Oséias 4:1-19
4 Pa Iraéuanecüã̱xgüx ¡iperüxĩnüe i ngẽma pemaxã nüxü̃ yaxuxü̃ ya Cori ya Tupana! Nüma rü pemaxã nanu, erü petanüwa rü marü tataxuma ya texé ya tümamücümaxã ixaixcumaxe, rü bai ya texé ya aixcuma naxǘxe i ngẽma Tupanamaxã nüxü̃ tixuxü̃, rü bai ya texé ya aixcuma Tupanaxü̃ cuáxe.
2 Rü tamuxũchi ya notüca̱xma Tupanaégagu ixunetaxe rü nataxüchi i dora, rü máeta, rü ngĩ̱x, rü namu i nai i ngemaxã ipegüxü̃, rü nügü daixü̃, rü máetagüechaxü̃.
3 Rü ngẽmaca̱x i nhaa nachixü̃ane rü poraãcü ngechaü̃ nüxü̃́ nangu̱x rü naanegüwa rü taxuxü̃ma narüxü. Rü duü̃xü̃gü rü nida̱xawee rü nayue, rü ngẽxgumarüxü̃ ta i ngẽma naexü̃gü i naixnecücüã̱x rü werigü rü choxnigü i márcüã̱x rü nigúetanü.
Cori ya Tupana rü chacherdótegüxü̃ nixugü
4 Rü nüma ya Cori ya Tupana rü nhanagürü: —Dücax, Pa Chacherdótex, cugagu nixĩ i ngẽma guxchaxü̃ i nagu nanguxü̃ i ngẽma cuchixü̃ane. Rü tama name i toguena cunaxu i ngẽma chixexü̃.
5 Rü cuma rü ngunecü tátama nagu cungu i ngẽma guxchaxü̃. Rü nüma ya yima orearü uruü̃neta rü chütacü cuxrüxü̃ tátama nagu nangu. Rü ngẽxguma i chama rü taxũtáma pexü̃ íchapoxü̃ nax perü uanügü pexü̃ daixü̃ca̱x rü pexna napuãxü̃ca̱x i nhaa pechixü̃ane.
6 Rü chorü duü̃xü̃gü rü chixexü̃gu nayi rü nayue erü tama chorü mugüxü̃ nacua̱xgü. Rü ngẽma rü cugagu nixĩ, Pa Chacherdótex, erü cuma rü ta nüxü̃ cuxo i chorü mugü. Rü ngẽmaca̱x i chama rü ta cuxü̃ chaxo nax chorü orearü uruxü̃ quixĩxü̃. Erü cumax rü nüxü̃ icurüngüma i chorü ucu̱xẽgü rü ngẽmaca̱x i chamax rü tá ta nüxü̃ icharüngüma i ngẽma cutaagü.
7 Rü ngẽxguma yexera yamuxgu i ngẽma chacherdótegü, rü yexera chixexü̃ chape̱xewa naxügü. Nümagü rü choxna nixĩgachi nax nawe naxĩxü̃ca̱x i ngẽma norü tupananetachicüna̱xãgü. Rü ngẽmaca̱x i chama rü taxũtáma namaxã chataãxẽ rü tá nüxü̃ chaxo.
8 Rü nüma i ngẽma chacherdótegü rü duü̃xü̃güarü pecádumaxã nataãxẽgü erü ngẽxguma ngẽma duü̃xü̃güaxü̃́ naxüã̱xgu nax norü tupananetachicüna̱xãgüca̱x nadaiaxü̃ rü ínaguaxü̃ i ãmaregü, rü nüma i duü̃xü̃gü rü meama ngẽma chacherdótegüaxü̃́ nanaxütanü.
9 Rü ngẽmaca̱x i chama rü ngẽma duü̃xü̃güxü̃ chapoxcuexü̃rüxü̃ tátama chanapoxcue i ngẽma chacherdótegü naxca̱x i norü chixexü̃gü —nhanagürü ga Tupana.
10 --
11 --
12 --
13 --
14 --
15 --
16 --
17 --
18 --
19 --