Números 24:1-25
24 Notürü nüma ga Baraáũ rü marü nüxü̃ nicua̱xãchi rü Cori ya Tupana rü tagutáma chixexü̃ Iraéutanüxü̃gümaxã naxuegu. Rü yemaca̱x marü tama wena Tupanaxü̃tawa naxũ nax ore yayaxuxü̃ca̱x noxrirüxü̃. Rü yema Iraéutanüxü̃gü ípegüxü̃gu nadawenümare.
Ore i mexü̃ i Tupana Baraáũa̱xwa nüxü̃ ixuxü̃
2 Rü yexguma nüxü̃ nadauyane ga yema Iraéutanüxü̃gü nax nügütanüxü̃chigüãcüma naxãpatagüxü̃, rü Tupanaãxẽ ya Üünexü̃ rü Baraáũna nangu rü namaxã inacua̱x.
3 Rü yemaca̱x ga nüma ga Baraáũ rü nüxü̃ nixu ga nhaa ore nachiga ga Iraéutanüxü̃gü, rü nhanagürü: —Nhaa nixĩ i chorü ore i chama i Peú nane i mearü dawenüácü chixĩxü̃.
4 Rü ngẽxguma Tupana choxü̃ nüxü̃ dauxẽẽgux, rü nüma ya guxü̃étüwa ngẽxmacü meama choxü̃ nüxü̃ nacua̱xẽxẽ i ngẽma nax nhuxãcü tá yixĩxü̃ i ngẽma Iraéutanüxü̃gü.
5 Rü pemax, Pa Yacútanüxü̃güx rü nimexechi ya pepatagü. Rü pemax, Pa Iraéutanüxü̃güx, rü namexechi i ngẽma ípepegüxü̃wa.
6 Rü pepatagü rü nhama temagü i máxchimüxü̃xü̃rüxü̃ nixĩgü. Rü ngẽma ípepegüxü̃wa rü nhama ori̱xnecü i natüpechinügu togüxü̃rüxü̃ nixĩgü. Rü pema rü nhama naigü i mexechixü̃ i Tupanatama itogüxü̃rüxü̃ pexĩgü, rü nhama ocayiwagü i natüpechinüwa rüxügüxü̃rüxü̃ pexĩgü.
7 Rü pemax, Pa Iraéutanüxü̃güx, rü tá pexü̃́ nangexma i taxü̃tama i dexá nax nawa pexaxegüxü̃ca̱x rü penetügü namaxã pimegüxü̃ca̱x. Rü perü ãẽ̱xgacügü rü tá guxü̃ i togü i ãẽ̱xgacügüétüwa nangexmagü, rü pechixü̃ane rü tá naporaxüchi.
8 Rü guma Tupana ga Eyítuanewa pexü̃ ínguxü̃xẽẽcü rü yimá tá nixĩ ya pora pexna ãcü. Rü pema i Iraéutanüxü̃gü rü tá penadai i guxü̃ma i nachixü̃anecüã̱xgü i perü uanügü ixĩgüxü̃. Rü tá ipenapóü̃güchina̱xã, rü tá pexnemaxã penadai.
9 Rü ngẽxguma ipecagügux nax pepeexü̃ca̱x rü nhama wüxi i ai i pexü̃rüxü̃ tá pexĩgü nax taxúetáma tügü írüporaxü̃ nax pexü̃ ítaba̱i̱xgüxü̃ca̱x. ¡Rü mexü̃ tüxü̃ ngupetü ya yíxema mexü̃ pemaxã ueguxe, Pa Iraéutanüxü̃güx, rü chixexü̃ tüxü̃ ngupetü ya yíxema chixexü̃ pemaxã ueguxe! —nhanagürü ga Baraáũ.
10 Rü yemaxü̃ naxĩnügu ga Baráqui rü poraãcü nanuxũchi Baraáũmaxã, rü napéxme̱xẽãcümaxã nhanagürü: —Chama rü cuxca̱x changema nax chixexü̃ namaxã cuxueguxü̃ca̱x i ngẽma chorü uanügü, notürü marü tamaepü̱xcüna nixĩ nax mexü̃ namaxã cuxueguxü̃.
11 Rü narümemae nixĩ nax cuchiü̃ca̱x cutáeguxü̃. Chama rü marü ichaxuneta nax mexü̃maxã cuxü̃ chatachigaxẽẽxü̃, notürü nüma ya Cori ya Tupana rü tama nanaxwa̱xe nax ngẽma mexü̃ cumaxã chaxüxü̃ —nhanagürü.
12 --
13 --
14 --
15 --
16 --
17 --
18 --
19 --
20 --
21 --
22 --
23 --
24 --
25 --
