Números 16:1-50
16 16:1,2 Rü Moichémaxã nanu ga wüxi ga Lewítanüxü̃ ga Corégu ãégaxü̃. Rü nüma ga Coré ga Yichá nane rü Coáchitaxa nixĩ. Rü Coréwa naxügü ta ga tamaepü̱x ga yatügü ga Rubéü̃tanüxü̃, ga Datáũ rü Abirã́ũ ga Eliábi nanegü, rü Óü̃ ga Peréchi nane. Rü yemawaama nügü naxügüxẽxẽ ga 250 ga Iraéutanüxü̃gü ga ãẽ̱xgacügü ixĩgüxü̃ ga duü̃xü̃gümaxã icua̱xgüxü̃ rü duü̃xü̃gü mea naga ĩnüexü̃.
2 --
3 Rü guxü̃ma ga yemagü rü nangutaque̱xegü rü Moichémaxã rü Aróũmaxã narüxutagagü rü nhanagürügü: —Marü tama nixĩ nax pexica tomaxã ipecuáxü̃, yerü ga Tupana rü guxãxü̃ma nixĩ ga nadexü̃. Rü ngẽmaca̱x ya Cori ya Tupana rü tamaxã nanuxma i guxãma i yixemax. ¿Rü tü̱xcüü̃ i pemax i Tupanaarü duü̃xü̃güétüwa pegü pexǘgüxẽxẽchaü̃? —nhanagürügü.
4 16:4-5 Rü yemaxü̃ naxĩnügu ga Moiché rü nhaxtüanegu nayangücuchi rü Coréxü̃ rü yema nawe rüxĩxü̃xü̃ nhanagürü: —Moxü̃ pa̱xmama rü nüma ya Cori ya Tupana rü tá tüxü̃ nüxü̃ nacua̱xẽxẽ rü texé tixĩ ya noxrü ixĩxe rü tüxü̃ naxunetaxe nax nape̱xewa tayaguxü̃ca̱x i ãmaregü —nhanagürü.
5 Nüü̃ nadau 16:4
6 --
7 --
8 --
9 --
10 --
11 --
12 Rü nhu̱xũchi ga Moiché rü naxca̱x nangema ga Datáũ rü Abirã́ũ ga Eliábi nanegü ixĩgücü. Notürü ga nümagü rü Moichéxü̃tawa namugagü rü nhanagürügü: —Tama cuxü̃tawa taxĩxchaü̃.
13 ¿Ẽ̱xna cuxca̱x rü wüxi ga ĩnüca nixĩ ga toxü̃ nax ícugaxü̃xü̃ nawa ga Eyítuane ga mexü̃ ga õna taguma ítaxuxü̃wa nax nuxã ínachianexü̃gu toxü̃ cuyuexẽẽxü̃ca̱x? ¿Rü ngẽmaãcü i cunaxwa̱xexü̃ nax torü ãẽ̱xgacü quixĩxü̃?
14 Rü tama aixcuma nixĩ i nawa toxü̃ cugagüxü̃ i ngẽma naane i mexü̃ i õna taguma ítaxuxü̃wa, rü tama toxna cuyaxãchigü i torü naane rü úwanecügü. ¿Rü cuma nagu curüxĩnügu rü nhaa duü̃xü̃gü rü ningexetü nax cuma ícunaxwa̱xexü̃wa cunagagüxü̃ca̱x? Rü taxũtáma cuxü̃tawa taxĩ —nhanagürügü.
15 Rü yexguma ga Moiché rü poraãcü nanu, rü Cori ya Tupanaxü̃ nhanagürü: —Tama chanaxwa̱xe i nüxü̃́ cunayaxu i ngẽma duü̃xü̃güarü ãmaregü. Erü chama rü taguma nhuxgu wüxi i norü búru nüxna chayaxu, rü bai i nhuxgu wüxíemaxã chixexü̃ chaxü —nhanagürü.
