Números 20:1-29
20 Rü taunecüarü ügüarü tauemacügu nixĩ ga Iraéutanüxü̃gü ga chianexü̃ ga Chĩ́gu ãégaxü̃wa nangugüxü̃. Rü nachica ga Cáyigu ãégaxü̃gu narücho. Rü yexma nixĩ ga nayuxü̃ ga Moiché naeya̱x ga Miriãü̃ rü ngĩxü̃ nata̱xgüxü̃.
2 Notürü ga duü̃xü̃gü rü nüxü̃́ nataxuma ga dexá, rü yemaca̱x nangutaque̱xegü rü Moichémaxã rü Aróũmaxã narüxutagagü.
3 Rü nhanagürügü Moichéxü̃: —Narümemae chi nixĩ ga wüxigu namaxã tayuexü̃ ga yema tatanüxü̃gü ga Cori Tabéragu daixü̃.
4 ¿Rü tü̱xcüü̃ nixĩ i nua toxü̃ pegagüxü̃ i toma i Cori ya Tupanaarü duü̃xü̃gü nax tixĩgüxü̃? ¿Ẽ̱xna penaxwa̱xe nax nua tayuexü̃ wüxigu namaxã i toxü̃nagü?
5 ¿Rü tü̱xcüü̃ ga toxü̃ ípegaxü̃xü̃ ga Eyítuanewa nax nhaa nachica i chixexü̃ rü ãũcümaxü̃wa toxü̃ pegagüxü̃ca̱x? Erü nua rü taxucürüwama ta̱xacü nuxã tato, rü nataxuma i iguéra, rü úwa, rü boxra. Rü dexá rü nataxu i nawa ixaxexü̃ —nhanagürügü.
6 Rü nüma ga Moiché rü Aróũ rü nüxna nixĩgachi ga yema duü̃xü̃gü, rü Tupanapataarü ücuchicawa naxĩ, rü yexma nanangücuchitanü. Rü yéma nixĩ ga Tupanaarü üüne ga naxca̱x nangóxü̃.
7 20:7-8 Rü nüma ga Cori ya Tupana rü nhanagürü Moichéxü̃: —¡Nayaxu ya yima curü naixmena̱xã rü nhu̱xũchi cuenexẽ ya Aróũarü ngü̃xẽẽmaxã nangutaque̱xexẽxẽ i duü̃xü̃gü! ¡Rü nhu̱xũchi guxü̃pe̱xewa rü yimá ngẽ́ma ngẽxmacü ya nutamaxã nüxü̃ ixu nax dexá pexna naxãxü̃ca̱x! Rü tá nüxü̃ cudau nax yimá nutawa tá dexá yagoxü̃chiüxü̃ nax ngẽmawa naxaxegüxü̃ca̱x i nümagü i duü̃xü̃gü rü naxü̃nagü —nhanagürü.
8 Nüü̃ nadau 20:7
9 Rü nüma ga Moiché rü Cori ya Tupanapatawa nanayaxu ga guma naixmena̱xã yema nümatama namuaxü̃rüxü̃.
10 Rü nhu̱xũchi ga Moiché rü Aróũ rü gumá nutaxü̃tagu nanangutaque̱xexẽxẽ ga duü̃xü̃gü, rü nhanagürü nüxü̃: —¡Iperüxĩnüe, Pa Duü̃xü̃gü i Tama Ixĩnüechaxü̃xü̃x! ¿Rü taxũtá ẽ̱xna i nhu̱xmax i nüxü̃ pedauxü̃ nax daa nutawa dexá pexca̱x ngóxü̃ nax nawa pexaxegüxü̃ca̱x? —nhanagürü.
11 Rü yema nhaxguwena ga Moiché rü guma naixmena̱xãmaxã naxunagüchacüxü, rü taxree̱xpü̱xcüna guma nutawa nanacua̱i̱xca. Rü taxü̃ ga dexá yéma inayagoxü̃chixü. Rü yemaacü ga duü̃xü̃gü rü naxü̃nagü rü naxaxegü.
12 Notürü nüma ga Cori ya Tupana rü Moichéxü̃ rü Aróũxü̃ nhanagürü: —Nhu̱xma nax tama mea chagu peyaxõgüxü̃ rü tama choxü̃ pecua̱xüü̃güxü̃ i nape̱xewa i ngẽma Iraéutanüxü̃gü, rü ngẽmaca̱x i pema rü marü taxũtáma nhaa duü̃xü̃gümaxã nawa pengugü i ngẽma naane i pexna chaxãxü̃ —nhanagürü ga Tupana.
13 --
14 --
15 --
16 --
17 --
18 --
19 --
20 --
21 --
22 --
23 --
24 --
25 --
26 --
27 --
28 --
29 --
