ rü naane i mexü̃ nixĩ.
8 Rü nüma ya Tupana rü tá tüxü̃ narüngü̃xẽxẽ rü tüxü̃́ nanatauxchaxẽxẽ nax ngẽma naanegu ichocuxü̃. Rü tá tüxna nanaxã nax tóxrüxü̃ yixĩxü̃ca̱x. Rü ngẽma nachixü̃anewa rü nhama dexárüxü̃ taguma nataxu i õna i mexü̃.
9 Notürü i pemax rü tama name nax Cori ya Tupanamaxã penuexü̃ rü tama name i nüxü̃ pemuü̃e i ngẽma nachixü̃anecüã̱x i duü̃xü̃gü. Erü nümagü rü tá nhama poũ i ngṍxü̃rüxü̃ tá tüxü̃́ nixĩgü i taxca̱x erü nataxuma i texé nax nüxna dauxü̃. Notürü i yixema rü tüxü̃́ nangexma ya Cori ya Tupana ya tüxna daucü. ¡Rü tauxü̃́ i pemuü̃exü̃! —nhanagürügü.
10 Rü woo yemaxü̃ nax naxĩnüexü̃ ga duü̃xü̃gü rü nanueama rü nutamaxã ínanamuxũchigüchaü̃. Notürü ga Cori ya Tupanaarü üüne rü yéma nango̱x ga guma Tupanapatawa nape̱xewa ga guxü̃ma ga Iraéutanüxü̃gü.
11 Rü yexguma ga nüma ga Cori ya Tupana rü Moichéxü̃ nhanagürü: —¿Nhuxguxüratáta nixĩ i choxü̃́ inaxĩnüexü̃ i nhaa duü̃xü̃gü? ¿Rü nhuxguxüratáta nixĩ i nüxü̃ naxoexü̃ nax tama choxü̃́ yaxõgüaxü̃ rü woo nüxü̃ nax nadaugüxü̃ ga yema mexü̃gü ga chaxüxü̃?
12 Rü naxca̱x tá núma chanamu i wüxi i daweane i nawa nayuexü̃ nax ngẽmaãcü tama nawa nangugüxü̃ca̱x i ngẽma naane. Notürü cuwa tá nixĩ i ichanango̱xẽẽxü̃ i to i duü̃xü̃gü i nhaa duü̃xü̃güxü̃ rümumaexü̃ rü rüporamaegüxü̃ —nhanagürü.
13 14:13-14 Notürü nüma ga Moiché rü Cori ya Tupanaxü̃ nangãxü̃ rü nhanagürü: —Notürü ngẽma Eyítuanecüã̱xgü rü meama nüxü̃ nacua̱xgü ga curü poramaxã nax ícunguxü̃xẽẽ̱xü̃ ga nhaa duü̃xü̃gü. Rü ngẽxguma ngẽma Eyítuanecüã̱xgü nüxü̃ cua̱xgügu i ngẽma nhaa duü̃xü̃gümaxã cuxüxchaü̃xü̃ rü tá Canaã́anecüã̱xgümaxã nüxü̃ nixugüe, rü nümagü rü tá ta nüxü̃ nacua̱xgü. Rü nümagü i ngẽma Canaã́anecüã̱xgü rü marü nüxü̃ naxĩnüe nax cuma rü natanüwa cungexmaxü̃ i ngẽma Iraéutanüxü̃gü, rü cugü naxca̱x cungo̱xẽẽxü̃, rü cuma i guxü̃guma ngẽma caixanexü̃wa naétüwa cungexmaxü̃, rü ngẽma caixanexü̃gu nape̱xe quixũxü̃ i ngunecü rü üxüemagu i chütacü.
14 Nüü̃ nadau 14:13
15 Notürü ngẽxguma tá cunadaixgu i nhaa chautanüxü̃gü rü ngẽma torü uanügü i cuxü̃ cuáchigagüxü̃ rü tá nhanagürügü:
16 “Rü nüma ya Cori ya Tupana rü nüxü̃́ naguxcha nax nawa nangugüxẽẽãxü̃ i ngẽma naane ga namaxã inaxunetaxü̃, rü ngẽmaca̱x nixĩ i ínachianexü̃gu tüxü̃ nayuexẽẽãxü̃”, nhanagürügü tá.
17 Rü ngẽmaca̱x nixĩ, Pa Corix, i namexü̃ nax icunawéxü̃ i curü pora yema tomaxã nüxü̃ quixuxü̃rüü̃tama.
18 14:18-19 Rü woo nüxü̃ quixu nax tama nüxü̃ cuxüpetümarexü̃ i ngẽma chixexü̃ ügüxü̃ rü cunapoxcuxü̃ i ngẽma nanegü rü nataagü nagagu i nanatügüarü chixexü̃, notürü nüxü̃ quixu ta nax tama cunuxwa̱xexü̃ rü nataxüchixü̃ i curü ngechaü̃ rü toxü̃́ nüxü̃ cungechaü̃xü̃ i torü chixexü̃. Rü ngẽmaca̱x cuxü̃ chaca̱a̱xü̃ nax nüxü̃́ nüxü̃ curüngümaxü̃ i nhaa duü̃xü̃güarü chixexü̃, yerü marü yaxna namaxã cuxĩnü ga yexguma Eyítuanewa ínachoxü̃gutama nhu̱xmata nua nhaa nachicawa nangugü —nhanagürü ga Moiché.