16 Rü nhu̱xũchi Coréxü̃ nhanagürü: —Moxü̃arü ngunexü̃gu rü chanaxwa̱xe i nua Cori ya Tupanape̱xewa pexĩ namaxã i cutanüxü̃gü. Rü Aróũ rü tá ta nangexma.
17 Rü guxãma i pema i 250 i duü̃xü̃gü pexĩgüxü̃, rü name nixĩ i wüxichigü nua penange i perü pumárate̱xearü guruxü̃ i pumárate̱xemaxã pexüãcuxü̃. Rü Aróũ rü ta ngẽxgumarüxü̃ tátama nanaxü —nhanagürü.
18 Rü yemaacü wüxichigü nanayauxgü ga norü pumárate̱xearü guruxü̃. Rü ã́we ga naicümaxã nayaxüãcu rü nhu̱xũchi pumárate̱xe naétü nagügü. Rü yemaacü Tupanapataarü ĩã̱xgu nayachigü namaxã ga Moiché rü Aróũ.
19 Rü nüma ga Coré rü Moichémaxã rü Aróũmaxã nananuexẽxẽ ga duü̃xü̃gü. Rü yemaca̱x Tupanapatape̱xegu nangutaque̱xegü ga guxü̃ma ga yema duü̃xü̃gü. Rü Tupanaarü üüne rü naxca̱x nango̱x.
20 16:20-21 Rü nüma ga Cori ya Tupana rü Moichémaxã rü Aróũmaxã nhanagürü: —¡Pexĩgachi natanüwa i ngẽma duü̃xü̃gü! Erü nhu̱xmatátama chanadai —nhanagürü.
21 Nüü̃ nadau 16:20
22 Notürü nüma ga Moiché rü Aróũ rü Tupanape̱xegu nhaxtüanegu nanangücuchitanü rü nhanagürügü nüxü̃: —Pa Tupanax, cuma nax cunamaxẽxẽẽxü̃ i guxü̃ma i duü̃xü̃gü, rü tama name i wüxitama i duü̃xü̃arü chixexü̃gagu rü guxü̃ma i duü̃xü̃gümaxã cunu —nhanagürügü.
23 16:23-24 Rü nüma ga Cori ya Tupana rü Moichéxü̃ nangãxü̃ rü nhanagürü: —¡Namaxã nüxü̃ ixu i guxü̃ma i Iraéutanüxü̃gü rü ínachoxü̃ nawa ya yima napatagü ya Coré rü Datáũ rü Abirã́ũ nawa ngẽxmagüne! —nhanagürü.
24 Nüü̃ nadau 16:23
25 Rü yexguma ga Moiché rü inaxũãchi. Rü nawe narüxĩ ga Iraéutanüxü̃güarü ãẽ̱xgacügü. Rü Datáũ rü Abirã́ũ íyexmagüxü̃wa naxĩ.
26 Rü nüma ga Moiché rü duü̃xü̃gümaxã nüxü̃ nixu rü nhanagürü: —¡Nüxna pexĩgachi ya napatagü i nhaa duü̃xü̃gü i chixexü̃gu rüxĩnüexü̃! ¡Rü taxũtáma nüxü̃ pedáu i norü ngẽmaxü̃gü nax tama naxrüxü̃ norü chixexü̃gagu peyuexü̃ca̱x! —nhanagürü.
27 --
28 --
29 --
30 --
31 Rü yexguma Moiché rüchianegu ga nax yadexaxü̃, rü ga waixümü rü ninge̱x napatatüü̃wa ga yema duü̃xü̃gü.
32 Rü yexma nayicu ga guxü̃ma ga yema duü̃xü̃gü ga Coréweama rüxĩxü̃, wüxigu namaxã ga naxacügü rü naxma̱xgü rü guxü̃ma ga norü yemaxü̃gü.
