Números 31:1-54
31 Rü nüma ga Cori ya Tupana rü Moichémaxã nidexa rü nhanagürü nüxü̃:
2 —¡Ẽcü naxütanü i Iraéutanüxü̃gü rü nadai i ngẽma Miyiã́ũanecüã̱xgü erü chixexü̃gu Iraéutanüxü̃güxü̃ nayixẽxẽ! Rü ngẽmawena, Pa Moichéx, rü marü name nax cuyuxü̃ —nhanagürü.
3 Rü yexguma ga nüma ga Moiché rü duü̃xü̃güxü̃ nhanagürü: —¡Nhuxre i pema rü penamexẽxẽ i pexnegü nax Cori ya Tupanaégagu peyadaixü̃ca̱x i Miyiã́ũanecüã̱xgü nax ngẽmaãcü yixĩ ixütanüxü̃ca̱x naxca̱x ga yema chixexü̃ ga Tupanape̱xewa naxügüxü̃!
4 Rü ngẽmaca̱x rü wüxitücumüwachigü tá ngẽ́ma penamugü i 1000 chigü i churaragü i daiwa ĩxü̃.
5 Rü ngẽmaca̱x name nixĩ i wüxitücumüwachigü peyadexechixü̃ i 1000 i churaragü nax ngẽmaãcü guxü̃wama 12,000 wa nanguxü̃ca̱x. Rü ngẽmagü rü mea tá nixãxne nax daiwa naxĩxü̃ca̱x — nhanagürü.
6 Rü nüma ga Moiché rü inanamuãchitanü nax daiwa naxĩxü̃ca̱x. Rü nüma ga chacherdóte ga Ereachá nane ga Finéya nixĩ ga íyaxümücüxü̃. Rü nüma nixĩ ga namaxã inacuáxü̃ ga yema Tupanapataarü yemaxü̃gü ga üünexü̃ ga íyangegüxü̃ rü cornétagü ga yacuegüne.
7 Rü yexguma ga yema Iraéutanüxü̃gü rü guxü̃ma ga yema yatügü ga Miyiã́ũanecüã̱xgüxü̃ nadai yema Cori ya Tupana Moichémaxã nüxü̃ ixuxü̃rüxü̃.
8 Rü nanadai ga yema 5 ga Miyiã́ũanecüã̱xgüarü ãẽ̱xgacügü ga Éwi, rü Requéü̃, rü Yur, rü Úru, rü Réba. Rü yexgumarüxü̃ ta nayama̱xgü ga Baraáũ ga Beú nane.
9 Rü nüma ga Iraéutanüxü̃güarü churaragü rü ínanayauxü̃ ga yema Miyiã́ũanecüã̱xgüarü ngexü̃gü rü norü buxü̃gü. Rü yexgumarüxü̃ ta nayagagü ga norü wocagü rü togü ga naxü̃nagü rü nayana ga norü yemaxü̃gü.
10 Rü nhu̱xũchi ínanagu ga norü ĩanegü ga taxü̃ne rü norü ĩanexacügü.
11 31:11-12 Rü guxü̃ma ga yema ngexü̃gü rü buxü̃gü ga ínayauxü̃xü̃ rü wocagü rü togü ga naxü̃nagü ga yagagüxü̃, rü Moichéxü̃tawa rü chacherdóte ga Ereacháxü̃tawa nanagagü ga ngextá yema togü ga Iraéutanüxü̃gü íyexmagüxü̃wa ga Moábianearü metachinüxü̃wa ga natü ga Yurdáũarü léstewa ga ĩane ga Yericóarü to̱xma̱xtawa.
12 Nüü̃ nadau 31:11
13 Rü nüma ga Moiché rü chacherdóte ga Ereachá rü guxü̃ma ga togü ga ãẽ̱xgacügü, rü yema churaragüca̱x nibuxmü nax yéma ínapegüxü̃pemagu nüxü̃ yangaugüxü̃ca̱x.
14 31:14-15 Notürü nüma ga Moiché rü yema churaragüerugümaxã nanu rü nhanagürü nüxü̃: —¿Tü̱xcüü̃ penamaxẽxẽxẽ i ngẽma ngexü̃gü?
15 Nüü̃ nadau 31:14
16 Erü nümagü nixĩ i Baraáũarü ucu̱xẽ inaxĩnüexü̃ rü yemamaxã nachixexẽẽgüaxü̃ ga tatanüxü̃ nax Baá-Peúxü̃ yacua̱xüü̃güxü̃ca̱x. Rü yema chixexü̃gagu nixĩ ga Tupana nadaixü̃ ga tatanüxü̃.
17 ¡Rü nhu̱xmatama penadai i ngẽma buxü̃gü i yatüxü̃ rü guxü̃ma i ngẽma ngexü̃gü i marü yatümaxã maxẽxü̃!
18 Notürü ngẽma paxü̃gü i taguma yatümaxã maxẽxü̃, rü ngexrüma nax penadaixü̃. Rü pexü̃taxü̃xü̃ penayaxu ega penaxwa̱xegu —nhanagürü.
19 --
20 --
21 --
22 --
23 --
24 --
25 --
26 --
27 --
28 --
29 --
30 --
31 --
32 --
33 --
34 --
35 --
36 --
37 --
38 --
39 --
40 --
41 --
42 --
43 --
44 --
45 --
46 --
47 --
48 --
49 --
50 --
51 --
52 --
53 --
54 --
