Oséias 6:1-11
6 Pa Duü̃xü̃güx ¡rü nua pexĩ ya guxãma rü ngĩxã Cori ya Tupanaca̱x tawoegu! Rü woo nümatama tüxü̃ nawoone rü guxchaxü̃ tüxna naxã, notürü wena táxarü tüxü̃ nawoeguxẽxẽ nax ngẽmaãcü itaãxẽgüxü̃ca̱x. Rü nüma rü ngúxü̃ tüxü̃ ningegüxẽxẽ, notürü wena táxarü taxca̱x nayataanegüxẽxẽ.
2 Rü ngẽmaãcü paxa tá wena taxca̱x nayataanegüxẽxẽ rü tá tüxü̃ ínarüdagüxẽxẽ nax mea nape̱xewa imaxẽxü̃ca̱x.
3 ¡Rü ngĩxã pora taxüe nax aixcuma Cori ya Tupanaxü̃ icuáxü̃ca̱x rü naga ixĩnüexü̃ca̱x! Rü nüma ya Cori ya Tupana rü aixcuma tá tüxna nangu nhama üa̱xcü guxü̃guma ínguxü̃rüxü̃ rü nhama pucü guxü̃guma waixümü iwaixmüanexẽẽcürüxü̃.
Cori ya Tupanaarü ngãxü̃ga
4 Rü nüma ya Cori ya Tupana rü nhanagürü: —¿Ta̱xacü tá pemaxã chaxü Pa Efraĩ́tanüxü̃güx? ¿Rü ta̱xacü tá pemaxã chaxü Pa Yudáanecüã̱xgüx? Rü ngẽma choxü̃ nax pengechaü̃xü̃ rü nhama caixanexü̃ i exü̃wa paxaãchi ngóxü̃rüxü̃ nixĩ, rü yimá cherena ya ngunetüxü̃ paxaãchi rüngucürüxü̃ nixĩ.
5 Rü yema chorü orearü uruü̃gü ga petanüwa chamugüxü̃wa pemaxã nüxü̃ chixu nax pexü̃ tá chapoxcuxü̃, notürü ga pema rü tama iperüxĩnüe rü yemaca̱x pexü̃ chada̱i̱x. Rü yemaacü ga chorü poxcu rü aixcuma pewa nangu nhama ngóonexü̃ irügoxü̃rüxü̃.
6 Rü ngẽma chama pexü̃́ chanaxwa̱xexü̃ nixĩ nax choxü̃ pengechaü̃xü̃, rü tama ta̱xacürü naxü̃nagü cha̱u̱xca̱x pedaixü̃. Rü ngẽma chanaxwa̱xexü̃ nixĩ nax aixcuma choxü̃ pecuáxü̃ nax perü Tupana chixĩxü̃ rü ngexrüma i ta̱xacürü ãmare i cha̱u̱xca̱x nax ípeguxü̃ —nhanagürü ga Tupana.
7 --
8 --
9 --
10 --
11 --
