Nehemías 8:1-18
8 Rü guma norü 7 ga tauemacügu (setẽ́bru) rü guxü̃ma ga yema duü̃xü̃gü ga marü norü ĩanewa iyexmachigüxü̃ rü wena Yerucharéü̃ca̱x nawoegu nax nüxü̃ naxĩnüexü̃ca̱x ga Tupanaarü ore. Rü yema ĩanearü ngutaque̱xechica ga Ĩã̱x ga Dexágu ãégaxü̃arü to̱xma̱xtawa yexmaxü̃gu nangutaque̱xegü. Rü nhu̱xũchi ga nüma ga duü̃xü̃gü rü chacherdóte ga Édraxü̃ nhanagürügü: “¡Ẽcü nua nange i ngẽma Cori ya Tupanaarü mugüpane ga Moiché ümatüxü̃ naxca̱x ga tórü o̱xigü ga Iraéutanüxü̃gü!” nhanagürügü.
2 Rü nüma ga chacherdóte ga Édra rü yéma nanange ga yema Tupanaarü mugüpane nape̱xewa ga yema duü̃xü̃gü ga yexma ngutaque̱xegüxü̃ ga yatüxü̃ rü ngexü̃ rü ngextü̱xücügü rü pacügü.
3 Rü exü̃wa inanaxügü rü nhu̱xmata tocuchiwa nangu nax duü̃xü̃güca̱x nüxü̃ nadaumatüxü̃ ga Tupanaarü mugü nawa ga yema ĩanearü ngutaque̱xechica ga ĩã̱x ga Dexágu ãégaxü̃arü to̱xma̱xtawa yexmaxü̃. Rü guxü̃ma ga duü̃xü̃gü rü meama inarüxĩnüe ga yema Tupanaarü mugü.
4 Rü nüma ga chacherdóte ga Édra rü nachinagü nagu ga wüxi ga chinagüruxü̃ ga mürapewanaxca̱x ga woetama yemaruxü̃ yexma üxü̃. Rü norü tügünecüwaguama nachigü ga Matatía, rü Chéma, rü Anía, rü Uría, rü Ichía rü Maachía. Rü norü to̱xwecüwaguama nachigü ga Pedaía, rü Michaéu, rü Maquía, rü Achúü̃, rü Abadána, rü Yacaría rü Mechuráũ.
5 --
6 --
7 --
8 Rü nümagü rü tagaãcü duü̃xü̃güca̱x nüxü̃ nadaumatügü ga yema Tupanaarü mugüpane. Rü nhu̱xũchi meama duü̃xü̃gümaxã nanango̱xẽxẽ ga yema ore nax nüxü̃ nacua̱xgüxü̃ca̱x nax ta̱xacüchiga yixĩxü̃.
9 Rü guxü̃ma ga duü̃xü̃gü rü yexguma nüxü̃ naxĩnüegu ga yema Tupanaarü mugü rü naxauxe. Notürü ga chama ga ãẽ̱xgacü ga Neemía, rü nümatama ga chacherdóte ga Édra, rü yema tomücügü ga Lewítanüxü̃gü rü tanataãxẽxẽxẽ ga yema duü̃xü̃gü, rü nhatagürügü nüxü̃: “¡Tauxü̃́ i pengechaxü̃güxü̃ rü pexauxexü̃! Erü nhama i ngunexü̃ rü woetama tórü Cori ya Tupanaca̱x ítanaxüxüchi”, nhatagürügü.
10 Rü nhanagürü ta ga Édra: “¡Ẽcü mea peyachibüe rü wíũ ya maixcuracü peyaxaxü rü tüxna pexu ya texé ya tüxü̃́ nataxúxe i tümaarü õna nax wüxigu petaãxẽgüxü̃ca̱x! Erü nhama i ngunexü̃ rü woetama Cori ya Tupanaca̱x ítanaxüxüchi. Rü ngẽmaca̱x tama name nax pengechaü̃güxü̃ erü ngẽma taãxẽ i tórü Cori ya Tupana tüxna ãxü̃ rü tórü poxü̃ruxü̃ nixĩ”, nhanagürü.
11 Rü yexgumarüxü̃ ta ga nüma ga Lewítanüxü̃gü rü duü̃xü̃gümaxã nüxü̃ nixugüe rü nhanagürügü: “Marütama nax pexauxexü̃. Erü nhama i ngunexü̃ rü woetama Cori ya Tupanaca̱x ítanaxüxüchi”, nhanagürügü.
12 Rü yexguma ga nüma ga guxü̃ma ga duü̃xü̃gü rü chibüwa rü axewa naxĩ rü namücügümaxã nangaugü ga norü õnagü. Rü yemaacü nanaxüchigagü ga yema ngunexü̃, yerü nüxü̃ nicua̱xãchitanü ga yema Édra nangúexẽẽxü̃.
13 --
14 --
15 --
16 --
17 --
18 --
