Números 25:1-18
25 Rü yexguma Chitíü̃gu naxãchiü̃gügu ga Iraéutanüxü̃gü, rü yema norü ngextü̱xücügü rü inanaxügüe ga Moábianecüã̱xgüarü paxü̃gümaxã nax namaxẽxü̃.
2 Rü düxwa ga nüma ga paxü̃gü rü norü tupanagüca̱x ínangutaque̱xegüxü̃wa yema ngextü̱xücügüxü̃ nagagü. Rü nüma ga Iraéutanüxü̃gü rü natanüwa nachibüe rü nhu̱xũchi yema Moábianecüã̱xgüarü tupanaxü̃ nicua̱xüxü̃gü.
3 Rü yemaacü muxü̃ma ga yema Iraéutanüxü̃gü rü nügü inaxãgü nax Baá-Peúxü̃ nax yacua̱xüü̃güxü̃. Rü yemaca̱x ga Cori ya Tupana rü poraãcü Iraéutanüxü̃gümaxã nanu.
4 Rü yemaca̱x Moichéxü̃ nhanagürü: —¡Ẽcü nangutaque̱xexẽxẽ i guxü̃ma i ngẽma Iraéutanüxü̃güarü ãẽ̱xgacügü i nayauxgüxü̃ nax Baá-Peúxü̃ yacua̱xüü̃güxü̃! ¡Rü chape̱xegu nadai i ngunecü rü nhu̱xũchi naitanüwa nachü̱xüxquegüxẽxẽ i naxü̃negü nax guxü̃ma i duü̃xü̃gü nüxü̃ nadaugüxü̃ca̱x! Rü ngẽxgumaxica tá nixĩ i charüngüxmüxü̃ namaxã i ngẽma Iraéutanüxü̃gü —nhanagürü ga Tupana.
5 Rü yexguma ga nüma ga Moiché rü nanamu ga norü ngü̃xẽẽruü̃gü ga ãẽ̱xgacügü ga wüxitücumüchigü ga Iraéutanüxü̃gümaxã icua̱xgüxü̃, rü nhanagürü nüxü̃: —Rü wüxichigü i pema rü tá penadai i ngẽma petanüxü̃güchigü ixĩgüxü̃ i nügü ixãgüxü̃ nax Baá-Peúxü̃ yacua̱xüü̃güxü̃ —nhanagürü.
6 Notürü yexguma Moichémaxã Tupanapataa̱xtüwa nangutaque̱xegügu ga Iraéutanüxü̃gü ga íxauxexü̃, rü yexgumayane rü wüxi ga Iraéutanüxü̃ rü wüxi ga ngexü̃ ga Miyiã́ũanecüã̱xmaxã yéma naxüpetü nax napatawa nagaaxü̃ca̱x.
7 Rü yexguma yema yatüxü̃ nada̱xgux ga Finéya ga Ereachá nane ga chacherdóte ga Aróũtaxa, rü nixũgachi ga yema Iraéutanüxü̃gü íngutaque̱xegüxü̃wa. Rü nanayaxu ga norü wocae.
8 Rü nawe nangẽ ga yema yatü ga chixexü̃ üxü̃ nhu̱xmata norü pechicawa. Rü yexma nayatopetütanü ga yema taxre norü wocaemaxã. Rü yemaacü inarüxo ga yema daweane.
9 Notürü 24,000 ga Iraéutanüxü̃gü nixĩ ga yema chixexü̃gagu namaxã yuexü̃.
10 Rü yemawena ga Cori ya Tupana rü Moichémaxã nüxü̃ nixu rü nhanagürü:
11 —Yimá Finéyagagu nixĩ i charüngüxmüxü̃ namaxã i ngẽma Iraéutanüxü̃gü erü nüma ga Finéya rü chauxrüxü̃ poraãcü nayanuxü̃ i ngẽma Iraéutanüxü̃gü. Rü ngẽmaca̱x nixĩ i yaxna ngẽma duü̃xü̃gümaxã chaxĩnü, rü tama chanadaxichixü̃.
12 25:12-13 ¡Rü Finéyamaxã nüxü̃ ixu rü tá nüxü̃ chaxuneta nax nüma rü nataagü nax Iraéutanüxü̃güarü chacherdótegü yixĩgüxü̃ca̱x i guxü̃gutáma! Erü nüma rü cha̱u̱xca̱x nayanuxü̃ rü yemagagu nixĩ ga choxü̃ nangüxmüxẽẽxü̃ namaxã i ngẽma Iraéutanüxü̃gü —nhanagürü.
13 Nüü̃ nadau 25:12
14 --
15 --
16 --
17 --
18 --