33 Rü maxẽxü̃ma yema waixümü ga ingéxü̃gu nayicu namaxã ga norü yemaxü̃gü. Rü nhu̱xũchi ga yema waixümü rü nügüna naxũ. Rü yemaacü yema Iraéutanüxü̃gütanüwa inayarüxo ga yema duü̃xü̃gü.
34 --
35 --
36 --
37 --
38 --
39 --
40 --
41 Rü yemaarü moxü̃ãcü rü guxü̃ma ga yema Iraéutanüxü̃gü rü inanaxügüe ga Moiché rü Aróũchiga nax chixri yadexagüxü̃. Rü nhanagürügü: —Pema rü penadaimare i nhaa Cori ya Tupanaarü duü̃xü̃gü —nhanagürügü.
42 Rü guxü̃ma ga yema duü̃xü̃gü rü Moichéxü̃ rü Aróũxü̃ ínachomaeguãchi rü yéma niporagatanücüxü. Notürü ga nüma ga Moiché rü Aróũ rü Tupanapatawaama naxĩ. Rü yexgumatama yema caxixü̃ ga Cori ya Tupana nawa yexmaxü̃ rü napataétügu ínarüxĩ, rü norü üünemaxã nayadüxü.
43 16:43-44 Rü nüma ga Moiché rü Aróũ rü Tupanapataarü ücuchicawa nangugü rü yexma nayachigü. Rü nüma ga Cori ya Tupana rü Moichéxü̃ nhanagürü:
44 Nüü̃ nadau 16:43
45 —¡Pexĩgachi natanüwa i ngẽma duü̃xü̃gü, erü nhu̱xmax tátama chanadai! —nhanagürü. Rü nüma ga Moiché rü Aróũ rü yexgumatama nhaxtüanegu nayangücuchitanü.
46 Rü nüma ga Moiché rü Aróũxü̃ nhanagürü: —¡Nua nange i curü pumárate̱xearü guruxü̃, rü ã́xwe i naxü̃nagüarü guruxü̃wa cuyaxucümaxã naxüãcu, rü nhu̱xũchi pumárate̱xe ngẽxma ta nagü! ¡Rü nhu̱xũchi paxa duü̃xü̃gü íngexmagüxü̃wa naxũ rü ngẽ́ma duü̃xü̃güca̱x nüxna nachogü ya Tupana nax nüxü̃́ nüxü̃ nangümaxü̃ca̱x i norü chixexü̃gü! Erü nüma ya Cori ya Tupana rü poraãcü nanuxũchi, rü ngẽma daaweane i namaxã nadaiaxü̃ rü marü inaxügü —nhanagürü.
47 Rü nüma ga Aróũ nanaxü ga yema Moiché namaxã nüxü̃ ixuxü̃. Rü paxa inanhaãchi rü yema duü̃xü̃gü íngutaque̱xexü̃wa naxũ. Rü yema daaweane ga Tupana yéma muxü̃ rü marü natanüwa nangu ga duü̃xü̃gü rü marü poraãcüma ta nayue. Rü yexguma ga nüma ga Aróũ rü yema pumárate̱xearü guruxü̃gu nanagü ga pumárate̱xe, rü Tupanana naca nax duü̃xü̃güaxü̃́ nüxü̃ yanangümaxü̃ca̱x ga norü chixexü̃gü.
48 Rü nhu̱xũchi ga nüma ga Aróũ rü yema maxẽxü̃ rü yema marü yuexü̃machate̱xegu nachi. Rü yexguma ínayachaxãchi ga yema daaweane.
49 Notürü marü 14,700 ga duü̃xü̃gü nixĩ ga yuexü̃ namaxã ga yema daaweane. Rü naétü nixĩ ga yema nüxíra marü yuexü̃ ga Coréwe rüxĩxü̃ ga tama Moichéga ĩnüechaü̃xü̃.
50 Rü yexguma marü iyanaxoxgu ga yema daaweane, rü nüma ga Aróũ rü wenaxarü Tupanapataca̱x natáegu ga Moiché íyexmaxü̃wa.
