Oséias 14:1-9
14 Pa Iraéuanecüã̱xgüx nax Perü Chixexü̃gagu Peyi̱xixü̃x ¡rü naxca̱x pewoegu ya Cori ya perü Tupana!
2 Rü nhaãcü peyumüxẽgü: “¡Pa Torü Cori ya Tupanax, rü toxü̃́ nüxü̃ irüngüma i guxü̃ma i torü chixexü̃gü! ¡Rü mea toxü̃́ nayaxu i nhaa torü cua̱xüxü̃ i cuxna taxãxü̃!
3 Rü marü nüxü̃ tadaugü rü ngẽma Achíriaanecüã̱xgü rü tama aixcuma toxü̃ ínapoxü̃, rü woo chi cowaruétügu taxĩxgu rü taxũchima tamaxẽ. Rü ngẽmaca̱x i nhu̱xmax rü marü taxũtáma namaxã tatupanaã̱x i ta̱xacü i tomatama taxüxü̃. Erü toma nax tangearü yoraáxü̃ rü cuxicatama nixĩ i aixcuma cuxü̃́ tangechaü̃tümüxü̃güxü̃” nhaperügü tá.
Cori ya Tupana rü Iraéuanecüã̱xgümaxã inaxuneta nax ngexwaca̱xü̃xü̃ i maxü̃ tá nüxna naxãxü̃
4 Rü nhanagürü ya Cori ya Tupana: —Ngẽma duü̃xü̃gü i tama chauga ĩnüexü̃ rü tá chaugümaxã ichanangüxmüexẽxẽ. Rü tá nüxü̃ changechaü̃ama woo tamachire̱x ngẽma nixĩ i norü natanü. Erü marü nangupetü nax namaxã chanuxü̃.
5 Rü nhu̱xmax i chama rü tá nüxü̃ charüngü̃xẽẽ i ngẽma Iraéuanecüã̱xgü nhama cherena nanetügüxü̃ iwaixẽẽcürüxü̃. Rü ngẽma Iraéuanecüã̱xgü rü tá nataãxẽgü nhama putüra i líriu meama ixãchacuxü̃rüxü̃. Rü yima ma̱xpǘne ya Líbanu guxü̃guma ngẽxmaechanerüxü̃ tá nixĩ i ngẽma Iraéuanecüã̱xgü nax guxü̃gutáma nachixü̃anewa nangexmagüxü̃.
6 Rü nhama oríwa itaetaxü̃ rü ibacaxü̃rüxü̃ rü tá meama nüxü̃ naxüpetü i ngẽma Iraéuanecüã̱xgü i nachixü̃anewa. Rü ngẽma nachixü̃ane rü duü̃xü̃güarü taãxẽxẽẽruxü̃ tá nixĩ nhama Líbanuarü ocayiwaemarüxü̃ —nhanagürü ga Tupana.
7 --
8 --
Norü gu̱x i nhaa ore
9 Rü yíxema cua̱x tüxü̃́ ngẽxmaxe rü yíxema aixcuma tümaãxẽxü̃ cuáxe rü ẽcü naga taxĩnüe i nhaa ore: “Rü ngẽma nacüma ya Cori ya Tupana rü aixcuma nawe̱xgu. Rü ngẽma aixcuma Tupanaga ĩnüexü̃ i duü̃xü̃gü rü ngẽma nacümagu naxĩ. Notürü ngẽma chixexü̃gu rüxĩnüexü̃ i duü̃xü̃gü rü ngẽma Tupanacüma rü nüxü̃́ rü wüxi i guxchaxü̃ nixĩ.”