19 Nüü̃ nadau 14:18
Cori ya Tupana rü tama nayanaxoxẽxẽ ga duü̃xü̃gü notürü taxũtáma nawa nangugü ga yema naane ga namaxã inaxunetaxü̃
20 Rü nüma ga Cori ya Tupana rü Moichéxü̃ nangãxü̃ rü nhanagürü: —Marü name. Chama rü tá nüxü̃́ nüxü̃ charüngüma i ngẽma duü̃xü̃güarü chixexü̃ ngẽma cuma choxna naxca̱x cuca̱a̱xü̃rüxü̃.
21 14:21-23 Notürü ngẽma nax aixcuma yixĩxü̃ nax chamaxü̃xü̃ rü guxü̃ i nhama i naanewa nax changexmaxü̃, rü ngẽxgumarüxü̃ tá ta aixcuma nixĩ nax taxúetáma ya yíxema Iraéutanüxü̃gü ga nüxü̃ daugüxe ga yema chorü üüne rü yema mexü̃gü ga chaxüxü̃ ga Eyítuanewa rü nua ínachianexü̃wa, rü bai tá ya wüxíe ya yíxema duẽxẽgü nüxü̃ daugüxü̃ i ngẽma naane ga tümaarü o̱xigümaxã nüxü̃ chixuxü̃. Rü bai tá ya wüxíe ga choxü̃ ügümarexe rü choxü̃ oexe rü tama chauga ĩnüexe nüxü̃ tadau i ngẽma naane. Rü bai tá ya wüxíe.
22 Nüü̃ nadau 14:21
23 Nüü̃ nadau 14:21
24 Rü yimá chorü duü̃ ya Carébiicatama nixĩ ya mexü̃gu rüxĩnücü rü aixcuma chauga ĩnücü. Rü ngẽmaca̱x yimáxü̃xicatátama nixĩ i ngẽxma chaxücuxẽẽxü̃ nawa i ngẽma naane ga yangugüxü̃. Rü ngẽma nataagü rü ngẽxma tá naxãchiü̃gü.
25 --
26 --
27 Notürü ngẽma togü i Iraéutanüxü̃gü i chixri chauchiga idexagüxü̃ ¿rü nhuxguxüratáta yaxna namaxã chaxĩnüxü̃ nax chauga naxĩnüexü̃ca̱x?
28 Rü ngẽmaca̱x i ngẽma duü̃xü̃gü i naxca̱x ícagüxü̃ nax nua ínachianexü̃gu nayuexü̃ ¡rü namaxã nüxü̃ ixu rü chama ya Cori ya Tupana rü ngẽma nümatama naxca̱x ínacagüxü̃ãcü tá naxca̱x chanaxü!
29 Rü guxü̃ma i ngẽma duü̃xü̃gü i 20 ya taunecüwa ngugüxü̃ i chixri chauchiga idexagüxü̃ rü tá nuxã ínachianexü̃gu nayue.
30 Rü bai tá i wüxi i ngẽma duü̃xü̃gü nagu nachocux i ngẽma naane i pemaxã nüxü̃ chixuxü̃. Rü Carébi rü Yuchuéxicatama tá nixĩ i ngẽ́ma ngugüxü̃ —nhanagürü ga Cori ya Tupana.
31 --
32 --
33 --
34 --
35 --
36 --
37 --
38 --
Iraéutanüxü̃güxü̃ narüporamae ga norü uanügü
39 Rü yexguma yema Iraéutanüxü̃gümaxã nüxü̃ yaxuxgu ga Moiché ga yema Cori ya Tupana namaxã nüxü̃ ixuxü̃, rü guxü̃ma ga nüma rü poraãcü nangechaü̃gü.
40 Rü yema ga ngunexü̃arü moxü̃ãcü rü pa̱xmamaxü̃chi ínarüdagü rü inaxĩãchi nax ínachõõchixü̃ca̱x ga yema ínamáxpü̱xanexü̃wa. Rü nhanagürügü: —Marü núma tangugü. Rü aixcuma nixĩ nax chixexü̃ taxüxü̃, notürü i nhu̱xmax rü marü ítamemare nax nawa ixĩxü̃ i ngẽma naane ga Cori ya Tupana tamaxã nüxü̃ ixuxü̃ —nhanagürügü.
41 Notürü ga Moiché rü nhanagürü nüxü̃: —¿Tü̱xcüü̃ tama naga pexĩnüe i Cori ya Tupanaarü mu? Rü ngẽma nagu perüxĩnüexü̃ rü taxũtáma mea pexü̃ ínanguxuchi.
42 Rü tama name nax ipexĩamaxü̃, erü ya Cori ya Tupana rü tama napexü̃tagu. Rü ngẽma perü uanügü rü tá pexü̃ narüporamaegü.
43 Rü yéa pepe̱xewa rü ngẽ́ma pexü̃ nanangu̱xẽẽgü i Amaréchitanüxü̃gü, rü Canaã́anecüã̱xgü nax pemaxã nügü nadaixü̃ca̱x rü pexü̃ nayuexẽẽxü̃ca̱x. Erü pema rü nüxna pexĩgachi ya Cori ya Tupana rü ngẽmaca̱x i nüma rü marü tama pexü̃tawa nangexma —nhanagürü.
44 Rü nüma ga Moiché rü yema ínapegüxü̃gutama narüxã̱ũ̱x namaxã ga yema baú ga Tupanaarü mugü nawa yexmaxü̃. Notürü ga nümagü ga Iraéutanüxü̃gü rü ínachõõchiama ga ma̱xpǘneanewa.
45 Notürü yexguma yéma nangugügu rü nümagü ga Amaréchitanüxü̃gü rü Canaã́anecüã̱xgü ga yexma ãchiü̃güxü̃ rü nanadai. Rü nawe nangẽgü rü nhu̱xmata Ómawa nayawogü. Rü yemaacü nüxü̃ narüporamaegü.
